Ɛksodɔs 5:21 - Krio Fɔs Oli Baybul

²¹ Dɛn tɛl dɛn se, “PAPA GƆD go pe una fɔ we una mek di kiŋ ɛn in ɔfisa dɛn et wi! Una dɔn put pɛpɛ na wi yay we go mek dɛn kil wi.”

Ɛksodɔs 5:21 Referans Kwoze

Jɛnɛsis 34:30

Jekɔb tɛl Simiɔn ɛn Livay se dɛn dɔn put am pan waala. I se di Kenanayt dɛn, di Pɛrizayt dɛn, ɛn ɔlman we de na di kɔntri nɔ go luk am wit bɛtɛ yay. I se dɛn nɔ bɔku ɛn if di pipul dɛn disayd fɔ fɛt dɛn, dɛn go dɔnawe wit dɛn.

1 Kronikuls 19:6

Wɛn di Amonayt dɛn si se dɛn dɔn mek dɛnsɛf ɛnimi to Devid, Anun ɛn di Amonayt dɛn sɛn wan tawzin kɔpɔ silva fɔ aya chariɔt ɛn man dɛn we de rayd ɔs na Mɛsopotemia to Aramaka ɛn to Zoba.

2 Samiɛl 10:6

Wɛn di Amonayt dɛn si se dɛn dɔn krach Devid in krɔkrɔ, dɛn aya twɛnti tawzin ɔdinari Sirian sojaman kɔmɔt na Bɛth Riɔb ɛn Zoba, di kiŋ na Meaka wit wan tawzin man ɛn twɛlv tawzin man bak frɔm Tab.

1 Samiɛl 27:12

Ekish bin so trɔs Devid dat i bigin tink se di Izrɛlayt dɛn nɔ go wan si Devid igen so i go bɛtɛ lɛ i lɛf to am as in wokman te go.

1 Samiɛl 13:4

So ɔlman yɛri se Sɔl dɔn atak di Filistin dɛn bes ɛn naw Izrɛl dɔn fɛn di Filistin dɛn plaba. Sɔl naw sɛn se mek ɔl udat kin fɛt, mit am na Gilgal.

Ɛksodɔs 6:9

We Mozis tɛl di Izrɛlayt dɛn wetin PAPA GƆD se, dɛn nɔ lisin to am sɛf. Dɛn at bin pwɛl bikɔs ɔf aw dɛn bin de sɔfa lɛkɛ slev.

Jɛnɛsis 16:5

Nain Seray tɛl Ebram se, “Na yu mek Ega de fityay mi so. Na mi bin tek am gi yu, bɔt frɔm we i no se i gɛt bɛlɛ, nain i bigin fityay mi. Na PAPA GƆD go jɔj bitwin mi ɛn yu!”

Joɛl 2:20

I se in go mek di lokɔs dɛn we bin bɔs kɔmɔt na di Nɔth go fa frɔm dɛn. I se in go mek dɛn go usay dray ɛn we nɔ gɛt natin fɔ pwɛl, di wan dɛn we de bifo go go na di Dɛd Si, dɔn di wan dɛn we de biɛn go go na di Mɛditarenian Si, di smɛl we dɛn go smɛl go de go ɔlsay. Fɔ tru, PAPA GƆD de du big wok.

Ɛkliziastis 10:1

Day flay de mek pafyum pul bad sɛnt; na semweso lili bigful kin pwɛl pɔsin in sɛns ɛn rɛspɛkt.

Ɛksodɔs 14:11

Dɛn kɔmplen bita wan to Mozis ɛn aks if bɛriŋrɔn nɔ de na Ijipt.

Ɛksodɔs 4:31

Di edman dɛn biliv se na PAPA GƆD sɛn Mozis ɛn Erɔn. We dɛn yɛri se PAPA GƆD dɔn si aw dɛn de sɔfa ɛn i rɛdi fɔ ɛp dɛn, dɛn baw dɛn ed ɛn wɔship am.

Jɛnɛsis 31:53

Mek Ebraam in PAPA GƆD, we na Neɔ insɛf yon PAPA GƆD ɛn dɛn papa dɛn PAPA GƆD jɔj bitwin mi ɛn yu.” Jekɔb insɛf swɛ to in papa Ayzak in PAPA GƆD se i gri.

Ɛksodɔs 5:20

As dɛn de kɔmɔt na di kiŋ, dɛn mit Mozis ɛn Erɔn na do de wet fɔ dɛn.

Ɛksodɔs 15:24

Nain di pipul dɛn bigin grɔmbul pan Mozis se, dɛn nɔ gɛt wata fɔ drink.

Ɛksodɔs 16:2

Di pipul dɛn bigin grɔmbul pan Mozis ɛn Erɔn se,

Di Nɔmba Dɛm 14:3

Dɛn se wetin mek PAPA GƆD briŋ dɛn kam na dis land fɔ mek dɛn kam kil dɛn pan wa. Dɛn se dɛn go kech dɛn wɛf ɛn pikin dɛn so i go bɛtɛ mek dɛn go bak na Ijipt.

Di Nɔmba Dɛm 14:22

nɔn pan di man dɛn we si ɔl di wɔnda we a ple na Ijipt ɛn na di ɛmti land we pɔsin nɔ go ebul tap bɔt we stil nɔ obe mi, bɔt de tɛst mi pawa bɔku bɔku tɛm,

Ayzaya 30:6

Wetin PAPA GƆD se bɔt di bist dɛn na di ɛmti ples we pipul nɔ go ebul tap na di sawt. Dɛn pas insay land we trɔbul ɛn pen de, usay di uman layɔn ɛn man layɔn kɔmɔt, usay di vaypa ɛn snek we de flay, dɛn put dɛn jɛntri na dɔŋki dɛn bak ɛn dɛn dia dia tin dɛn na kamɛl ɔmbak, kɛr go gi pipul dɛn we nɔ gɛt fɔ prɔfit dɛm.