Ɛksodɔs 6:7 - Krio Fɔs Oli Baybul

⁷ A go mek una bi mi yon pipul dɛn ɛn a go bi dɛn PAPA GƆD. Da tɛm de dɛn go no se mi na dɛn PAPA GƆD we a pul dɛn kɔmɔt pan slev layf na Ijipt.

Ɛksodɔs 6:7 Referans Kwoze

Ditarɔnɔmi 29:13

so ɔlman go no se, PAPA GƆD na dɛn Gɔd ɛn dɛn na PAPA GƆD in pipul dɛn, jɔs lɛkɛ we i bin prɔmis se i go du, ɛn bin dɔn swɛ to Ebraam, Ayzak ɛn Jekɔb, we na dɛn fɔstɛm-papa dɛn.

Ditarɔnɔmi 7:6

I tɛl dɛn se dɛn na PAPA GƆD in pipul dɛn, ɛn se pan ɔl di ɔda pipul dɛn na di wɔl na dɛn nɔmɔ PAPA GƆD pik fɔ bi in spɛshal pipul dɛn.

Ditarɔnɔmi 4:20

Mozis se PAPA GƆD bin dɔn mek Izrɛl in yon pipul dɛn nain mek i bin pul dɛn kɔmɔt pan di trɔbul we dɛn bin de pan na Ijipt da tɛm de.

Rɛvɛleshɔn 21:7

Ɛnibɔdi we stil tinap traŋa afta Gɔd dɔn tray am go gɛt ɔl dɛn tin ya, ɛn pantap dat, a go bi in Papa ɛn i go bi mi pikin.

Ditarɔnɔmi 26:18

PAPA GƆD insɛf dɔn gri se dɛn nain yon pipul dɛn lɛkɛ we i bin dɔn prɔmis dɛn se, in go du, ɛn i dɔn tɛl dɛn traŋa wan se, dɛn fɔ du ɔl wetin i dɔn se dɛn fɔ de du.

Ditarɔnɔmi 14:2

I tɛl dɛn se dɛn fɔ no se dɛn na pipul dɛn we PAPA GƆD insɛf dɔn pik pan ɔl di ɔda pipul dɛn we de na dis wɔl, fɔ bi in yon pipul dɛn.

Rɛvɛleshɔn 21:3

A yɛri lawd vɔys we kɔmɔt na di say we di chia we kiŋ kin sidɔm fɔ rul, bin de; i bin de tɔk se, “Gɔd dɔn kam fɔ tap to mɔtalman, i go tap wit dɛn ɛn dɛn go bi in pipul. Gɔd insɛf go de wit dɛn ɔltɛm.

Pita In Fɔs Lɛta 2:10

Tɛm bin de we una nɔto bin Gɔd yon pipul dɛn, bɔt una dɔn bi in pipul dɛn naw; tɛm bin de we una nɔ bin no aw Gɔd gud, bɔt naw una dɔn no aw i gud we i dɔn sɔri fɔ una.

Di Ibru Pipul Dɛn 11:16

Bɔt dɛn bin want ples we bɛtɛ pas dat, dat na di ples we de na ɛvin. So Gɔd nɔ shem wɛn dɛn kɔl am dɛn yon Gɔd, bikɔs i bin dɔn rɛdi ples fɔ dɛn.

Lɛta Fɔ Rom 8:31

Wɛn wi luk ɔl dɛn tin ya, wetin wi go se? If Gɔd de fɔ wi, nɔbɔdi nɔ go ebul wi.

Matyu 22:32

‘Mi na Gɔd fɔ Ebraam, Ayzak ɛn Jekɔb.’ If Gɔd na Gɔd fɔ wan pɔsin dat min se da pɔsin de nɔto pɔsin we day, bɔt na pɔsin we gɛt layf.”

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Ozie 1:10

Pan ɔl dis, di Izrɛlayt go bɔku lɛk sansan we nɔbɔdi nɔ ebul kɔnt; ɛn usay dɛn bin kɔl dɛn “nɔto mi pɔsin” na di sem ples dɛn go se “PAPA GƆD we nɔ de day in pikin dɛn.”

Jɛrimaya 31:33

PAPA GƆD se, ‘Bɔt na di kayn Kɔvinant dis we a go mek wit Izrɛl dɛn tɛm dɛn de: A go put mi lɔ insay dɛm ɛn a go rayt am na dɛn at; ɛn a go bi dɛm Gɔd, ɛn dɛn go bi mi pipul.

Ayzaya 41:20

so dat mɔtalman go si ɛn no, ɛn kɔnsida ɛn ɔndastand togɛda, se, na PAPA GƆD in an dɔn du dis, na di Oli Wan na Izrɛl, dɔn mek am.

Di Sam Dɛm 81:6

I se “A dɔn pul di lod kɔmɔt na una sholda; ɛn fri una an frɔm wok.

Ɛksodɔs 16:12

“A dɔn yɛri bɔt di grɔmbul we di Izrɛlayt dɛn de grɔmbul. Tɛl dɛn se dɛn go de gɛt bif fɔ it ivintɛm, dɔn na mɔnin na bred dɛn go gɛt fɔ it, ɛn na dat go mek dɛn no fɔ tru, tru se mi na PAPA GƆD PAPA GƆD.”

Ɛksodɔs 6:6

So tɛl di Izrɛlayt pipul dɛn se, Mi na PAPA GƆD ɛn a go pul una kɔmɔt pan di waala we di Ijipshian dɛn put pan dɛn. A go pul dɛn kɔmɔt pan di slev layf we dɛn liv ɛn a go sho dɛn mi pawa.

Ɛksodɔs 2:11

Wande we Mozis bin dɔn bi bigman, i go usay dɛn Ibru pipul dɛn bin de ɛn i si aw dɛn bin de fos dɛn fɔ wok. I si wan Ijipshian man de bit wan pan di Ibru slev dɛn.

Ɛksodɔs 16:6

PAPA GƆD So Mozis ɛn Erɔn tɛl di pipul dɛn se na da ivintɛm de dɛn go pruv fɔ tru, tru se na PAPA GƆD pul dɛn kɔmɔt na Ijipt,

Lɛvitikɔs 11:44

I se in na PAPA GƆD we na dɛn Gɔd. I se so dɛn fɔ de klin wan fɔ am ɛn tan lɛk am bikɔs in na oli Gɔd. I se dɛn nɔ fɔ tek dɛn tin dɛn we de krip na wɔl fɔ ambɔg dɛnsɛf.

Lɛvitikɔs 11:45

I se, in na PAPA GƆD we na di PAPA GƆD we pul dɛn kɔmɔt pan slev layf na Ijipt fɔ mek i bi dɛn PAPA GƆD so dɛn fɔ bi difrɛn frɔm ɔda pipul dɛn lɛk am.

Ayzaya 49:23

Na kiŋ dɛn go tek una fɔ mɛn, ɛn na dɛn kwin dɛn go gi una bɔbi. Dɛn go butu dɛn fes na grɔn fɔ baw to una, ɛn lik di dɔti na una fut. Na datɛnde una go no se, na mi na PAPA GƆD; di wan dɛn we de luk to mi, nɔ go ɛva shem.”

Ayzaya 49:26

A go mek dɛn wan we aras yu, it dɛn yon flɛsh, ɛn dɛn go drɔnk wit dɛn yon blɔd lɛk se na wayn. Na datɛnde ɔl mɔtalman go no se, na Mi na PAPA GƆD we na una seviɔ, ɛn una Ridima, Jekɔb in Mayti Wan.”

Ayzaya 60:16

Yu go sɔk dɛn neshɔn dɛn milk, yu go sɔk kiŋ dɛn bɔbi; ɛn yu go no se Mi, na PAPA GƆD, mi na yu seviɔ ɛn yu Ridima, Jekɔb in Mayti Wan.

Ayzaya 63:8

Bɔkɔs I se, Fɔ tru tru, dɛn na mi pipul dɛn, bɔy pik dɛn we nɔ go ple yuki yuki; ɛn I kam bi dɛn seviɔ.

Jɛrimaya 30:22

Ɛn una go bi mi pipul, ɛn mi go bi una Gɔd.”

Izikɛl 20:19

Na mi PAPA GƆD na una Gɔd; una du wetin mi lɔ se, ɛn mek shɔ se una obe mi kɔmand dɛm,

Jɛnɛsis 26:3

Nɔ muf na ya naw ɛn a go de wit yu ɛn blɛs yu. A go gi yu ɛn yu jɛnareshɔn ɔl dis land lɛkɛ aw a bin dɔn swɛ to yu papa Ebraam se a go du.

Jɛnɛsis 28:13

PAPA GƆD insɛf bin tinap nia am ɛn tɛl am se, “Mi na PAPA GƆD, Ebraam yu grampa, ɛn Ayzak, yu papa dɛn PAPA GƆD, A go gi yu ɛn yu jɛnareshɔn dɛn dis land usay yu lidɔm so.

Ɛksodɔs 7:17

Tɛl am se, mi se, di tin we a go du go mek i no se mi na PAPA GƆD. Dis wɔkinstik we i de si so na yu an, nain yu go tek nak di wata na di Riva nayl, ɛn i go tɔn to blɔd.

Ɛksodɔs 13:3

Mozis tɛl di pipul dɛn se dɛn fɔ mɛmba da de, de dat na di de we dɛn lɛf Ijipt usay dɛn na bin slev, bikɔs na da de de PAPA GƆD yuz in pawa pul dɛn kɔmɔt Ijipt. I tɛl dɛn se dɛn nɔ fɔ it ɛnitin we gɛt yist.

Ɛksodɔs 13:14

Tɛm go kam we una pikin dɛn go aks una wetin mek una de du ɔl dis. Una fɔ ansa dɛn se PAPA GƆD yuz in pawa fɔ pul una kɔmɔt pan slev layf na Ijipt.

Ɛksodɔs 14:4

dɛn a go mek in at traŋa fɔ lɛ i go rɔnata una. Aw a go dil wit in ɛn in sojaman dɛn go mek pipul dɛn prez ɛn ɔna mi. Dis go mek di Ijipshian dɛn no fɔ tru tru se mi na PAPA GƆD.” Di Izrɛlayt dɛn du wetin PAPA GƆD tɛl dɛn fɔ du.

Ɛksodɔs 14:18

Ɛn wɛn a dɔn dɔnawe wit di Ijipshian dɛn dɔn, dɛn go no fɔ tru se mi na PAPA GƆD.”

Ɛksodɔs 15:2

Na PAPA GƆD gi mi trɛnk fɔ siŋ fɔ am, ɛn nain de sev mi. In na mi PAPA GƆD, ɛn a go prez am, na mi papa in PAPA GƆD, a go es am ɔp.

Ɛksodɔs 15:16

We yu sho yu pawa Fred kech dɛn ɛn dɛn trimbul; dɛn stif lɛk boraks ɛn dɛn tinap te yu pipul dɛn pas te ɔl di pipul dɛn we kɔmɔt Ijipt pas.

Di Nɔmba Dɛm 15:41

Na mi na PAPA GƆD, dɛn PAPA GƆD we pul dɛn kɔmɔt na di Ijipshian dɛn an fɔ mek a go bi dɛn PAPA GƆD. Na mi na PAPA GƆD we na dɛn PAPA GƆD.

Ditarɔnɔmi 29:5

I bin dɔn waka wit dɛn na di dray ples we pɔsin nɔ go ebul tap fɔ fɔti ia bɔt dɛn klos dɛn nɔ chɛr, dɛn sandal dɛn nɔ kɔt.

Ditarɔnɔmi 29:12

so dat dɛn go mek di nyu Kɔvinant wit PAPA GƆD we na dɛn PAPA GƆD,

1 Kiŋ 8:60

lɛ ɔlman na wɔl go no se PAPA GƆD na PAPA GƆD fɔ tru ɛn nɔn ɔda gɔd nɔ de.

1 Kiŋ 20:28

Di prɔfɛt go mit di kiŋ na Izrɛl ɛn tɛl am se PAPA GƆD se bikɔs di Aramean dɛn de tink se in na PAPA GƆD fɔ di il bɔt nɔto PAPA GƆD fɔ di vali, in go mek shɔ se dɛn bit dɛn gud fashin, dɔn na da tɛm de in di kiŋ go no se in na PAPA GƆD.

Nɛimaya 1:10

“PAPA GƆD, wi na yu pikin dɛn we yu yuz ɔl yu pawa ɛn trɛnk fɔ pul pan trɔbul.

Di Sam Dɛm 100:3

No fɔ tru tru se, PAPA GƆD nain waŋren na PAPA GƆD. Nain mek wi, so nɔto wi gɛt wisɛf; wi nain pipul we tan lɛk ship we i de mɛn.

Ayzaya 51:15

Bikɔs na mi na PAPA GƆD we na yu Gɔd, we de shek di si, mek in swɛlin dɛn mek lawd lawd nɔys- na PAPA GƆD Ɔlmayti nain nem.