Ɛksodɔs 5:3 - Krio Fɔs Oli Baybul

³ Mozis ɛn Erɔn ansa di kiŋ se, di Ibru pipul dɛn PAPA GƆD bin apia to dɛn. I se i fɔ go na di ples we pɔsin nɔ go ebul tap fɔ go ɔfa sakrifays to am ɛn na tri de dɛn go tek na rod. I se if dɛn nɔ go in go mek sik kil dɛn ɔ dɛn go day na wa.

Ɛksodɔs 5:3 Referans Kwoze

Ɛksodɔs 3:18

Di Izrɛlayt lida dɛn go biliv wetin yu se, ɛn una ɔl go go to di kiŋ na Ijipt ɛn tɛl am se, PAPA GƆD we na di PAPA GƆD we di Ibru pipul dɛn de wɔship apia to una ɛn tɛl una se una fɔ travul fɔ tri de go patrol na di ples we pɔsin nɔ go ebul tap fɔ go ɔfa sakrifays to am.

Izikɛl 6:11

Na so Papa Gɔd we na Gɔd se: “una klap una an ɛn stamp una fut dɛm ɛn se eya! Fɔseka ɔl di bad bad tin dɛm we di Izrɛlayt dɛn bin de du we Gɔd nɔ lɛk; bikɔs dɛn go day bay wa, aŋri, ɛn bay bad bad sik dɛm.

Ɛzra 7:23

Una mek shɔ se una provayd ɛnitin we di GƆD na ɛvin want fɔ in os, bikɔs nɔn rizin nɔ de fɔ mek PAPA GƆD vɛks pan di kiŋ we de rul ɛn in bɔypikin dɛn.

2 Kronikuls 30:8

Una nɔ stif una nɛk lɛk una Papa dɛm, bɔt gi una sɛf to PAPA GƆD. Ɛn kam to in Oli ples we i dɔn mek oli sote go ɛn sav PAPA GƆD una Gɔd mek in at we dɔn wam fɔ una go kol.

2 Kiŋ 17:25

Wɛn dɛn jɛs go tap de, dɛn nɔ bin de wɔship PAPA GƆD, so i mek layɔn dɛn atak ɛn kil sɔm pan dɛn.

Ditarɔnɔmi 28:21

PAPA GƆD go mek ɔlkayn siknɛs de mit dɛn, ɛn dɛn go fasin dɛn te dɛn kil dɛn ɔl. Wan pan dɛn nɔ go lɛf na di land we dɛn de kam go kapchɔ so.

Ɛksodɔs 7:16

Tɛl di kiŋ se, di PAPA GƆD we di Ibru pipul dɛn de wɔship se mek a tɛl yu se, lɛ i lɛf in pipul dɛn lɛ dɛn go wɔship am na di ples we pɔsin nɔ go ebul tap. Bɔt te naw i nɔ gri fɔ yɛri dɛn.

Ɛksodɔs 8:1

Afta dat PAPA GƆD tɛl Mozis se, “Go bak to di kiŋ ɛn tɛl am se, mi se lɛ i lɛf mi pipul dɛn mek go wɔship mi.

Ɛksodɔs 8:20

PAPA GƆD tɛl Mozis. I se, “Grap ali mɔnin go mit di kiŋ as i de go dɔn di riva. Tɛl am se na wetin PAPA GƆD se yu de tɛl am so. Se lɛ mi pipul dɛn lɛ dɛn go wɔship mi.

Ɛksodɔs 8:27

I tɛl di kiŋ se dɛn gɛt fɔ travul tri de go na di ples we pɔsin nɔ go ebul tap ɛn ɔfa sakrifays to dɛn yon PAPA GƆD, lɛkɛ aw i dɔn kɔmand wi fɔ du.

Lɛvitikɔs 26:25

I go mek dɛn ɛnimi dɛn atak dɛn bikɔs dɛn dɔn brok in Kɔvinant; ɛn if dɛn ɔl go ayd na dɛn siti dɛn, i go ib sik pan dɛn we go prɛd ɛn kil bɔku pipul, ɛn dat go mek dɛn ɛnimi dɛn ebul dɛn.