Ɛksodɔs 6:4 - Krio Fɔs Oli Baybul

⁴ A bin mek Kɔvinant wit dɛn ɛn a prɔmis se a go gi dɛn Kenan, dat na di ples we dɛn bin tap as trenja.

Ɛksodɔs 6:4 Referans Kwoze

Jɛnɛsis 28:4

Mek PAPA GƆD mek di blɛsin we i bin dɔn gi Ebraam fala yu ɛn yu gret grampikin dɛn, ɛn mek dis land we wi de so naw as trenja bi yu yon bikɔs PAPA GƆD bin dɔn gi Ebraam!”

Jɛnɛsis 15:18

Da sem tɛm de PAPA GƆD mek Kɔvinant wit Ebram. I se, “A dɔn prɔmis fɔ gi yu jɛnareshɔn ɔl dis kɔntri frɔm di bɔda na Ijipt sote rich na Riva Yufretis,

Jɛnɛsis 26:3

Nɔ muf na ya naw ɛn a go de wit yu ɛn blɛs yu. A go gi yu ɛn yu jɛnareshɔn ɔl dis land lɛkɛ aw a bin dɔn swɛ to yu papa Ebraam se a go du.

Apɔsul Dɛn Wok 7:5

Gɔd nɔ bin gi Ebraam ples fɔ de we go bi in yon; i nɔ gi am lili ples sɛf, bɔt i prɔmis am se in go gi am ples, ɛn da ples de go bi Ebraam in yon prɔpati ɛn da prɔpati de go bi Ebraam in grampikin pikin dɛm yon, wɛn Ebraam dɔn day. Ebraam nɔ bin bɔn pikin yet wɛn Gɔd tɛl am dat.

Ayzaya 55:3

Opin una yes lisin, ɛn kam to mi; una yɛri, mek una go gɛt layf; ɛn a go mek Kɔvinant wit yu we go de sote go, mi tru tru lɛk we nɔ de chenj, we a lɛk Devid.

Di Sam Dɛm 105:12

Di tɛm we dɛn nɔ bin plɛnti, ɛn so smɔl, dat dɛn na bin trenja

2 Samiɛl 23:5

Na tru se PAPA GƆD dɔn blɛs mi ɛn mi pipul. Nain bin dɔn mek Kɔvinant we go kip sote go wit mi ɛn i de kip in wɔd sote go. Na dat nɔmɔ a want as i go mɔs du wetin i se.

Jɛnɛsis 28:13

PAPA GƆD insɛf bin tinap nia am ɛn tɛl am se, “Mi na PAPA GƆD, Ebraam yu grampa, ɛn Ayzak, yu papa dɛn PAPA GƆD, A go gi yu ɛn yu jɛnareshɔn dɛn dis land usay yu lidɔm so.

Jɛnɛsis 23:4

I beg dɛn fɔ sɛl ples gi am fɔ bɛr in wɛf as in na fɔrina.

Jɛnɛsis 17:13

as lɔŋ as na bɔypikin yu fɔ sakɔmsayz am. Na dis go mek di Kɔvinant de sote go.

Jɛnɛsis 17:4

“A de mek dis Kɔvinant wit yu naw ɛn a de prɔmis yu se yu go bi di papa fɔ bɔku neshɔn.

Jɛnɛsis 15:13

Nain PAPA GƆD tɛl am se, “No naw fɔ tru tru se, yu jɛnareshɔn dɛn go bi trenja na ɔda kɔntri; dɛn go bi slev de ɛn dɛn go trit dɛn bad fɔ fo ɔndrɛd ia.

Jɛnɛsis 6:18

Bɔt a go mek Kɔvinant wit yu. Yu go go insay di ak wit yu wɛf, yu bɔypikin dɛn, ɛn dɛn wɛf.

Jɛnɛsis 12:7

PAPA GƆD apia to Ebram, dɔn i tɛl am se, “Na dis kɔntri a go gi yu ɛn yu jɛnareshɔn dɛn.” So Ebram bil ɔlta fɔ wɔship PAPA GƆD na da ples de usay i bin apia to am.

Jɛnɛsis 26:4

A go mek yu jɛnareshɔn dɛn bɔku lɛk di sta dɛn de na di skay, ɛn a go gi dɛn dis wanol ples. Na tru dɛn ɔl dɛn ɔda neshɔn go gɛt blɛsin.

Di Nɔmba Dɛm 10:29

Mozis tɛl Obab, in fadɛnlɔ Ruɛl in bɔypikin we na Midianayt se dɛn de go na di ples we PAPA GƆD bin dɔn tɛl dɛn se in go gi dɛn. I tɛl am se lɛ i go wit dɛn. I se dɛn go trit am fayn bikɔs PAPA GƆD dɔn prɔmis fɔ gi di Izrɛlayt dɛn gud tin.

Ɛksodɔs 6:8

A go gi dɛn di land we a bin dɔn swɛ se a go gi dɛn papa dɛn - Ebraam Ayzak ɛn Jekɔb. Ɛn di land go bi dɛn yon prɔpati sote go. Mi na PAPA GƆD.”

Ɛksodɔs 13:4

I tɛl dɛn se da patikla de de insay Abib mɔnt na di de dat we dɛn lɛf Ijipt.

Ɛksodɔs 13:5

I se dɛn fɔ sɛlibret da de de as ɔlide insay da mɔnt de wɛn PAPA GƆD go kɛr dɛn go na di ples usay dɛn Kenanayt, dɛn Itayt, dɛn Amɔrayt, dɛn Ivayt ɛn dɛn Jɛbyusayt dɛn de. I se na da land de PAPA GƆD bin swɛ se in go gi dɛn papa dɛn, ɛn da land we fayn fɔ plant ɛn fɔ mɛn animal dɛn.

Di Sam Dɛm 105:11

I se, “A go gi una Kenan land fɔ bi una yon.”