Ɛksodɔs 8:15 - Krio Fɔs Oli Baybul

¹⁵ Bɔt we di kiŋ si se di akpɔlɔ dɛn dɔn day i mek traŋayes bak. I nɔ lisin to Mozis ɛn Erɔn jɛs lɛkɛ aw PAPA GƆD bin dɔn se.

Ɛksodɔs 8:15 Referans Kwoze

Ayzaya 26:10

If dɛn du gud fɔ wikɛd pɔsin, i nɔ go lan fɔ waka tret wit PAPA GƆD; i de du tin we nɔ rayt na soba pipul dɛn land ɛn i nɔ de si PAPA GƆD we na kiŋ we pas ɔl, in rɛspɛkt

Di Ibru Pipul Dɛn 3:15

Dɛn rayt na Gɔd in Buk se, “If una yɛri Gɔd in vɔys tide, una nɔ traŋayes, lɛkɛ aw una granpapa-papa dɛn bin traŋayes lɔntɛm, we dɛn nɔ bin gri mek Gɔd rul dɛn.”

Di Ibru Pipul Dɛn 3:8

una lisin am, una nɔ traŋayes lɛkɛ aw una pipul dɛn bin traŋayes lɔntɛm, wɛn Gɔd bin tray dɛn na di dɛzat, dɛn nɔ bin gri mek Gɔd rul dɛn.

Ɛkliziastis 8:11

Na bikɔs we pɔsin du bad, dɛn nɔ de gi jɔjmɛnt kwik, na dat mek pipul de kɔntinyu fɔ du bad.

Ɛksodɔs 7:4

A go briŋ waala na di kɔntri ɛn pul di Izrɛlayt dɛn, we na mi pipul dɛn, kɔmɔt de.

Ɛksodɔs 14:5

We dɛn tɛl di kiŋ na Ijipt se di pipul dɛn dɔn rɔnawe, in ɛn in ɔfisa dɛn chenj dɛn maynd, dɛn bigin de aks dɛnsɛf uskayn tin dɛn du so we dɛn lɛf di Izrɛlayt dɛn fɔ rɔnawe. Dɛn se dɛn nɔ gɛt slev igen fɔ wok fɔ dɛn.

Ɛksodɔs 4:21

PAPA GƆD tɛl Mozis se we i go bak na Ijipt i fɔ mek shɔ se i ple ɔl di wɔnda dɛn we i gi am pawa fɔ du bifo di kiŋ. I se in go mek di kiŋ traŋa in at so i nɔ go gri fɔ mek di pipul dɛn go.

Rɛvɛleshɔn 16:9

Di pipul dɛn we di san in faya bin de bɔn, bigin kɔs Gɔd we gɛt pawa fɔ mek i tap dɛn bad bad tin ya. Bɔt dɛn nɔ gri lɛf fɔ sin ɛn dɛn nɔ gri prez Gɔd we gɛt pawa.

Ozie 6:4

Ifrem, wetin a go du wit una? Wetin a go du wit una Juda? Una lɛknɛs nɔ de las, i kin lɔs kwik lɛk dyu.

Prɔvabs 29:1

Ɛnibɔdi we de mek traŋayes we dɛn kɔrɛkt am go gɛt trɔbul, ɛn we i nɔ mekɔp, na de i go fɛn in yon day.

Ɛksodɔs 8:8

Di kiŋ sɛn kɔl Mozis ɛn Erɔn ɛn tɛl dɛn fɔ pre to PAPA GƆD fɔ am le PAPA GƆD pul dɛn akpɔlɔ dɛn kɔmɔt pan in ɛn in pipul dɛn dɔn i go mek di pipul dɛn go ɔfa sakrifays to am.”

Ɛksodɔs 8:14

Di Ijipshian dɛn gɛda di akpɔlɔ dɛn bɔku bɔku wan ɛn payl dɛn difrɛn difrɛn say dɛn. Na so ɛn di ples bin de smɛl.

Ɛksodɔs 8:16

So PAPA GƆD tɛl Mozis fɔ tɛl Erɔn fɔ tek in wɔkinstik nak di grɔn dɔn di dɔst na Ijipt go tɔn to Nat

Ɛksodɔs 8:28

Di kiŋ tɛl Mozis se, in go alaw dɛn fɔ mek dɛn go sakrifays to dɛn PAPA GƆD na di ples we pɔsin nɔ go ebul tap, bɔt una nɔ fɔ go fawe. I beg dɛn fɔ pre fɔ am.

Ɛksodɔs 8:29

Mozis ansa di kiŋ se, as a go bak so i go pre to PAPA GƆD lɛ di nɛks de di flay dɛn go. I se di flay dɛn go kɔmɔt nain os, in ɔfisa dɛn os ɛn ɔl in pipul dɛn os. I wɔn di kiŋ mek i nɔ chenj in maynd igen ɛn se mek di pipul dɛn nɔ go ɔfa sakrifays to dɛn PAPA GƆD o.”

Ɛksodɔs 8:32

Bɔt igen di kiŋ mek traŋayes bak ɛn nɔ gri fɔ mek di pipul dɛn go.

1 Samiɛl 6:6

Di man dɛn se dɛn nɔ fɔ biev lɛk aw di Ijipshian dɛn ɛn dɛn Kiŋ biev we na pas we PAPA GƆD mek waala mit dɛn nain dɛn lɛf di Izrɛlayt dɛn fɔ kɔmɔt na Ijipt.

Prɔvabs 26:11

Lɛkɛ aw dɔg kin de lik in vɔmit, na so fulman kin de mek ful ɔltɛm.

1 Samiɛl 6:3

Dɛn ansa se we dɛn de sɛn di ak bak we na Izrɛl dɛn PAPA GƆD gɛt am, dɛn nɔ fɔ sɛn am go ɛmti wan. Dɛn fɔ mek shɔ se, we dɛn de sɛn am, dɛn sɛn am wit sɔntin fɔ sho se dɛn sɔri fɔ wetin dɛn du. Dɛn se dat go mek PAPA GƆD mek dɛn wɛl bak, ɛn dɛn go ebul fɔ no wetin bin mek dɛn de gɛt bɔku waala so.

1 Samiɛl 6:9

bɔt dɛn fɔ de wach dɛn. If dɛn go na di siti usay di ak blant, dat na Bɛth Shɛmɛsh, dat sho se na PAPA GƆD de lɛ dɛn gɛt ɔl dɛn waala ya. Bɔt if i nɔ go de dat min se wetin de bi to dɛn jɛs de bi nɔmɔ.

1 Samiɛl 6:12

Di kaw dɛn waka tret na di rod fɔ go na Bɛth Shɛmɛsh; dɛn bin de kray fɔ dɛn pikin dɛn ɛn nɔ bɛn nɔn say. Di kiŋ dɛn fala dɛn te rich di bɔda fɔ go na Bɛth Shɛmɛsh.