Ɛksodɔs 5:22 - Krio Fɔs Oli Baybul

²² Dis mek Mozis go pre to PAPA GƆD ɛn i se, “papa PAPA GƆD, uskayn trɔbul yu put wi pan so? Na dat mek yu sɛn mi kam na ya?

Ɛksodɔs 5:22 Referans Kwoze

Jɛrimaya 20:7

E PAPA GƆD, yu dɔn disiv mi, ɛn yu bin disiv mi fɔ tru; yu traŋa pas mi, ɛn na yu win. A dɔn tɔn tin fɔ laf ol de; ɔlman de provok mi.

Abakɔk 2:3

I se di tɛm nɔ rich yet fɔ lɛ wetin i go si na di vishɔn apin; bɔt di tɛm gɛt fɔ kam jisnɔ, i go bi ma; i se i fɔ bia fɔ si wetin go apin bikɔs i go tan lɛk natin nɔ de bi bɔt na di rayt tɛm i go bi.

Di Sam Dɛm 73:25

We a gɛt yu we de na ɛvin, a nɔ nid natin igen na wɔl.

1 Kiŋ 19:10

I ansa se in bin gɛt bɔku zil fɔ PAPA GƆD we na PAPA GƆD Ɔlmayti in wok. I se di Izrɛlayt dɛn dɔn brok di Kɔvinant wit PAPA GƆD ɛn di ɔlta, ɛn kil in prɔfɛt dɛn; dɔn in waŋren lɛf ɛn dɛn de fɛt fɔ kil insɛf.

1 Kiŋ 19:4

dɔn in waŋren travul fɔ wanol de go na di land we pɔsin nɔ de tap. Wɛn i rich ɔnda wan tik we dɛn kin pul brum pan, i sidɔm ɔnda de ɛn pre to PAPA GƆD se in dɔn taya, in dɔn si bɔku trɔbul so lɛ in day wantɛm bikɔs in nɔ bɛtɛ pas in fɔstɛm-papa dɛn.

1 Samiɛl 30:6

Devid in at nɔ bin swit bikɔs in yon man dɛn bin dɔn bigin tɔk bɔt fɔ ston am mek i day; dɛn ɔl bin dɔn vɛks bad as dɛn bin kɛr ɔl dɛn bɔy ɛn gyal pikin dɛn go. Bɔt Devid kɔntinyu fɔ luk ɔp to PAPA GƆD we nain PAPA GƆD.

Di Nɔmba Dɛm 11:11

I aks PAPA GƆD, i se, “Wetin mek yu kam put dis kayn trɔbul na yu pikin in ed? Wetin a du yu so we yu put ɔl dɛn pipul ya dɛn lod pan mi?

Ɛksodɔs 17:4

So Mozis insɛf pre to PAPA GƆD ɛn tɛl am se in nɔ no wetin fɔ du wit di pipul dɛn bikɔs dɛn wan ston am fɔ kil am.

Jɛrimaya 12:1

PAPA GƆD, ɛni tɛm we a kɔmplen to yu, na yu kin gɛt rayt, Pan ɔl dat, a stil de kɛr mi kes go to yu. Wetindu wikɛd pipul dɛn de bɛtɛ na layf? Wetindu ɔl dɛn pipul dɛn we de ple dakadeke de bɛtɛ na layf?

Jɛrimaya 4:10

Nain a se, “E PAPA GƆD Ɔlmayti, fɔ tru, yu dɔn disiv dɛn pipul ya ɛn Jerusɛlɛm totali, we yu se, ‘ɔltin go fayn fɔ una’; we i bi se nɛf de na dɛn trot!”

Jɔshwa 7:7

Jɔshwa pre to PAPA GƆD we na dɛn GƆD ɛn aks an wetindu i mek dɛn krɔs Riva Jɔdan go oba, if na fɔ lɛ di Amorayt dɛn go kil dɛn. I se i bin fɔ bɛtɛ if dɛn bin jɔs lɛf oba de.