Ɛksodɔs 7:15 - Krio Fɔs Oli Baybul

¹⁵ So go mit am na mɔnin we i de go na riva Nayl. Wet fɔ am nia di wata, ɛn nɔ fɔgɛt fɔ tek yu tik we bin tɔn to snek.

Ɛksodɔs 7:15 Referans Kwoze

Ɛksodɔs 8:20

PAPA GƆD tɛl Mozis. I se, “Grap ali mɔnin go mit di kiŋ as i de go dɔn di riva. Tɛl am se na wetin PAPA GƆD se yu de tɛl am so. Se lɛ mi pipul dɛn lɛ dɛn go wɔship mi.

Ɛksodɔs 7:10

So Mozis ɛn Erɔn go to di kiŋ ɛn du wetin PAPA GƆD ɔda dɛn fɔ du. Erɔn trowe wɔkinstik bifo di kiŋ ɛn in ɔfisa dɛn, dɔn di tik tɔn to snek.

Ɛksodɔs 2:5

Afta sɔm tɛm, kiŋ in gyal pikin bin go fɔ go was na di riva. In savant gyal dɛn we bin de wit am bin de waka nia di wata. Di kiŋ in gyal pikin si dis baskit midul di lɔŋ lɔŋ gras dɛn, so i sɛn wan pan dɛn fɔ go briŋ am kam.

Izikɛl 29:3

tɔk se, na dis PAPA GƆD se, “una lisin, a de agens una, Fero, Ijipt in kiŋ di pawaful dragɔn we ledɔm midul in strim wata dɛm, ɛn we de se, ‘mi nayl, na mi yon, na mi mek am.’

Ɛksodɔs 7:14

PAPA GƆD tɔk to Mozis. I se, “Di kiŋ gɛt traŋa at. I nɔ go gri fɔ mek di pipul dɛn go.

1 Kronikuls 16:21

I nɔ gri nɔbɔdi tɔmɛnt dɛn layf, i tɛlɔf kiŋ dɛn fɔ seka dɛn