Ɛksodɔs 6:2 - Krio Fɔs Oli Baybul

² PAPA GƆD tɔk bak to Mozis se, “Mi na PAPA GƆD.

Ɛksodɔs 6:2 Referans Kwoze

Malakay 3:6

I tɛl dɛn se, bikɔs in we na PAPA GƆD nɔ de chenj, in nɔ dɔn fɔ dɛn we na Jekɔb in jɛnareshɔn yet.

Jɛrimaya 9:24

bɔt le udat de bost, bost se in ɔndastand mi ɛn no mi, ɛn dat mi na PAPA GƆD we mi lɔv nɔ de shek, a de trit ɔlman di sem, ɛn a de waka tret na dis wɔl; bikɔs na dɛn tin ya de mek a gladi; na so PAPA GƆD se.

Ayzaya 42:8

Na mi na PAPA GƆD, na dat na mi nem; a nɔ de gi mi glori to ɛni ɔda pɔsin, ɔ mi prez to dɛn laylay gɔd.

Ayzaya 44:6

Na dis PAPA GƆD we na kiŋ na Izrɛl ɛn di wan we de sev dɛn, we nain na PAPA GƆD Ɔlmayti, se: “Na mi na di fɔs ɛn na mi na di las; apat frɔm mi nɔn ɔda gɔd nɔ de.

Ayzaya 43:15

Na mi na PAPA GƆD, una Oli Wan, una kiŋ, di wan we mek Izrɛl.”

Ayzaya 43:11

Mi, na Mi na PAPA GƆD, ɛn apat frɔm mi, nɔn ɔda seviɔ nɔ de.

Ɛksodɔs 20:2

“Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev.

Ɛksodɔs 17:1

Ɔl di Izrɛlayt pipul dɛn lɛf di ɛmti ples we pɔsin nɔ go ebul tap na Sin, de muf, te dɛn rich Refidim usay dɛn bil dɛn tɛnt. Na PAPA GƆD bin tɛl dɛn fɔ de muf, muf. Wɛn dɛn rich de wan wata nɔ bin de de fɔ drink.

Ɛksodɔs 14:18

Ɛn wɛn a dɔn dɔnawe wit di Ijipshian dɛn dɔn, dɛn go no fɔ tru se mi na PAPA GƆD.”

Ɛksodɔs 6:8

A go gi dɛn di land we a bin dɔn swɛ se a go gi dɛn papa dɛn - Ebraam Ayzak ɛn Jekɔb. Ɛn di land go bi dɛn yon prɔpati sote go. Mi na PAPA GƆD.”

Ɛksodɔs 6:6

So tɛl di Izrɛlayt pipul dɛn se, Mi na PAPA GƆD ɛn a go pul una kɔmɔt pan di waala we di Ijipshian dɛn put pan dɛn. A go pul dɛn kɔmɔt pan di slev layf we dɛn liv ɛn a go sho dɛn mi pawa.

Jɛnɛsis 15:7

PAPA GƆD tɛl Ebram se, “Na mi na di PAPA GƆD, we pul yu kɔmɔt Ɔ we de na Babilonia, ɛn a go gi yu dis land fɔ mek i go bi yu yon.”

Ɛksodɔs 3:14

PAPA GƆD ansa am se, “NA MI NA UDAT A BI.” Na dat yu fɔ tɛl di Izrɛlayt dɛn. Se na NA MI sɛn yu to dɛn.”

Ɛksodɔs 3:15

PAPA GƆD tɔk bak se, “Tɛl di Izrɛlayt dɛn se, na PAPA GƆD we una fɔstɛm-papa dɛn dat na di PAPA GƆD we Ebraam, Ayzak ɛn Jekɔb bin de wɔship sɛn yu to dɛn. Na mi nem dis sote go. Na dis nem ya ɔl di jɛnareshɔn dɛn go de yuz fɔ kɔl mi.”

Ɛksodɔs 6:29

i tɛl am se, “Mi na PAPA GƆD. Tɛl di kiŋ na Ijipt ɔl wetin a tɛl una.”

Ɛksodɔs 12:12

“Da sem nɛt de a go pas na Ijipt ɛn kil ɔl di fɔs-bɔy-pikin dɛn ɛn ɔl di fɔs man animal dɛn, ɛn a go briŋ jɔjmɛnt pan ɔl di gɔd dɛn na Ijipt bikɔs mi na PAPA GƆD.

Ɛksodɔs 15:3

PAPA GƆD na big big fɛtman; in nem na PAPA GƆD.

Izikɛl 20:5

ɛn tɛl dɛn se, na dis Papa Gɔd we na Gɔd se; di de wɛn a bin pik Izrɛl, a bin swɛ to Jekɔb in jɛnareshɔn. We a sho misɛf to dɛn na Ijipt, a bin swɛ to dɛm ɛn se, na mi na di PAPA GƆD we na una Gɔd.