Ɛksodɔs 6:8 - Krio Fɔs Oli Baybul

⁸ A go gi dɛn di land we a bin dɔn swɛ se a go gi dɛn papa dɛn - Ebraam Ayzak ɛn Jekɔb. Ɛn di land go bi dɛn yon prɔpati sote go. Mi na PAPA GƆD.”

Ɛksodɔs 6:8 Referans Kwoze

Jɛnɛsis 26:3

Nɔ muf na ya naw ɛn a go de wit yu ɛn blɛs yu. A go gi yu ɛn yu jɛnareshɔn ɔl dis land lɛkɛ aw a bin dɔn swɛ to yu papa Ebraam se a go du.

Jɛnɛsis 15:18

Da sem tɛm de PAPA GƆD mek Kɔvinant wit Ebram. I se, “A dɔn prɔmis fɔ gi yu jɛnareshɔn ɔl dis kɔntri frɔm di bɔda na Ijipt sote rich na Riva Yufretis,

Izikɛl 20:42

Ɛn una go no se na mi na PAPA GƆD, we a briŋ una kam na Izrɛl, di land we a bin swɛ a go gi una fɔstɛmpapa dɛm.

Jɛnɛsis 14:22

Ebram ansa am se, “A dɔn swɛ to PAPA GƆD we pas ɔl, we mek di wanol wɔl, ɛvin ɛn ath,

Izikɛl 47:14

A bin swɛ fɔ gi dis to una dadi dɛm, ɛn dis land go fɔdɔm to una fɔ una prɔpati.

Ditarɔnɔmi 32:40

Bikɔs a es mi an ɔp to ɛvin, ɛn swɛ se, Lɛk we mi go de sote go,

Ɛksodɔs 32:13

I tɛl PAPA GƆD se lɛ i nɔ fɔgɛt da prɔmis we i bin prɔmis in savant dɛn, dat na Ebraam, Ayzak ɛn Jekɔb, we i bin swɛ to insɛf se in go mek dɛn jɛnareshɔn dɛn bɔku lɛkɛ di sta dɛn na di skay ɛn gi dɛn bɔku, bɔku land we go bi dɛn yon sote go.

Jɛnɛsis 35:12

A go gi yu di land we a bin gi Ebraam ɛn Ayzak, ɛn a go gi am to yu ɛn yu jɛnareshɔn dɛn.”

Jɛnɛsis 28:13

PAPA GƆD insɛf bin tinap nia am ɛn tɛl am se, “Mi na PAPA GƆD, Ebraam yu grampa, ɛn Ayzak, yu papa dɛn PAPA GƆD, A go gi yu ɛn yu jɛnareshɔn dɛn dis land usay yu lidɔm so.

Izikɛl 36:7

Fɔseka dat, na dis PAPA GƆD se; a swɛ se di neshɔn dɛm we de rawnd una, dɛnsɛf go bia di sem disgres we dɛn bin briŋ pan una.

Izikɛl 20:28

Bikɔs we a bin dɔn briŋ dɛm kam na di land we a bin dɔn swɛ se a go gi dɛm, ɛnisay we dɛn si ay il ɔ tik we gɛt bɔku lif, na de dɛn kin go mek dɛn sakrifays dɛn, ɛn kin gi wetin go mek mi at wam. Na de dɛn swit sɛnt kin kɔmɔt kam ɔp, ɛn na de dɛn kin tɔn dɛn drink ɔfrin dɛm.

Izikɛl 20:23

Pantap dat a bin swɛ to dɛn na di say we ɛmti ɛn natin nɔ de, se, a go skata dɛm na ɔl di difrɛn neshɔn dɛm, ɛn sheb sheb dɛm ɔlsay na di difrɛn difrɛn kɔntri dɛm,

Izikɛl 20:15

Ɛn na so a bin swɛ na di say we ɛmti ɛn dray we natin nɔ de, se, a nɔ go briŋ dɛm kam na di land we a bin dɔn gi dɛm, we gud fɔ plant ɛn fɔ mɛn animal, di land we dɛn de kɔle pan pas ɔl ɔda land,

1 Samiɛl 15:29

Samiɛl tɛl am se PAPA GƆD we na Izrɛl dɛn waŋren PAPA GƆD, nɔ de lay ɛn i nɔ de chenj in maynd as in nɔto mɔtalman we gɛt fɔ chenj in maynd.

Di Nɔmba Dɛm 23:19

PAPA GƆD nɔto mɔtalman we de lay, ɛn in nɔto mɔtalman we kwik fɔ chenj in maynd. PAPA GƆD nɔ de tɔk natin we i nɔ de du ɛn i nɔ de mek prɔmis we i nɔ de kip.

Ɛksodɔs 6:6

So tɛl di Izrɛlayt pipul dɛn se, Mi na PAPA GƆD ɛn a go pul una kɔmɔt pan di waala we di Ijipshian dɛn put pan dɛn. A go pul dɛn kɔmɔt pan di slev layf we dɛn liv ɛn a go sho dɛn mi pawa.

Ɛksodɔs 6:2

PAPA GƆD tɔk bak to Mozis se, “Mi na PAPA GƆD.

Rɛvɛleshɔn 10:6

I swɛ bifo Gɔd we de naw ɛn we go de sote go, Gɔd we mek ɛvin ɛn ɔl wetin de insay de. I se, “Tɛm nɔ go wes igen!

Ɛksodɔs 13:5

I se dɛn fɔ sɛlibret da de de as ɔlide insay da mɔnt de wɛn PAPA GƆD go kɛr dɛn go na di ples usay dɛn Kenanayt, dɛn Itayt, dɛn Amɔrayt, dɛn Ivayt ɛn dɛn Jɛbyusayt dɛn de. I se na da land de PAPA GƆD bin swɛ se in go gi dɛn papa dɛn, ɛn da land we fayn fɔ plant ɛn fɔ mɛn animal dɛn.

Di Nɔmba Dɛm 14:30

Dɛn nɔn nɔ go mas fut insay di land we a bin dɔn swɛ se a go mek i bi dɛn yon pas Kelɛb we na Jɛfunɛ in bɔypikin ɛn Jɔshwa we na Nɔn in bɔypikin.

Jɔshwa 24:13

PAPA GƆD se nɔto di Izrɛlayt dɛn mek di fam dɛn we de na di land we dɛn de ɛn nɔto dɛn bil di siti dɛn, bɔt in tek an gi dɛn.

Nɛimaya 9:15

“We dɛn aŋri, yu sɛn bred kɔmɔt na ɛvin fɔ dɛn ɛn we dɛn tɔsti, yu mek wata kɔmɔt na rɔk fɔ dɛn fɔ drink; yu tɛl dɛn se mek dɛn go insay ɛn tek kɔntrol na di land we yu bin dɔn swɛ se yu go gi dɛn.

Ɛksodɔs 6:4

A bin mek Kɔvinant wit dɛn ɛn a prɔmis se a go gi dɛn Kenan, dat na di ples we dɛn bin tap as trenja.

Di Nɔmba Dɛm 10:29

Mozis tɛl Obab, in fadɛnlɔ Ruɛl in bɔypikin we na Midianayt se dɛn de go na di ples we PAPA GƆD bin dɔn tɛl dɛn se in go gi dɛn. I tɛl am se lɛ i go wit dɛn. I se dɛn go trit am fayn bikɔs PAPA GƆD dɔn prɔmis fɔ gi di Izrɛlayt dɛn gud tin.

Di Nɔmba Dɛm 11:12

Na mi bɔn dɛn ɔl? Wetin mek yu se mi fɔ tot dɛn ɛn bayobayo dɛn na mi an lɛk aw nɔs kin tot bebi, fɔ kɛr dɛn go na di land we yu bin dɔn swɛ to dɛn lɔntɛm pipul se yu go gi dɛn?

Ditarɔnɔmi 4:31

ɛn we i bi se PAPA GƆD we na dɛn PAPA GƆD na PAPA GƆD we gɛt sɔri at, i go mɔs mɛmba di Kɔvinant we i bin dɔn mek wit dɛn fɔstɛm-papa dɛn ɛn go mɔs sɔri fɔ dɛn.