Ɛksodɔs 7:11 - Krio Fɔs Oli Baybul

¹¹ So di kiŋ insɛf sɛn kɔl i sɛnsman dɛn, in lukgrɔn man dɛn, ɛn in majikman dɛn na Ijipt. Dɛn yuz dɛn yon pawa fɔ du di sem tin.

Ɛksodɔs 7:11 Referans Kwoze

Ɛksodɔs 7:22

Bɔt di majikman dɛn na Ijipt dɛnsɛf yuz dɛn majik pawa ɛn tɔn wata to blɔd. Dis mek di kiŋ stil mek traŋayes. I nɔ gri fɔ du wetin Mozis ɛn Erɔn se jɛs lɛkɛ aw PAPA GƆD bin dɔn se.

Sɛkɛn Lɛta To Timoti 3:8

Lɛkɛ aw Janiz ɛn Jambriz nɔ bin de fɔ Mozis, na semwe so, dɛn man ya nɔ de fɔ di tru tin dɛn na pipul we nɔ de tink rayt ɛn nɔto di rayt tin dɛn biliv bɔt Gɔd.

Ɛksodɔs 8:18

Di majikman dɛn tray fɔ yuz dɛn majik pawa fɔ du di sem tin bɔt dɛn nɔ ebul. Di Nat dɛn bin de pan pipul dɛn ɛn animal dɛn.

Ɛksodɔs 8:7

Bɔt di majikman dɛnsɛf mek akpɔlɔ bɔs kɔmɔt na grɔn bay dɛn majik pawa.

Sɛkɛn Lɛta Fɔ Tɛsalonayka 2:9

Di wan we de fɛt Gɔd go kam wit Setan in pawa ɛn i go kam sho se in gɛt ɔl kayn pawa we i du plɛnti big wok we go mek pipul ful,

Daniɛl 2:2

Nain di kiŋ sɛn kɔl ɔl di magikman dɛm, di luk grɔn man dɛm, di mɛrɛsin man dɛm ɛn di Babilonian dɛm, fɔ tɛl in di kiŋ di drim dɛm. So dɛn ɔl bin kam tinap bifo di kiŋ.

Jɛnɛsis 41:8

We do klin i bin wɔri, so i sɛn kɔl ɔl in majikman ɛn sɛnsman dɛn we de na Ijipt. I tɛl dɛn in drim, bɔt nɔn pan dɛn nɔ bin ebul fɔ intaprit dɛn.

Lɛta Fɔ Ɛfisɔs 4:14

Da tɛm de wi nɔ go liv lɛkɛ pikin we kin chenj wetin dɛn biliv wɛn dɛn yɛri nyu tin, ɔ wɛn pɔsin mek dɛn ful.

Daniɛl 5:7

Nain di kiŋ ala lawd lawd wan se mek dɛn briŋ di lukgrɔn man dɛm, di Babilonian dɛm, ɛn di man dɛm we no bɔt mun ɛn sta. Dɔn di kiŋ tɛl ɔl di sɛnsman dɛm na Babilɔn se, “Ɛnibɔdi we ebul fɔ rid wetin rayt na di wɔl, ɛn tɛl mi wetin i min, a go mek i wɛr pɔpul klos, ɛn wan gold chen rawnd in nɛk, ɛn i go bi di nɔmba tri rula na di kindɔm.”

Lɛta Fɔ Galeshya 3:1

Una dɛn pipul we kɔmɔt Galeshya, una nɔ gɛt sɛns! Udat de wich una mek una nɔ ebul no wetin una de du? A bin dɔn tɛl una plen wan aw pipul bin kil Jizɔs Krays na di krɔs.

Matyu 24:24

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Daniɛl 5:11

Wan man de na yu kindɔm we gɛt di oli gɔd in spirit insay am. Di tɛm we yu papa na bin kiŋ, dɛn bin fɛnɔt se layt, ɔndastandin ɛn sɛns bin de pan dis man, lɛk di sɛns we di gɔd dɛn gɛt. Ɛn Kiŋ Nɛbyukadnɛza, yu papa, bin mek am di bigman pan ɔl di magik man, mɛrɛsin man, Babilonian ɛn man dɛn we no bɔt mun ɛn sta,

Daniɛl 2:27

Daniɛl ansa di kiŋ se, “Nɔn sɛnsman, lukgrɔn man, magik man ɛn dɛn man dɛm we no bɔt sta kin sho di kiŋ di mistri we di kiŋ de aks fɔ,

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Sɛkɛn Lɛta To Timoti 3:9

Bɔt dɛn nɔ go go fa, bikɔs ɔlman go si aw dɛn ful, lɛkɛ aw i bin bi to Janiz ɛn Jambriz.

Ɛksodɔs 7:12

Dɛn trowe dɛn yon tik dɛn na grɔn ɛn di tik dɛn tɔn to snek dɛn. Bɔt Erɔn in yon snek swɛla di ɔda snek dɛn.

1 Samiɛl 6:2

di Filistin dɛn kɔl dɛn man dɛn we bin de mek sakrifays ɛn dɛn lukgrɔn man dɛn ɛn aks dɛn wetin dɛn fɔ du wit di ak ɛn aw dɛn fɔ sɛn am bak go usay i blant.

Daniɛl 4:6

So a gi wan ɔda se ɔl di sɛnsman dɛn na Babilɔn fɔ kam bifo mi, so dat dɛn go tɛl mi wetin di drim min.

Ɛksodɔs 8:3

Di riva Nayl go ful-ɔp wit akpɔlɔ. Di akpɔlɔ dɛn go kɔmɔt na di riva ɛn go na yu os, yu rum, pantap yu bed, na yu ɔfisa ɛn yu pipul dɛn os, ɛn ivin insay yu ovin ɛn yu bekin pan dɛn.