Ɛksodɔs 7:4 - Krio Fɔs Oli Baybul

⁴ A go briŋ waala na di kɔntri ɛn pul di Izrɛlayt dɛn, we na mi pipul dɛn, kɔmɔt de.

Ɛksodɔs 7:4 Referans Kwoze

Ɛksodɔs 11:9

PAPA GƆD tɛl Mozis se, “Di kiŋ nɔ go gri fɔ du wetin yu se, ɛn dat go mek a go pafɔm mirekul dɛn na Ijipt.”

Ɛksodɔs 6:6

So tɛl di Izrɛlayt pipul dɛn se, Mi na PAPA GƆD ɛn a go pul una kɔmɔt pan di waala we di Ijipshian dɛn put pan dɛn. A go pul dɛn kɔmɔt pan di slev layf we dɛn liv ɛn a go sho dɛn mi pawa.

Ɛksodɔs 12:51

ɛn na di vɛri de we PAPA GƆD pul dɛn kɔmɔt na Ijipt bay fambul dɛn du am.

Rɛvɛleshɔn 19:2

I de tɔk tru ɔltɛm, ɛn i de jɔj tret! I dɔn kɔndɛm da fri uman we ɔlman no we in fri layf bin de pwɛl di wɔl, ɛn i dɔn mek i gɛt di pɔnishmɛnt we i fɔ gɛt bikɔs i bin kil dɛn wan we de wok fɔ Gɔd.”

Rɛvɛleshɔn 16:7

Dɛn a yɛri vɔys na di tebul we dɛn de mek sakrifays to Gɔd. Di vɔys de tɔk se, “Masta, Gɔd we gɛt pawa pas ɔl! Yu de jɔj rayt, ɛn yu de tɔk tru ɔltɛm!”

Rɛvɛleshɔn 15:4

Masta, udat de we nɔ go fred yu? Udat nɔ go gri fɔ tɛl ɔda pipul bɔt yu pawa? Na yu wangren na Gɔd. Ɔl dɛn pipul na ɔl dɛn neshɔn go kam fɔdɔm bifo yu ɛn prez yu, bikɔs ɔlman dɔn si se di jɔj we yu de jɔj, gud.”

Izikɛl 30:19

Na so a go kɛri awt jɔjmɛnt pan Ijipt. Na da tɛm de dɛn go no se na mi na PAPA GƆD.

Izikɛl 30:14

A go mek Patrɔs bi wan ɛmti ples we natin nɔ fit fɔ de ɛn a go layt faya na Zoan, ɛn a go kɛriawt jɔjmɛnt akshɔn dɛn pan Tibs.

Izikɛl 25:11

ɛn a go keri awt jɔjmɛnt pan Moab. Na da tɛm de dɛn go no se, na mi na PAPA GƆD.

Izikɛl 14:21

“Bikɔs Papa Gɔd we na Gɔd se, if na mi fo bad bad jɔjmɛnt akshɔn dɛn a sɛn naw, dat na wa, bad bad aŋri, ivul bist ɛn bad bad sik fɔ kil ɔl di pipul dɛn ɛn ɔl di animal dɛn!

Lamɛnteshɔn 3:3

I de bit mi bad bad wan, ol de, i de bit bit mi.

Ayzaya 26:9

Mi sol kin aŋri fɔ yu na nɛt, mi spirit we de insay mi de luk fɔ yu. Bikɔs we yu jɔjmɛnt dɛn de na wɔl, di pipul dɛn na wɔl de lan fɔ waka tret wit yu.

Prɔvabs 19:29

Aw PAPA GƆD in jɔjmɛnt ɛŋ de wet udat nɔ tek natin mek natin, na so ken stambay de wet fɔ flag fulman.

Di Jɔj Dɛm 2:15

Ɛnitɛm dɛn go fɔ go fɛt, PAPA GƆD kin mek dɛn bit dɛn, jɛs lɛk wetin i bin dɔn wɔn dɛn ɛn swɛ se, in go du. Di Izrɛlayt dɛn bin de wit bad bad pwɛl at.

Ɛksodɔs 10:1

So PAPA GƆD tɛl Mozis. I se, “Go mit di kiŋ. A dɔn mek in ɛn in ɔfisa dɛn at traŋa so dat a go pafɔm ɔl dɛn mirekul dɛn ya so usay dɛn de.

Ɛksodɔs 9:3

a go mek in animal dɛn, in ɔs, dɔŋki, kamɛl, in man ɛn uman kaw, ship ɛn got dɛn gɛt bad bad sik we go mek dɛn day.

Ɛksodɔs 6:26

Na dɛn sem Erɔn ɛn Mozis ya, PAPA GƆD bin sɛn fɔ go pul di Izrɛlayt dɛn kɔmɔt na Ijipt akɔdin to dɛn fambul.

Ɛksodɔs 3:20

A go pafɔm wɔnda na Ijipt we go mek dɛn go lɛf una fɔ go.

Ɛksodɔs 3:19

A no se di kiŋ na Ijipt nɔ go gri fɔ mek una go pas a fos am.

Ɛksodɔs 6:1

PAPA GƆD ansa Mozis I se, “Yu go si wetin a go du wit di kiŋ. A go fos am fɔ mek i lɛf di pipul dɛn fɔ go. Wetin a go du, go mek na drɛb i go drɛb dɛn fɔ kɔmɔt na di kɔntri.

Ɛksodɔs 7:13

Pan ɔl dis, di kiŋ stil mek traŋayes ɛn nɔ lisin to Mozis ɛn Erɔn lɛkɛ aw PAPA GƆD bin se.

Ɛksodɔs 7:16

Tɛl di kiŋ se, di PAPA GƆD we di Ibru pipul dɛn de wɔship se mek a tɛl yu se, lɛ i lɛf in pipul dɛn lɛ dɛn go wɔship am na di ples we pɔsin nɔ go ebul tap. Bɔt te naw i nɔ gri fɔ yɛri dɛn.

Ɛksodɔs 8:15

Bɔt we di kiŋ si se di akpɔlɔ dɛn dɔn day i mek traŋayes bak. I nɔ lisin to Mozis ɛn Erɔn jɛs lɛkɛ aw PAPA GƆD bin dɔn se.

Ɛksodɔs 8:19

Di majikman dɛn tɛl di kiŋ se, “na PAPA GƆD in pawa de wok so, bɔt di kiŋ nɔ lisin to dɛn. I stil mek traŋayes lɛkɛ aw PAPA GƆD bin dɔn se i go du.

Ɛksodɔs 9:12

Bɔt PAPA GƆD mek di kiŋ stil mek traŋayes ɛn nɔ gri fɔ lisin to Mozis ɛn Erɔn jɛs lɛkɛ aw PAPA GƆD bin dɔn tɛl Mozis.

Ɛksodɔs 13:3

Mozis tɛl di pipul dɛn se dɛn fɔ mɛmba da de, de dat na di de we dɛn lɛf Ijipt usay dɛn na bin slev, bikɔs na da de de PAPA GƆD yuz in pawa pul dɛn kɔmɔt Ijipt. I tɛl dɛn se dɛn nɔ fɔ it ɛnitin we gɛt yist.

Ɛksodɔs 13:9

I se dat go mek dɛn de mɛmba ɔltɛm lɛk we mak kin de na pɔsin in an ɔ in fɔrɛd fɔ sho se PAPA GƆD in Lɔ de nain at ɛn fɔ de rid PAPA GƆD in lɔ dɛn ɔltɛm, bikɔs na PAPA GƆD yuz in traŋa pawa fɔ pul dɛn kɔmɔt na Ijipt.

Ɛksodɔs 18:8

Mozis ɛksplen to Jɛthro ɔl wetin PAPA GƆD du di kiŋ na Ijipt ɛn di Ijipshian dɛn fɔseka di Izrɛlayt dɛn. I tɛl am bɔt ɔl di prɔblɛm we dɛn gɛt na rod ɛn aw PAPA GƆD sev dɛn.