Ɛksodɔs 7:2 - Krio Fɔs Oli Baybul

² Tɛl Erɔn ɔl wetin a tɛl yu dɔn in go tɛl di kiŋ, mek i lɛf di Izrɛlayt dɛn fɔ kɔmɔt na di kɔntri.

Ɛksodɔs 7:2 Referans Kwoze

Ɛksodɔs 4:15

Yu go tɔk to am ɛn yu go de tɛl am wetin fɔ se. A go ɛp una ɔl tu fɔ tɔk ɛn a go de tɛl una wetin fɔ se.

Ɛksodɔs 6:29

i tɛl am se, “Mi na PAPA GƆD. Tɛl di kiŋ na Ijipt ɔl wetin a tɛl una.”

Apɔsul Dɛn Wok 20:27

Una no se a nɔ kin ayd natin wɛn a de tɛl una ɔl wetin Gɔd go du.

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Izikɛl 3:17

“Mɔtalman, a dɔn mek yu wachman fɔ Izrɛl: ɛnitɛm a tɛl yu sɔntin, yu fɔ tɛl dɛm wetin a de wɔn yu bɔt.

Izikɛl 3:10

Pantap dat, PAPA GƆD tɛl mi se, “Mɔtalman, lisin ɔl wetin a de tɛl yu wit yu yes ɛn kip am na yu at;

Jɛrimaya 1:17

Bɔt yu, tay yu trɔsis tayt, grap go tɛl dɛn ɔltin we a dɔn tɛl yu traŋa wan se yu fɔ du. Nɔ mek dɛn pwɛl yu at o. If nɔto so, a go pwɛl yu at bifo dɛm.

Jɛrimaya 1:7

Bɔt PAPA GƆD tɛl mi se, “Nɔ tɔk se, ‘mi na jɛs wan yɔŋ bɔbɔ, bikɔs yu go go to ɔl dɛn wan dɛn we a go sɛn yu to, ɛn ɛnitin a se paopa yu fɔ tɔk, yu go tɔk am.

1 Kiŋ 22:14

Bɔt Maykaya tɛl am se wans PAPA GƆD de alayv, na wetin i tɛl am fɔ tɔk in go tɔk.

Ditarɔnɔmi 4:2

I tɛl dɛn se dɛn nɔ fɔ put ɔ pul natin pan wetin i bin dɔn tɛl dɛn se PAPA GƆD we na dɛn PAPA GƆD bin se dɛn fɔ de du ɛn nɔ fɔ de du, so dat dɛn go du di kɔrɛkt tin dɛn we I se.

Ɛksodɔs 4:16

Erɔn go de tɔk fɔ yu to di pipul lɛkɛ yu spoksman. Yu go tan lɛkɛ PAPA GƆD to am fɔ de tɛl am wetin fɔ se.

Ɛksodɔs 7:6

Mozis ɛn Erɔn du wetin PAPA GƆD tɛl dɛn fɔ du.

Ɛksodɔs 5:1

Afta dat, Mozis ɛn Erɔn go mit di Kiŋ. Dɛn tɛl am se, dis na wetin di Izrɛlayt dɛn PAPA GƆD se, mek yu lɛf in pipul dɛn fɔ go na di ples we pɔsin nɔ go ebul tap fɔ go mek wan fɛstival to mi.