Ɛksodɔs 7:19 - Krio Fɔs Oli Baybul

¹⁹ PAPA GƆD tɛl Mozis se, “Tɛl Erɔn fɔ pɔynt in wɔkinstik pan ɔl di wata dɛn na Ijipt - di riva dɛn, di watasay, dɛn brij, dɛn wɛl ɛn ɔl usay wata de, dɛn ɔl go tɔn blɔd. Ɔl dɛn wata we dɛn dɔn kip na drɔm ɔ bokit, ɔl go tɔn to blɔd.”

Ɛksodɔs 7:19 Referans Kwoze

Ɛksodɔs 14:21

Mozis tret in an oba di si, nain PAPA GƆD mek big big tinada kɔmɔt na di ist blo di wata ol nɛt ɛn mek i sheb tu. I mek di si tɔn to dray grɔn.

Ɛksodɔs 14:26

PAPA GƆD tɔk to Mozis. I se, “Tret yu an oba di si, dɔn di wata go kam bak ɛn kɔba di Ijipshian dɛn wit dɛn chariɔt ɛn di drayva dɛn.”

Ɛksodɔs 10:21

Afta dat PAPA GƆD tɛl Mozis se, “Es yu an ɔp to di skay ɛn di kɔntri go dak bad bad wan we go mek pipul dɛn fred.”

Ɛksodɔs 10:12

Na de PAPA GƆD tɛl Mozis se, “Tret yu an oba Ijipt so di lokɔs dɛn go kam. Dɛn go it di plant na di fam we da big big ren, bin lɛf”

Ɛksodɔs 8:16

So PAPA GƆD tɛl Mozis fɔ tɛl Erɔn fɔ tek in wɔkinstik nak di grɔn dɔn di dɔst na Ijipt go tɔn to Nat

Ɛksodɔs 9:33

Mozis lɛf di kiŋ ɛn kɔmɔt na de siti. I es in an ɔp ɛn pre to PAPA GƆD ɛn wantɛm wantɛm di tɛnda lɛf fɔ blo ɛn di ren we fiba grabul-grabul tap. Di ren nɔ kam igen

Jɛnɛsis 1:10

PAPA GƆD gi di dray ples nem “Grɔn,” ɛn di wata we bin gɛda na wan ples i gi am nem, “Si.” PAPA GƆD bin si se i gud.

Ɛksodɔs 4:9

Bɔt if dɛn stil nɔ biliv di tu wɔnda dɛn we yu ple ɔ lisin to wetin yu se, tek sɔm wata na riva Nayl ɛn tɔn am na dray grɔn. Di wata go tɔn blɔd.”

Ɛksodɔs 14:16

Es yu tik ɔp ɛn tret yu an oba di si fɔ mek di wata sheb so di pipul dɛn go gɛt rod fɔ pas.

2 Kiŋ 4:29

Ilaɛlsha tɛl Gɛazi se lɛ i rɛdi wantɛm fɔ go dɔŋ wit in wɔkinstik. I se if i mit ɛnibɔdi na rod, lɛ i nɔ tɛl am adu, ɛn if ɛnibɔdi tɛl am adu lɛ i nɔ ansa; lɛ i put in wɔkinstik pan di pikin in fes.

Ayzaya 5:25

Fɔseka dat PAPA GƆD in at bin wam pan in pipul dɛn, so i tɔn pan dɛn ɛn kil dɛn, ɛn di mawnten dɛn trimbul; ɛn dɛn dedebɔdi dɛn skata lɛk dɔti na di trit dɛn. Pan ɔl dat in at stil nɔ kol, ɛn i stil wan pɔnish dɛn.

Abakɔk 3:8

PAPA GƆD, na di watasay dɛn yu vɛks pan so? Na di sɔlwata dɛn mek yu vɛks bad bad wan so? We yu de rayd ɔp na di klawd; na briz bin de kɛr yu go we yu kin sidɔm pan di chariɔt we dɔn de mek yu win.

Ayzaya 19:10

Dɛn go kil di wan dɛn we dɛn de luk ɔp to na di land, ɛn ɔl dɛn wan dɛn we dɛn kin aya fɔ wok go fil am bad bad wan.