Ɛksodɔs 7:3 - Krio Fɔs Oli Baybul

³ Bɔt a go mek di kiŋ mek at traŋa so dat pan ɔl we a go du ɔlkayn mirekul dɛn na Ijipt nɔ go lisin.

Ɛksodɔs 7:3 Referans Kwoze

Ɛksodɔs 4:21

PAPA GƆD tɛl Mozis se we i go bak na Ijipt i fɔ mek shɔ se i ple ɔl di wɔnda dɛn we i gi am pawa fɔ du bifo di kiŋ. I se in go mek di kiŋ traŋa in at so i nɔ go gri fɔ mek di pipul dɛn go.

Ɛksodɔs 11:9

PAPA GƆD tɛl Mozis se, “Di kiŋ nɔ go gri fɔ du wetin yu se, ɛn dat go mek a go pafɔm mirekul dɛn na Ijipt.”

Lɛta Fɔ Rom 15:19

di wɔndaful wok dɛn we sho se Gɔd gɛt pawa, ɛn di pawa we Gɔd in Spirit gɛt mek dɛn du wetin Gɔd bin want dɛn fɔ du. Ɛni say we a tap wɛn a bin kɔmɔt Jerusɛlɛm de go Ilirikum, a tɛl pipul di Gud Nyuz bɔt Krays.

Apɔsul Dɛn Wok 7:36

Mozis du plɛnti wɔndaful tin dɛn we mek i ebul pul in pipul dɛn kɔmɔt na Ijipt, insay di wata we nem Rɛd Si, ɛn pul dɛn kɔmɔt na di dɛzat we dɛn bin de fɔti ia.

Apɔsul Dɛn Wok 2:22

“Una dɛn pipul na Izrɛl, una opin una yes gud ɛn lisin wetin a de tɔk. Jizɔs we kɔmɔt Nazarɛt na Man we Gɔd sɛn to wi. Unasɛf no bɔt ɔl dɛn tin ya bikɔs na ya dɛn bi.

Jɔn 4:48

Jizɔs tɛl di ɔfisa se, “Una nɔn nɔ go biliv mi pas nɔmɔ una si di wɔndaful wok dɛn we a de du.”

Di Sam Dɛm 135:9

I ple bɔku wɔndaz insay Ijipt, pan di kiŋ ɛn in ɔfisa dɛn.

Mayka 7:15

I se mek PAPA GƆD ple mirekul fɔ dɛn lɛk aw i bin du we dɛn kɔmɔt Ijipt.

Ayzaya 51:9

Grap o, grap, pik trɛnk, E PAPA GƆD in pawa; grap, lɛk aw yu bin de du fɔstɛm, fɔ di jɛnareshɔn dɛn lɔntɛm. Nɔto yu bin kɔt Reab pis pis, we bin chuk di dragɔn?

Nɛimaya 9:10

We yu no se di Kiŋ, in ɔfisa dɛn ɛn ɔl in pipul dɛn na Ijipt de trit dɛn bad yu ple wɔnda ɛn ple mirekul pan dɛn. Yu mek nem fɔ yusɛf we de te tide.

Ditarɔnɔmi 7:19

di bad bad sɔfa we Ijipt dɛn bin sɔfa we dɛn di Izrɛlayt dɛnsɛf bin si wit dɛn yay, we PAPA GƆD we na dɛn PAPA GƆD bin du dɛn tin dɛn we kin mek pipul dɛn fred ɛn rɛspɛkt am, we na dat i bin tek pul dɛn de; i se na semweso PAPA GƆD we na dɛn PAPA GƆD go du ɔl dɛn neshɔn dɛn we di Izrɛlayt dɛn de fred.

Ditarɔnɔmi 4:34

I tɛl dɛn se nɔn ɔda gɔd nɔ ɛva du wetin PAPA GƆD we na dɛn PAPA GƆD dɔn du, we i fɛt Ijipt fɔ dɛn sek ɛn fri dɛn kɔmɔt pan sɔfrin wit sayn ɛn bad bad tin dɛn we kin mek pipul dɛn fred ɛn wɔnda.

Ɛksodɔs 9:16

Bɔt a nɔ mek dɛn day bikɔs a gɛt mi rizin. A want sho dɛn mi pawa so pipul dɛn ɔlsay na di wɔl go yɛri bɔt mi.

Ɛksodɔs 4:29

Afta dat Mozis ɛn Erɔn go na Ijipt ɛn gɛda di Izrɛlayt dɛn edman dɛn.

Ɛksodɔs 4:7

Dɔn PAPA GƆD tɛl am bak se, “put di an bak insay yu klos.” Dis tɛm we i put di an insay in klos ɛn pul am na do, di an chenj bak to aw i bin de lɛkɛ aw in bɔdi tan.

Lɛta Fɔ Rom 9:18

So, if Gɔd want sɔri fɔ ɛnibɔdi, i go sɔri fɔ am; ɛn if i want mek pɔsin in at traŋa, i go mek in at traŋa.

Ɛksodɔs 3:20

A go pafɔm wɔnda na Ijipt we go mek dɛn go lɛf una fɔ go.

Ɛksodɔs 7:13

Pan ɔl dis, di kiŋ stil mek traŋayes ɛn nɔ lisin to Mozis ɛn Erɔn lɛkɛ aw PAPA GƆD bin se.

Ɛksodɔs 11:10

Mozis ɛn Erɔn pafɔm ɔl dɛn mirekul ya bɔt PAPA GƆD bin mek di kiŋ in at traŋa so dat i stil nɔ gri fɔ mek di Izrɛlayt dɛn kɔmɔt nain kɔntri.

Ɛksodɔs 14:4

dɛn a go mek in at traŋa fɔ lɛ i go rɔnata una. Aw a go dil wit in ɛn in sojaman dɛn go mek pipul dɛn prez ɛn ɔna mi. Dis go mek di Ijipshian dɛn no fɔ tru tru se mi na PAPA GƆD.” Di Izrɛlayt dɛn du wetin PAPA GƆD tɛl dɛn fɔ du.

Di Sam Dɛm 78:12

I ple mirekul dɛn frɔnt dɛn fes. Dɛn si dɛn korokoro wan na Ijipt na di Zoan rijɔn.

Prɔvabs 21:1

Lɛkɛ aw i izi fɔ PAPA GƆD fɔ kɔntrol wata we de rɔn, na so i izi fɔ am fɔ kɔntrol wetin kiŋ de plan ɛn du, ɛn na usay i want am fɔ go i de kɛr am.