Ɛksodɔs 8:8 - Krio Fɔs Oli Baybul

⁸ Di kiŋ sɛn kɔl Mozis ɛn Erɔn ɛn tɛl dɛn fɔ pre to PAPA GƆD fɔ am le PAPA GƆD pul dɛn akpɔlɔ dɛn kɔmɔt pan in ɛn in pipul dɛn dɔn i go mek di pipul dɛn go ɔfa sakrifays to am.”

Ɛksodɔs 8:8 Referans Kwoze

Ɛksodɔs 10:17

I se mek dɛn fɔgiv am wan tɛm mɔ ɛn pre to dɛn PAPA GƆD fɔ mek i pul pan waala.

Ɛksodɔs 9:28

I beg dɛn fɔ pre to PAPA GƆD fɔ mek dis ren go tap. I se di ren dɔn pasmak ɛn prɔmis se in go lɛf dɛn fɔ go, ɛn dɛn nɔ go tap de igen

1 Kiŋ 13:6

Nain di kiŋ beg di prɔfɛt lɛ i pre fɔ am to PAPA GƆD mek di an gɛt layf bak.

Di Nɔmba Dɛm 21:7

Di pipul dɛn go mit Mozis ɛn beg am mek i pre mek PAPA GƆD drɛb di snek dɛn. Dɛn se, “Wi dɔn du bad we wi grɔmbul pan PAPA GƆD ɛn pan yu. Duya pre mek PAPA GƆD pul dɛn snek ya kɔmɔt pan wi. So Mozis insɛf pre fɔ di pipul dɛn.

Apɔsul Dɛn Wok 8:24

Saymɔn tɛl Pita ɛn Jɔn se, “Duya, una beg Gɔd fɔ mi, mek wetin una tɔk nɔ bi to mi.”

Di Sam Dɛm 66:3

Tɛl PAPA GƆD se “Di tin dɛn we yu de du, so wɔndaful dat yu ɛnimi dɛn ɔl de fred yu.

1 Samiɛl 12:19

Di pipul dɛn tɛl Samiɛl fɔ pre to PAPA GƆD we nain PAPA GƆD fɔ dɛn mek dɛn nɔ day as dɛn dɔn ad pan dɛn ɔda sin dɛn we dɛn aks fɔ kiŋ.

Ɛksodɔs 14:5

We dɛn tɛl di kiŋ na Ijipt se di pipul dɛn dɔn rɔnawe, in ɛn in ɔfisa dɛn chenj dɛn maynd, dɛn bigin de aks dɛnsɛf uskayn tin dɛn du so we dɛn lɛf di Izrɛlayt dɛn fɔ rɔnawe. Dɛn se dɛn nɔ gɛt slev igen fɔ wok fɔ dɛn.

Ɛksodɔs 5:2

Bɔt di kiŋ ansa se, udat na da PAPA GƆD de ɛn wetin fɔ mek in lisin to dɛn ɛn mek di Izrɛlayt dɛn go. I se in nɔ no da PAPA GƆD de ɛn a nɔ go mek di Izrɛlayt dɛn go.

Ɛksodɔs 8:9

Mozis ansa di kiŋ se, in go pre fɔ am bɔt nain fɔ tɔk ustɛm i want am fɔ pre fɔ am, in ɔfisa dɛn ɛn in pipul dɛn so dat ɔl dɛn akpɔlɔ dɛn go kɔmɔt na una os dɛn. I tɛl am se na dɛn wan dɛn we de na di riva go lɛf.

Ɛksodɔs 8:15

Bɔt we di kiŋ si se di akpɔlɔ dɛn dɔn day i mek traŋayes bak. I nɔ lisin to Mozis ɛn Erɔn jɛs lɛkɛ aw PAPA GƆD bin dɔn se.

Ɛksodɔs 8:29

Mozis ansa di kiŋ se, as a go bak so i go pre to PAPA GƆD lɛ di nɛks de di flay dɛn go. I se di flay dɛn go kɔmɔt nain os, in ɔfisa dɛn os ɛn ɔl in pipul dɛn os. I wɔn di kiŋ mek i nɔ chenj in maynd igen ɛn se mek di pipul dɛn nɔ go ɔfa sakrifays to dɛn PAPA GƆD o.”

Ɛksodɔs 8:32

Bɔt igen di kiŋ mek traŋayes bak ɛn nɔ gri fɔ mek di pipul dɛn go.

Ɛksodɔs 9:27

Di kiŋ sɛn kɔl Mozis ɛn Erɔn ɛn mek se i se in gri se a dɔn du bad ɛn di Ibru dɛn PAPA GƆD gɛt rayt, bɔt mi ɛn mi pipul rɔŋ.

Ɛksodɔs 10:16

Di kiŋ sɛn kwik kwik wan go kɔl Mozis ɛn Erɔn ɛn se, in dɔn sin to dɛn PAPA GƆD ɛn to dɛnsɛf.

Ɛksodɔs 9:33

Mozis lɛf di kiŋ ɛn kɔmɔt na de siti. I es in an ɔp ɛn pre to PAPA GƆD ɛn wantɛm wantɛm di tɛnda lɛf fɔ blo ɛn di ren we fiba grabul-grabul tap. Di ren nɔ kam igen

Ɛksodɔs 10:18

So Mozis lɛf di kiŋ ɛn i pre to PAPA GƆD.

Ɛksodɔs 32:11

Bɔt Mozis beg PAPA GƆD se lɛ i kol in at, lɛ i nɔ vɛks, bikɔs nain dɔn yuz in traŋa an fɔ sev dɛn ɛn pul dɛn kɔmɔt na Ijipt.