Ɛksodɔs 6:5 - Krio Fɔs Oli Baybul

⁵ A want yu fɔ no se a dɔn yɛri di Izrɛlayt dɛn, we di Ijipshian dɛn tek mek slev dɛn kɔmplen ɛn a dɔn mɛmba di Kɔvinant we a bi mek wit dɛn papa dɛn.

Ɛksodɔs 6:5 Referans Kwoze

Ɛksodɔs 2:24

PAPA GƆD yɛri we dɛn de kray ɛn i mɛmba di Kɔvinant we i bin dɔn mek wit Ebraam, Ayzak ɛn Jekɔb.

Ayzaya 63:9

Insay ɔl dɛn siknɛs, insɛf bin sik, ɛn di enjɛl we kin de ɔlsay we i de, bin sev dɛm; na wit lɔv ɛn di sɔri we i de sɔri fɔ dɛn mek i ridim dɛm; I es dɛn ɛn tot ɔl dɛn lɔntɛm dez dɛm.

Lyuk 1:72

So Gɔd stil de sɔri fɔ wi lɛkɛ aw i tɛl wi granpapa-papa dɛn se in go du ɛn i stil mɛmba di agrimɛnt we insɛf sɛf mek wit dɛn,

Lyuk 1:54

I dɔn ɛp wi, di Izrɛl pipul dɛn, we de sav am, bikɔs i mɛmba se in bin dɔn prɔmis wi granpapa-papa dɛn,

Di Sam Dɛm 105:8

I go kip in Kɔvinant sote go, dɔn i nɔ go ɛva fɔgɛt di prɔmis dɛn we i mek to una.

Ɛksodɔs 3:7

Na de PAPA GƆD tɛl am se, “A dɔn si aw mi pipul dɛn de sɔfa na Ijipt. A dɔn yɛri we dɛn de kray fɔ kɔmɔt ɔnda dɛn slev masta dɛn ɛn a bisin bɔt wetin de apin to dɛn. A no ɔl bɔt aw dɛn de sɔfa.

Jɛnɛsis 9:15

a go mɛmba dis Kɔvinant we a mek wit una, se, igen igen a nɔ go mek big big ren kam fɔ pwɛl ɔltin we gɛt layf.

Jɛnɛsis 8:1

PAPA GƆD nɔ bin fɔgɛt se Noa ɛn ɔl dɛn animal bin de insay di bot; i mek big briz blo, ɛn di wata bigin go dɔŋ.

Ɛksodɔs 2:23

I tek sɔm tɛm dɔn di kiŋ na Ijipt day. Di Izrɛlayt dɛn bin dɔn taya fɔ de du slev wok. So dɛn beg PAPA GƆD fɔ pul dɛn pan di sɔfa we dɛn bin de sɔfa.

Ɛksodɔs 5:4

Bɔt di kiŋ aks Mozis ɛn Erɔn se, “wetindu una wan di pipul dɛn kɔmɔt pan di wok we dɛn de du? Una go bak go du una wok.”