Ɛksodɔs 7:5 - Krio Fɔs Oli Baybul

⁵ Da tɛm de, di Ijipshian dɛn go no fɔ tru se mi na PAPA GƆD wɛn a go dɔn wit dɛn ɛn pul mi pipul dɛn kɔmɔt na di kɔntri.”

Ɛksodɔs 7:5 Referans Kwoze

Ɛksodɔs 14:18

Ɛn wɛn a dɔn dɔnawe wit di Ijipshian dɛn dɔn, dɛn go no fɔ tru se mi na PAPA GƆD.”

Ɛksodɔs 8:22

Bɔt na Goshɛn, usay di Izrɛlayt dɛn tap, wan flay nɔ go de de. Dis go mek i no se na mi na PAPA GƆD na di kɔntri.

Ɛksodɔs 7:17

Tɛl am se, mi se, di tin we a go du go mek i no se mi na PAPA GƆD. Dis wɔkinstik we i de si so na yu an, nain yu go tek nak di wata na di Riva nayl, ɛn i go tɔn to blɔd.

Ɛksodɔs 14:4

dɛn a go mek in at traŋa fɔ lɛ i go rɔnata una. Aw a go dil wit in ɛn in sojaman dɛn go mek pipul dɛn prez ɛn ɔna mi. Dis go mek di Ijipshian dɛn no fɔ tru tru se mi na PAPA GƆD.” Di Izrɛlayt dɛn du wetin PAPA GƆD tɛl dɛn fɔ du.

Ɛksodɔs 3:20

A go pafɔm wɔnda na Ijipt we go mek dɛn go lɛf una fɔ go.

Izikɛl 39:22

Frɔm da de de te go, di Izrɛl pipul dɛn go no se na mi di PAPA GƆD nain na dɛn PAPA GƆD.

Izikɛl 39:7

“Ɛn a go mek dɛn no mi oli nem midul mi Izrɛl pipul; ɛn a nɔ go gri fɔ mek dɛn luk dɔŋ pan mi oli nem igen igen; ɛn di neshɔn dɛn go no se na mi na di PAPA GƆD, di oli wan na Izrɛl.

Ɛksodɔs 8:10

Di kiŋ ansa am wantɛm se lɛ i pre fɔ am di nɛks de.” Mozis tɛl di kiŋ se, i go bi lɛkɛ aw i se, ɛn i go no fɔ tru tru se nɔn ɔda PAPA GƆD nɔ de lɛkɛ di PAPA GƆD we di Ibru dɛn de wɔship.

Izikɛl 36:23

Ɛn a go pruv di oli, we, mi pawaful nem oli, we dɛn nɔ rɛspɛkt na di neshɔn dɛm, ɛn we una nɔ rɛspɛkt dɛm; ɛn di neshɔn dɛn go no se na mi na di PAPA GƆD, wɛn a pruv, bifo dɛn yay, pan una, mi oli we a oli.

Izikɛl 28:22

na dis PAPA GƆD we na Gɔd se; “Una lisin, a de agens una, O Saydɔn, ɛn a go sho mi glori midul una. Ɛn dɛn go no se na mi na PAPA GƆD wɛn a go kɛriawt jɔjmɛnt dɛm pan am, ɛn sho mi olinɛs pan am,

Izikɛl 25:17

A go kɛriawt big big rivɛnj pan dɛm wit bad bad vɛksteshɔn ɛn pɔnishmɛnt. Dɔn dɛn go no se na mi na PAPA GƆD, wɛn a go rivɛnj pan dɛm.”

Di Sam Dɛm 9:16

Ɔlman sabi se, wi PAPA GƆD na PAPA GƆD we de du tin tret wan ɔltɛm; di bad we di bad man de mɛmba fɔ ɔda pɔsin, nain de fala am.

Ɛksodɔs 8:19

Di majikman dɛn tɛl di kiŋ se, “na PAPA GƆD in pawa de wok so, bɔt di kiŋ nɔ lisin to dɛn. I stil mek traŋayes lɛkɛ aw PAPA GƆD bin dɔn se i go du.

Ɛksodɔs 6:1

PAPA GƆD ansa Mozis I se, “Yu go si wetin a go du wit di kiŋ. A go fos am fɔ mek i lɛf di pipul dɛn fɔ go. Wetin a go du, go mek na drɛb i go drɛb dɛn fɔ kɔmɔt na di kɔntri.

Ɛksodɔs 10:2

Ɔl dis na fɔ mek una tɛl una pikin dɛn ɛn grampikin dɛn aw a mek di Ijipshian dɛn to fulman di tɛm we a pafɔm dɛn mirekul dɛn ya. Una ɔl go no se mi na PAPA GƆD.”

Ɛksodɔs 10:7

Di kiŋ in ɔfisa dɛn aks am aw lɔŋ Mozis go de briŋ waala pan dɛn. Dɛn tɛl am se lɛ i lɛf di pipul dɛn mek dɛn go wɔship dɛn PAPA GƆD. Dɛn aks di kiŋ se if i nɔ si se Ijipt de pwɛl.

Ɛksodɔs 18:8

Mozis ɛksplen to Jɛthro ɔl wetin PAPA GƆD du di kiŋ na Ijipt ɛn di Ijipshian dɛn fɔseka di Izrɛlayt dɛn. I tɛl am bɔt ɔl di prɔblɛm we dɛn gɛt na rod ɛn aw PAPA GƆD sev dɛn.

Di Sam Dɛm 138:7

Pan ɔl we a go de pan big big waala yu de pul mi ed de saful; yu yuz yu pawa fɔ fɛt mi ɛnimi dɛn fɔ mi, na yu pawa yu tek sev mi.

Izikɛl 32:15

Wɛn a go mek Ijipt kɔntri wan ɛmti ples we natin ɛn nɔbɔdi nɔ de ɛn wɛn dɛn go dɔn pul ɔl tin, kɔmɔt we ful di kɔntri, ɛn wɛn a go dɔn kil ɔl dɛn wan we tap de, na datɛnde, dɛn go no se mi na PAPA GƆD.

Ɛksodɔs 6:6

So tɛl di Izrɛlayt pipul dɛn se, Mi na PAPA GƆD ɛn a go pul una kɔmɔt pan di waala we di Ijipshian dɛn put pan dɛn. A go pul dɛn kɔmɔt pan di slev layf we dɛn liv ɛn a go sho dɛn mi pawa.