Ɛksodɔs 6:3 - Krio Fɔs Oli Baybul

³ A apia to Ebraam, to Ayzak ɛn Jekɔb as PAPA GƆD Ɔlmayti, bɔt a nɔ bin mek dɛn no mi bay mi oli nem.

Ɛksodɔs 6:3 Referans Kwoze

Di Sam Dɛm 83:18

Lɛ dɛn ɔl no se, yu na PAPA GƆD di PAPA GƆD Ɔlmayti lɛ dɛn no se na yu waŋren na PAPA GƆD fɔ di wɔl.

Di Sam Dɛm 68:4

Lɛ wi siŋ to PAPA GƆD, wi fɔ siŋ ɛn prez PAPA GƆD fɔ udat i bi, Wi fɔ siŋ ɛn mek nɔys fɔ PAPA GƆD we de rayd pantap di klawd In nem na PAPA GƆD, so wi fɔ prez am.

Ɛksodɔs 3:14

PAPA GƆD ansa am se, “NA MI NA UDAT A BI.” Na dat yu fɔ tɛl di Izrɛlayt dɛn. Se na NA MI sɛn yu to dɛn.”

Jɛnɛsis 48:3

Jekɔb tɛl Josɛf se PAPA GƆD Ɔlmayti bin apia to am na Luz insay Kenan ɛn i blɛs am.

Jɛnɛsis 17:1

We Ebram bin ol naynti-nayn ia, PAPA GƆD apia to am ɛn tɛl am se, “Mi na PAPA GƆD Ɔlmayti. Obe mi ɛn du wetin rayt ɔltɛm.

Ayzaya 44:6

Na dis PAPA GƆD we na kiŋ na Izrɛl ɛn di wan we de sev dɛn, we nain na PAPA GƆD Ɔlmayti, se: “Na mi na di fɔs ɛn na mi na di las; apat frɔm mi nɔn ɔda gɔd nɔ de.

Jɛnɛsis 35:11

PAPA GƆD tɛl am se, “Mi na PAPA GƆD Ɔlmayti. Bɔn bɔku bɔku pikin we go de ɔlsay na di wɔl. Yu go bi papa fɔ bɔku dɛn neshɔn dɛn, kiŋ dɛn go de insay yu jɛnareshɔn.

Rɛvɛleshɔn 1:4

Na mi Jɔn de rayt to una we de na dɛn sɛvin chɔch na Eshya. Mek Gɔd we de naw, ɛn we bin de bifo dis wɔl mek, ɛn we go kam bak na dis wɔl, sho una aw i gud ɛn gi una kol at; semwe so, mek Gɔd in sɛvin spirit dɛn, we tinap bifo am di say we i sidɔm de rul, du una gud ɛn gi una kol at;

Jɔn 8:58

Jizɔs se, “A de tɛl una fɔ tru se, bifo Ebraam bɔn, a dɔn de.”

Ayzaya 42:8

Na mi na PAPA GƆD, na dat na mi nem; a nɔ de gi mi glori to ɛni ɔda pɔsin, ɔ mi prez to dɛn laylay gɔd.

Jɛnɛsis 22:14

Na dat mek Ebraam gi di ples nem ‘PAPA GƆD go provayd’ Na dat mek di Ibru pipul dɛn pul parebul se, ‘PAPA GƆD go provayd nain mawnten ɔltɛm.’

Jɛnɛsis 13:18

So Ebram muf wit in tɛnt go tap na wan ples we nem Ɛbrɔn nia Mamrɛ in ok tik dɛn. I bil ɔlta de fɔ wɔship PAPA GƆD.

Jɛnɛsis 28:3

Mek PAPA GƆD Ɔlmayti blɛs yu ɛn gi yu bɔku pikin dɛn, so dat yu go bi papa fɔ plɛnti neshɔn.

Ɛksodɔs 15:3

PAPA GƆD na big big fɛtman; in nem na PAPA GƆD.

Ɛksodɔs 23:21

Una rɛspɛkt am ɛn du wetin i se bikɔs na mi sɛn am. If una mek traŋayes i go dil wit una.

Ruth 1:20

Naomi tɛl dɛn se dɛn nɔ fɔ kɔl am Naomi igen, we min se i gladi, dɛn fɔ kɔl am Mara bikɔs in layf bita. PAPA GƆD Ɔlmayti nɔ mek i gladi igen

Jɛrimaya 16:21

“Fɔseka dat, a go mek dɛn no dis wantɛm nɔmɔ, a go mek dɛn no mi pawa ɛn mi trɛnk, ɛn dɛn go no se mi nem na PAPA GƆD.”

Jɛrimaya 33:2

Na dis PAPA GƆD we mek di wɔl se, di GƆD we mol am mek i de aw i de so – na PAPA GƆD na In nem:

Izikɛl 20:5

ɛn tɛl dɛn se, na dis Papa Gɔd we na Gɔd se; di de wɛn a bin pik Izrɛl, a bin swɛ to Jekɔb in jɛnareshɔn. We a sho misɛf to dɛn na Ijipt, a bin swɛ to dɛm ɛn se, na mi na di PAPA GƆD we na una Gɔd.

Izikɛl 37:6

Ɛn a go put mɔsul dɛn pan una, ɛn a go mek flɛsh kam pan una, ɛn kɔba una wit skin, ɛn put blo blo insay una; ɛn una go gɛt layf; ɛn una go no se na mi na PAPA GƆD.

Izikɛl 37:13

Ɛn una go no se na mi na PAPA GƆD wɛn a opin una grev dɛm, ɛn pul una kɔmɔt insay una grev dɛm, O mi pipul.