Ɛksodɔs 8:6 - Krio Fɔs Oli Baybul

⁶ Erɔn pɔynt in wɔkinstik pan ɔl di wata dɛn na Ijipt, dɔn akpɔlɔ bɔs ɔlsay.

Ɛksodɔs 8:6 Referans Kwoze

Di Sam Dɛm 105:30

Frɔg sɛf bɔs na di ples we go te rich insay dɛn bigman dɛn rum dɛn.

Di Sam Dɛm 78:45

I sɛn bɔku flay fɔ aras dɛn, ɛn frɔg dɛn fɔ pwɛl pwɛl di ples.

Rɛvɛleshɔn 16:13

Dɛn a si tri spirit dɛn we kɔmɔt to Setan, dɛn bin fiba ɔkpɔlɔ. Dɛn bin kɔmɔt na di dragɔn in mɔt, di wayl bif in mɔt, ɛn da man we de mek pipul ful se in de tɔk Gɔd in mɛsej, in sɛf yon mɔt.

Lɛvitikɔs 11:12

Fɔ et ɔltin we de na wata we nɔ gɛt fin ɛn skel na abɔmineshɔn to yu.

Ɛksodɔs 7:19

PAPA GƆD tɛl Mozis se, “Tɛl Erɔn fɔ pɔynt in wɔkinstik pan ɔl di wata dɛn na Ijipt - di riva dɛn, di watasay, dɛn brij, dɛn wɛl ɛn ɔl usay wata de, dɛn ɔl go tɔn blɔd. Ɔl dɛn wata we dɛn dɔn kip na drɔm ɔ bokit, ɔl go tɔn to blɔd.”

Ɛksodɔs 9:14

Dis tɛm if i nɔ gri a go du sɔntin we go mek in, in ɔfisa dɛn ɛn in pipul dɛn ɔl no se nɔbɔdi nɔ de we tan lɛk mi na di wanol wɔl.

Ɛksodɔs 9:29

Mozis ansa di kiŋ se, we i kɔmɔt na dis siti, in go es mi an ɔp ɛn pre to PAPA GƆD. Di tinada go tap fɔ blo ɛn di kayn ren we fiba grabul grabul nɔ go fɔdɔm igen I se dat go mek dɛn nɔ se dis wɔl na PAPA GƆD gɛt am.

Ɛksodɔs 10:2

Ɔl dis na fɔ mek una tɛl una pikin dɛn ɛn grampikin dɛn aw a mek di Ijipshian dɛn to fulman di tɛm we a pafɔm dɛn mirekul dɛn ya. Una ɔl go no se mi na PAPA GƆD.”

Ɛksodɔs 15:11

PAPA GƆD, uswan pan dɛn ɔda gɔd dɛn tan lɛkɛ yu? Uswan gɛt pawa fɔ ple wɔnda lɛkɛ yu? Udat oli lɛkɛ yu?

Ditarɔnɔmi 4:35

I se PAPA GƆD bin du ɔl dat fɔ lɛ dɛn no ɛn biliv se, fɔ tru tru, PAPA GƆD na PAPA GƆD ɛn in na di waŋren PAPA GƆD.

Ditarɔnɔmi 32:31

Bikɔs di wan we dɛn abop pan nɔ gɛt pawa lɛk di wan we wi abop pan, ivin wi ɛnimi dɛnsɛf de tɔk am.

Ditarɔnɔmi 33:26

Nɔn gɔd nɔ de we gɛt pawa lɛkɛ Izrɛl dɛn PAPA GƆD, di klawd dɛn nain chariɔt ɛn i de rayd ɔp na di klawd.

2 Samiɛl 7:22

E PAPA GƆD, yu big! Nɔbɔdi nɔ de we tan lɛk yu ɛn na yu na di waŋren PAPA GƆD we wi no.

2 Kronikuls 6:14

“PAPA GƆD, we na Izrɛl dɛn Gɔd, nɔn Gɔd nɔ de na ɛvin ɔ ath we tan lɛk yu - na yu waŋren kin kip yu Kɔvinant ɛn sho lɔv to yu savant dɛn we de waka tret wit yu;

Di Sam Dɛm 86:8

PAPA GƆD, nɔn gɔd nɔ de we dɛn ɔda neshɔn de wɔship we tan lɛk yu; dɛn nɔ ivin ebul fɔ du wetin yu de du.

Di Sam Dɛm 90:2

Bifo yu mek di mawnten dɛn ɛn infakt sɛf bifo yu mek di wɔl, yu bin dɔn bi di PAPA GƆD we wi de wɔship, ɛn yu go stil bi wi PAPA GƆD sote go.

Ayzaya 43:10

PAPA GƆD se, “Una na mi witnɛs dɛn, ɛn mi savant we a dɔn pik, mek yu go no ɛn biliv mi ɛn ɔndastand se na Mi na Im. Nɔn gɔd nɔ bin de bifo mi, ɛn nɔn ɔda wan nɔ go de afta mi;