Ɛksodɔs 7:16 - Krio Fɔs Oli Baybul

¹⁶ Tɛl di kiŋ se, di PAPA GƆD we di Ibru pipul dɛn de wɔship se mek a tɛl yu se, lɛ i lɛf in pipul dɛn lɛ dɛn go wɔship am na di ples we pɔsin nɔ go ebul tap. Bɔt te naw i nɔ gri fɔ yɛri dɛn.

Ɛksodɔs 7:16 Referans Kwoze

Ɛksodɔs 3:18

Di Izrɛlayt lida dɛn go biliv wetin yu se, ɛn una ɔl go go to di kiŋ na Ijipt ɛn tɛl am se, PAPA GƆD we na di PAPA GƆD we di Ibru pipul dɛn de wɔship apia to una ɛn tɛl una se una fɔ travul fɔ tri de go patrol na di ples we pɔsin nɔ go ebul tap fɔ go ɔfa sakrifays to am.

Ɛksodɔs 9:1

PAPA GƆD tɛl Mozis se, “Go to di kiŋ ɛn tɛl am se, mi, we na Ibru dɛn PAPA GƆD se, fɔ i lɛf mi pipul dɛn, mek dɛn go wɔship mi.

Ɛksodɔs 9:13

PAPA GƆD tɛl Mozis I se, “Grap ali mɔnin go mit di kiŋ ɛn tɛl am se, di PAPA GƆD we di Ibru dɛn de wɔship se lɛ i lɛf mi pipul dɛn mek de go wɔship mi.

Ɛksodɔs 3:12

Na de PAPA GƆD se, “A go de wit yu, ɛn fɔ sho se na mi sɛn yu we yu pul di Izrɛlayt dɛn kɔmɔt Ijipt, na dis mawnten una ɔl go kam wɔship mi.”

Jɛrimaya 50:33

“Na dis PAPA GƆD Ɔlmayti se: Dɛn de sɔprɛs di pipul dɛm na Izrɛl ɛn di pipul dɛm na Juda; ɔl di wan dɛm we kapchɔ dɛm go slev, nɔ gri lɛf dɛm; dɛn nɔ gri le dɛn go.

Ayzaya 45:13

A dɔn wek am wit raychɔsnɛs, ɛn a go mek i waka tret pan ɔl wetin i de du; I go bil mi siti ɛn fri mi pipul dɛn we de ɛgzayl, we a nɔ go gɛt fɔ pe am ɔ gi am natin,’” Na dis PAPA GƆD Ɔlmayti se.

Ɛksodɔs 14:5

We dɛn tɛl di kiŋ na Ijipt se di pipul dɛn dɔn rɔnawe, in ɛn in ɔfisa dɛn chenj dɛn maynd, dɛn bigin de aks dɛnsɛf uskayn tin dɛn du so we dɛn lɛf di Izrɛlayt dɛn fɔ rɔnawe. Dɛn se dɛn nɔ gɛt slev igen fɔ wok fɔ dɛn.

Ɛksodɔs 13:15

Wɛn di kiŋ bin traŋa in at ɛn nɔ gri fɔ lɛf una fɔ go, PAPA GƆD kil ɔl di fɔs-bɔy-pikin ɛn man animal dɛn na Ijipt. So na dat mek unasɛf de gi PAPA GƆD ɔl di fɔs-bɔy-pikin dɛn, bɔt una kin bay dɛn bak na PAPA GƆD in an.

Ɛksodɔs 10:3

So Mozis ɛn Erɔn go mit di kiŋ ɛn se, “Di Ibru dɛn PAPA GƆD se, ‘aw lɔŋ yu nɔ go gri fɔ put yusɛf dɔŋ ɛn obe am. I se mek yu lɛf in pipul dɛn mek dɛn go wɔship am.

Ɛksodɔs 8:20

PAPA GƆD tɛl Mozis. I se, “Grap ali mɔnin go mit di kiŋ as i de go dɔn di riva. Tɛl am se na wetin PAPA GƆD se yu de tɛl am so. Se lɛ mi pipul dɛn lɛ dɛn go wɔship mi.

Ɛksodɔs 8:1

Afta dat PAPA GƆD tɛl Mozis se, “Go bak to di kiŋ ɛn tɛl am se, mi se lɛ i lɛf mi pipul dɛn mek go wɔship mi.

Ɛksodɔs 3:13

Nain Mozis tɔk bak se, if in go to di Izrɛlayt dɛn ɛn tɛl dɛn se di PAPA GƆD we dɛn papa dɛn bin de wɔship sɛn am to dɛn nɔ go biliv am, ɛn if dɛn aks am se, ‘wetin nain nem,’ wetin in fɔ ansa dɛn se.

Ɛksodɔs 4:22

Mozis fɔ tɛl di kiŋ se di Izrɛlayt dɛn tan lɛkɛ PAPA GƆD in fɔs-bɔy-pikin,

Ɛksodɔs 4:23

so i fɔ lɛf dɛn fɔ go wɔship am. I se if di kiŋ nɔ gri, PAPA GƆD go kil di kiŋ in yon fɔs pikin fɔ dat.

Ɛksodɔs 7:4

A go briŋ waala na di kɔntri ɛn pul di Izrɛlayt dɛn, we na mi pipul dɛn, kɔmɔt de.