Ɛksodɔs 8:10 - Krio Fɔs Oli Baybul

¹⁰ Di kiŋ ansa am wantɛm se lɛ i pre fɔ am di nɛks de.” Mozis tɛl di kiŋ se, i go bi lɛkɛ aw i se, ɛn i go no fɔ tru tru se nɔn ɔda PAPA GƆD nɔ de lɛkɛ di PAPA GƆD we di Ibru dɛn de wɔship.

Ɛksodɔs 8:10 Referans Kwoze

Ayzaya 46:9

mɛmba dɛn lɔntɛm tin dɛm; bikɔs na Mi na Gɔd, ɛn nɔn ɔda wan nɔ de; na Mi na Gɔd ɛn nɔn nɔ tan lɛk mi,

Di Sam Dɛm 86:8

PAPA GƆD, nɔn gɔd nɔ de we dɛn ɔda neshɔn de wɔship we tan lɛk yu; dɛn nɔ ivin ebul fɔ du wetin yu de du.

1 Kronikuls 17:20

Bay ɔl wetin wi dɔn yɛri wit wi yes, nɔbɔdi nɔ tan lɛk yu PAPA GƆD ɛn nɔn ɔda Gɔd no de pas yu wan.

2 Samiɛl 7:22

E PAPA GƆD, yu big! Nɔbɔdi nɔ de we tan lɛk yu ɛn na yu na di waŋren PAPA GƆD we wi no.

Ditarɔnɔmi 33:26

Nɔn gɔd nɔ de we gɛt pawa lɛkɛ Izrɛl dɛn PAPA GƆD, di klawd dɛn nain chariɔt ɛn i de rayd ɔp na di klawd.

Ɛksodɔs 9:14

Dis tɛm if i nɔ gri a go du sɔntin we go mek in, in ɔfisa dɛn ɛn in pipul dɛn ɔl no se nɔbɔdi nɔ de we tan lɛk mi na di wanol wɔl.

Jems 4:14

Bɔt una nɔ no wetin go bi to una tumara. Una layf tan lɛkɛ fɔg we kin de wan minit, di ɔda minit i dɔn lɔs.

Ayzaya 40:25

Di Oli wan se, Udat una go kɔmpia mi wit, we una go se a fiba?

Prɔvabs 27:1

Nɔ bost bɔt tumara bikɔs yu nɔ no wetin go gɛt fɔ apin.

Di Sam Dɛm 83:18

Lɛ dɛn ɔl no se, yu na PAPA GƆD di PAPA GƆD Ɔlmayti lɛ dɛn no se na yu waŋren na PAPA GƆD fɔ di wɔl.

Di Sam Dɛm 9:16

Ɔlman sabi se, wi PAPA GƆD na PAPA GƆD we de du tin tret wan ɔltɛm; di bad we di bad man de mɛmba fɔ ɔda pɔsin, nain de fala am.

Ditarɔnɔmi 32:31

Bikɔs di wan we dɛn abop pan nɔ gɛt pawa lɛk di wan we wi abop pan, ivin wi ɛnimi dɛnsɛf de tɔk am.

Ditarɔnɔmi 4:35

I se PAPA GƆD bin du ɔl dat fɔ lɛ dɛn no ɛn biliv se, fɔ tru tru, PAPA GƆD na PAPA GƆD ɛn in na di waŋren PAPA GƆD.

Ɛksodɔs 15:11

PAPA GƆD, uswan pan dɛn ɔda gɔd dɛn tan lɛkɛ yu? Uswan gɛt pawa fɔ ple wɔnda lɛkɛ yu? Udat oli lɛkɛ yu?

Ɛksodɔs 9:29

Mozis ansa di kiŋ se, we i kɔmɔt na dis siti, in go es mi an ɔp ɛn pre to PAPA GƆD. Di tinada go tap fɔ blo ɛn di kayn ren we fiba grabul grabul nɔ go fɔdɔm igen I se dat go mek dɛn nɔ se dis wɔl na PAPA GƆD gɛt am.

Ɛksodɔs 8:9

Mozis ansa di kiŋ se, in go pre fɔ am bɔt nain fɔ tɔk ustɛm i want am fɔ pre fɔ am, in ɔfisa dɛn ɛn in pipul dɛn so dat ɔl dɛn akpɔlɔ dɛn go kɔmɔt na una os dɛn. I tɛl am se na dɛn wan dɛn we de na di riva go lɛf.

Ditarɔnɔmi 3:24

I se i pre to PAPA GƆD se, ‘PAPA GƆD we pas ɔl dɛn ɔda gɔd dɛn, a no se yu jɔs bigin sho mi yu pawa. Nɔn ɔda gɔd nɔ de ɔp na Ɛvin ɔ dis wɔl we ebul du di kayn tin dɛn we yu kin du.

Ditarɔnɔmi 4:39

Mozis kɛriɔn se, dat fɔ mek dɛn no se na PAPA GƆD na PAPA GƆD ɔp na ɛvin ɛn na PAPA GƆD dɔŋ na ath; nɔn ɔda PAPA GƆD igen nɔ de, pas in waŋren.

Ayzaya 40:18

Udat naw yu go se tan lɛk PAPA GƆD, ɔ wetin yu go kɔmpia am wit?