Ɛksodɔs 6:6 - Krio Fɔs Oli Baybul

⁶ So tɛl di Izrɛlayt pipul dɛn se, Mi na PAPA GƆD ɛn a go pul una kɔmɔt pan di waala we di Ijipshian dɛn put pan dɛn. A go pul dɛn kɔmɔt pan di slev layf we dɛn liv ɛn a go sho dɛn mi pawa.

Ɛksodɔs 6:6 Referans Kwoze

Ditarɔnɔmi 26:8

So PAPA GƆD bin yuz in pawa mek ɔlkayn mirekul, sayn ɛn tin dɛn we bin mek pipul dɛn wɔnda, we mek di Ijipshian dɛn fred ɛn lɛf dɛn fɔ go.

1 Kronikuls 17:21

Us ɔda neshɔn na wɔl we tan lɛk Izrɛl we na yu pipul dɛn, we papa Gɔd bin go fri fɔ bi in pipul dɛn, ɛn mek nem fɔ yusɛf fɔ big ɛn fiaful tin dɛn we PAPA GƆD go fɔ sev fɔ bi in pipul, yu mek nem fɔ yusɛf fɔ pawaful ɛn fiaful tin dɛm, we yu drɛb pipul dɛn ɛn put yu yon pipul dɛn we yu fri kɔmɔt Ijipt.

Ditarɔnɔmi 7:8

Bɔt PAPA GƆD lɛk dɛn ɛn de kip in prɔmis we i bin dɔn prɔmis dɛn fɔstɛm-papa dɛn se i go pul dɛn kɔmɔt slevri na Ijipt dɛn kiŋ in an, ɛn dɛn go bi in yon pipul dɛn sote go.

Ɛksodɔs 7:4

A go briŋ waala na di kɔntri ɛn pul di Izrɛlayt dɛn, we na mi pipul dɛn, kɔmɔt de.

Nɛimaya 1:10

“PAPA GƆD, wi na yu pikin dɛn we yu yuz ɔl yu pawa ɛn trɛnk fɔ pul pan trɔbul.

Di Sam Dɛm 81:6

I se “A dɔn pul di lod kɔmɔt na una sholda; ɛn fri una an frɔm wok.

Ditarɔnɔmi 15:15

Mozis tɛl dɛn se dɛnsɛf fɔ mɛmba wetin dɛn bin pas we dɛn na bin slev dɛn na Ijipt, bifo PAPA GƆD we na dɛn PAPA GƆD go pul dɛn de. I se na ɔl dat mek in tɛl dɛn se, dɛn fɔ fri dɛn slev dɛn afta siks ia ɛn gi dɛn sɔntin fɔ dɛnsɛf.

Ɛksodɔs 15:13

Bikɔs yu lɔv nɔ de chenj, yu kip to yu prɔmis, yu pul yu pipul dɛn na dɛn ɛnimi dɛn an wit yu trɛnk, ɛn lid dɛn go na yu yon oli ples.

Ɛksodɔs 3:17

ɛn a prɔmis fɔ pul dɛn kɔmɔt na Ijipt usay dɛn de sɔfa ɛn kɛr dɛn go na di land usay dɛn Kenanayt, dɛn Itayt, dɛn Amɔrayt, dɛn Pɛrizayt, dɛn Ivayt ɛn dɛn Jɛbyusayt dɛn de. Da land de na land we fayn fɔ plant, ɛn fɔ mɛn animal dɛn.

2 Kiŋ 17:36

I se na PAPA GƆD we pul dɛn kɔmɔt na Ijipt wit in mayti pawa dɛn. I se nain dɛn fɔ wɔship. I se nain dɛn fɔ baw to ɛn ɔfa sakrifays to,

Ditarɔnɔmi 4:23

so dɛn fɔ mek shɔ se dɛn nɔ fɔgɛt di Kɔvinant we dɛn bin dɔn mek wit PAPA GƆD we na dɛn PAPA GƆD ɛn go mek ɛnitin we fiba mɔtalman ɔ animal fɔ wɔship, bikɔs PAPA GƆD we na dɛn PAPA GƆD nɔ want dɛn fɔ du da kayn tin de.

Ayzaya 9:21

Manasɛ Ifrem, ɛn Ifrem Manasɛ, ɛn dɛn ɔl de agens Juda. Pan ɔl dat, in at nɔ stil kol ɛn stil de pɔnish una dɛn.

Ɛksodɔs 6:29

i tɛl am se, “Mi na PAPA GƆD. Tɛl di kiŋ na Ijipt ɔl wetin a tɛl una.”

Ɛksodɔs 6:8

A go gi dɛn di land we a bin dɔn swɛ se a go gi dɛn papa dɛn - Ebraam Ayzak ɛn Jekɔb. Ɛn di land go bi dɛn yon prɔpati sote go. Mi na PAPA GƆD.”

Ɛksodɔs 6:2

PAPA GƆD tɔk bak to Mozis se, “Mi na PAPA GƆD.

Ayzaya 9:12

Di Sirian dɛn na di ist ɛn di Filistin dɛn na di wɛst dɔn opin mɔt fɔ swɛla Izrɛl. Pan ɔl dat, in at stil nɔ kol ɛn i stil wan pɔnish dɛn.

Ayzaya 9:17

Na dat mek PAPA GƆD nɔ de gladi fɔ dɛn yɔŋ bɔy dɛn, ɛn i nɔ de sɔri fɔ di pikin dɛn we dɛn papa dɔn day ɛn di uman dɛn we dɛn man dɔn day; bikɔs dɛn ɔl nɔ sabi Gɔd ɛn na so so bad dɛn de du, ɛn na soso rɔbish dɛn de tɔk. Fɔseka ɔl dɛn tin ya, in at stil nɔ kol ɛn i stil de pɔnish dɛn.

Apɔsul Dɛn Wok 13:17

Wɛn wi Izrɛl pipul dɛn bin de na Ijipt, di Gɔd we wi pipul dɛn de pre to pik wi grampapa papa dɛn ɛn blɛs di Izrɛl neshɔn. Na bay Gɔd in pawa mek di Izrɛl pipul dɛn kɔmɔt pan slev layf.

Ɛksodɔs 1:11

So di Ijipshian dɛn put masta dɛn oba di Izrɛlayt dɛn fɔ trit dɛn bad ɛn fos dɛn fɔ wok lɛk slev. Dɛn mek di Izrɛlayt dɛn bil Pitɔm ɛn Ramisis we na tu siti fɔ kip it ɛn ɔda tin dɛn fɔ di kiŋ.

Ɛksodɔs 2:11

Wande we Mozis bin dɔn bi bigman, i go usay dɛn Ibru pipul dɛn bin de ɛn i si aw dɛn bin de fos dɛn fɔ wok. I si wan Ijipshian man de bit wan pan di Ibru slev dɛn.

Ɛksodɔs 12:41

ɛn na di vɛri de we mek dɛn fo ɔndrɛd ɛn tati ia ɔl di Izrɛlayt famili dɛn kɔmɔt na Ijipt.

Ɛksodɔs 12:51

ɛn na di vɛri de we PAPA GƆD pul dɛn kɔmɔt na Ijipt bay fambul dɛn du am.

Ɛksodɔs 13:3

Mozis tɛl di pipul dɛn se dɛn fɔ mɛmba da de, de dat na di de we dɛn lɛf Ijipt usay dɛn na bin slev, bikɔs na da de de PAPA GƆD yuz in pawa pul dɛn kɔmɔt Ijipt. I tɛl dɛn se dɛn nɔ fɔ it ɛnitin we gɛt yist.

Ɛksodɔs 13:14

Tɛm go kam we una pikin dɛn go aks una wetin mek una de du ɔl dis. Una fɔ ansa dɛn se PAPA GƆD yuz in pawa fɔ pul una kɔmɔt pan slev layf na Ijipt.

Ɛksodɔs 16:6

PAPA GƆD So Mozis ɛn Erɔn tɛl di pipul dɛn se na da ivintɛm de dɛn go pruv fɔ tru, tru se na PAPA GƆD pul dɛn kɔmɔt na Ijipt,

Ɛksodɔs 18:1

Jɛthro, dat na di man we de mek sakrifays fɔ pipul sin na Midian, ɛn we sɛf na Mozis in fadɛnlɔ, yɛri ɔl wetin PAPA GƆD dɔn du fɔ Mozis ɛn fɔ dɛn Izrɛlayt dɛn dat na PAPA GƆD in pipul dɛn ɛn aw i pul dɛn kɔmɔt na Ijipt.

Ditarɔnɔmi 4:34

I tɛl dɛn se nɔn ɔda gɔd nɔ ɛva du wetin PAPA GƆD we na dɛn PAPA GƆD dɔn du, we i fɛt Ijipt fɔ dɛn sek ɛn fri dɛn kɔmɔt pan sɔfrin wit sayn ɛn bad bad tin dɛn we kin mek pipul dɛn fred ɛn wɔnda.

Ditarɔnɔmi 5:15

Izrɛl nɔ fɔ fɔgɛt we dɛn bin bi slev na Ijipt, we PAPA GƆD we na dɛn PAPA GƆD bin yuz in pawa ɛn trɛnk fɔ sev dɛn, ɛn na dat mek in PAPA GƆD we na dɛn PAPA GƆD, de tɛl dɛn paopa se nain nɔmɔ dɛn fɔ de mɛmba di de we mek sɛvin ɛvri wik.

Ditarɔnɔmi 6:12

lɛ dɛn tek tɛm lɛ dɛn nɔ go fɔgɛt bɔt PAPA GƆD we pul dɛn kɔmɔt pan slev layf na Ijipt.

Jɛrimaya 21:5

Na misɛf sɛf go fɛt una wit mi traŋa an we opin, wit vɛksteshɔn ɛn ɔt tɛmpa, ɛn wit bad bad wamat.

Jɛrimaya 32:21

Yu briŋ yu pipul dɛm we na Izrɛl kɔmɔt Ijipt, wit sayn ɛn wɔnda, wit traŋa an ɛn an we strɛch opin wayd, ɛn wit tin we de mek pipul fred bad bad wan;

Ɛksodɔs 3:8

So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap.

Ɛksodɔs 7:5

Da tɛm de, di Ijipshian dɛn go no fɔ tru se mi na PAPA GƆD wɛn a go dɔn wit dɛn ɛn pul mi pipul dɛn kɔmɔt na di kɔntri.”

Ɛksodɔs 13:16

Una de du dis fɔ mɛmba unasɛf lɛk aw mak kin de na pɔsin in an ɔ in fɔrɛd fɔ sho se na PAPA GƆD pul una kɔmɔt na Ijipt wit in pawa.

Ɛksodɔs 32:11

Bɔt Mozis beg PAPA GƆD se lɛ i kol in at, lɛ i nɔ vɛks, bikɔs nain dɔn yuz in traŋa an fɔ sev dɛn ɛn pul dɛn kɔmɔt na Ijipt.

Ditarɔnɔmi 7:19

di bad bad sɔfa we Ijipt dɛn bin sɔfa we dɛn di Izrɛlayt dɛnsɛf bin si wit dɛn yay, we PAPA GƆD we na dɛn PAPA GƆD bin du dɛn tin dɛn we kin mek pipul dɛn fred ɛn rɛspɛkt am, we na dat i bin tek pul dɛn de; i se na semweso PAPA GƆD we na dɛn PAPA GƆD go du ɔl dɛn neshɔn dɛn we di Izrɛlayt dɛn de fred.

Ditarɔnɔmi 9:29

I tɛl PAPA GƆD se di Izrɛlayt dɛn na PAPA GƆD in yon pipul dɛn ɛn i bin dɔn du plɛnti wɔndaful tin dɛn wit in pawa fɔ dɛn sek, we i bin pul dɛn kɔmɔt slevri na Ijipt.

Ditarɔnɔmi 11:2

I se dɛn ɔl no ɔl wetin PAPA GƆD we na dɛn PAPA GƆD dɔn tich dɛn ɛn di kayn trenin we i dɔn gi dɛn. I mɛmba dɛn se na dɛnsɛf PAPA GƆD bin de tich ɛn nɔto dɛn pikin dɛn, ɛn bɔt di kayn pawa we PAPA GƆD bin dɔn sho dɛn;

1 Kiŋ 8:42

dɛn go de yɛri bɔt yu wok ɛn di wɔndaful tin dɛn we yu de du; if dɛn kam na dis os fɔ wɔship yu,

Di Sam Dɛm 77:16

Wɛn yu rich di wata, i skyad ɛn bigin trimbul lɛkɛ pɔsin ivin di bɔtɔm pat pan di wata.

Di Sam Dɛm 81:7

We una bin de pan trɔbul, una kɔl mi fɔ ɛp una ɛn a kam ɛp una. We a bin de insay insay tɛnda, a ebul ansa una a tɛst una nɔmɔ wit di wata na Mɛriba

Di Sam Dɛm 81:11

“Bɔt o ya! Mi pipul nɔ gri lisin to mi; Izrɛl nɔ gri fɔ put insɛf dɔŋ fɔ du wetin a se.

Jɛrimaya 27:5

“Na mi we tek mi gret pawa ɛn mi an we a opin wayd wayd wan, mek dis wɔl, di mɔtalman ɛn di animal dɛm we de na wɔl, ɛn a gi am to udat a fil se rayt to mi, fɔ gi.

Izikɛl 20:33

Papa Gɔd we na Gɔd se, wans a de, biliv mi, na wit mi pawaful an, ɛn wit mi an we rɛdi fɔ blo, ɛn na we a de du bad we a vɛks bad bad wan, A go bi kiŋ oba una.