Ɛksodɔs 5:6 - Krio Fɔs Oli Baybul

⁶ Da sem de de di kiŋ gi ɔda to di Izrɛlayt edman dɛn fɔ di wok

Ɛksodɔs 5:6 Referans Kwoze

Ɛksodɔs 5:19

Di Izrɛlayt edman dɛn fɔ di wok no wantɛm se trɔbul dɔn mit dɛn bikɔs di kiŋ stil se dɛn fɔ mek di sem kwantiti kle blɔk ɛvri de, ɛn dɛn nɔ go gi dɛn strɔ.

Ɛksodɔs 5:10

Di slev masta dɛn ɛn di Izrɛlayt dɛn we dɛn pik fɔ bi edman fɔ di wok go tɛl di Izrɛlayt dɛn se di kiŋ se. Dɛn se di kiŋ se nɔ fɔ gi dɛn strɔ igen

2 Kronikuls 26:11

Pantap dat, i bin gɛt ami wit sojaman dɛn we fit fɔ fɛt wa, ɛn dɛn bin de bay di we, we Jeiɛl we na bin di sɛktri, ɛn Maasɛia we na bin di ɔfisa, bin put dɛn, bay aw Ananaya, we na wan pan di kiŋ in kɔmanda dɛn, bin dayrɛkt dɛn.

Jɔshwa 24:4

We I gi am Ayzak, i gi Ayzak Jekob ɛn Isɔ. PAPA GƆD gi Isɔ di mawnten na Sɛir bɔt Jekob ɛn in pikin dɛn, go Ijipt.

Jɔshwa 8:33

Ɔl di Izrɛlayt dɛn, di trenja dɛn ɛn di wan dɛn we bɔn de, wit bigman fɔ di famili dɛn ɛn di bigman dɛn fɔ di neshɔn, bin tinap na di tu say fes to fes wit di man dɛn we de mek sakrifays fɔ pipul sin ɛn PAPA GƆD in Ak ɔf di Kɔvinant de midul. Sɔm pan dɛn bin tinap gi dɛn bak to Mawnt Gɛrizim we di ɔda wan dɛn yon bak bin tɔn to Mawnt Ebal. Dat na wetin Mozis we na bin PAPA GƆD in wokman bin dɔn tɛl dɛn fɔ blɛs di Izrɛlayt dɛn.

Ditarɔnɔmi 16:18

Mozis tɛl di Izrɛlayt dɛn se dɛn fɔ pik lida ɛn ɔda bigman dɛn, na ɔl di siti dɛn we PAPA GƆD we na dɛn Gɔd go gi dɛn, fambul bay fambul, ɛn dɛn nɔ fɔ tek nɔbɔdi pat we dɛn de jɔj ɛni kes.

Ditarɔnɔmi 1:15

So Mozis bin tek di man dɛn we dɛn bin pik ɛn mek dɛn edman. Sɔm pan dɛn na bin edman fɔ wan wan tawzin pipul, sɔm fɔ wam ɔndrɛd, sɔm fɔ fifti, ɛn sɔm fɔ tɛn pipul ɛn ɔda bigman dɛn na ɔl di difrɛn fambul dɛn.

Di Nɔmba Dɛm 11:16

PAPA GƆD ansa Mozis se, “Briŋ sɛvinti bigman we ɔlman no as bigman dɛn na Izrɛl. Lɛ yu ɛn dɛn ɔl go na di Tɛnt usay wi kin mit.

Ɛksodɔs 3:7

Na de PAPA GƆD tɛl am se, “A dɔn si aw mi pipul dɛn de sɔfa na Ijipt. A dɔn yɛri we dɛn de kray fɔ kɔmɔt ɔnda dɛn slev masta dɛn ɛn a bisin bɔt wetin de apin to dɛn. A no ɔl bɔt aw dɛn de sɔfa.

Ɛksodɔs 1:11

So di Ijipshian dɛn put masta dɛn oba di Izrɛlayt dɛn fɔ trit dɛn bad ɛn fos dɛn fɔ wok lɛk slev. Dɛn mek di Izrɛlayt dɛn bil Pitɔm ɛn Ramisis we na tu siti fɔ kip it ɛn ɔda tin dɛn fɔ di kiŋ.

Prɔvabs 12:10

Pɔsin we de waka tret na PAPA GƆD in yay de trit in animal dɛn gud, bɔt bad pɔsin nɔ de bisin bɔt in yon.

Jɔshwa 24:1

Jɔshwa sɛn tɛl ɔl di difrɛn difren fambul dɛn na Izrɛl fɔ mit na Shɛkɛm Siti. We dɛn go de, i kɔl ɔl di ol pipul dɛn, di bigman dɛn; di pipul dɛn we de bifo di difrɛn fambul dɛn, di jɔj dɛn ɛn ɔlman na Izrɛl fɔ go tinap bifo PAPA GƆD in Ak ɔf di Kɔvinant.

Ɛksodɔs 5:7

I se mek dɛn tap fɔ gi di pipul dɛn strɔ fɔ mek di kle blɔk dɛn, lɛ dɛn go fɛn strɔ fɔ dɛnsɛf.