Ɛksodɔs 5:2 - Krio Fɔs Oli Baybul

² Bɔt di kiŋ ansa se, udat na da PAPA GƆD de ɛn wetin fɔ mek in lisin to dɛn ɛn mek di Izrɛlayt dɛn go. I se in nɔ no da PAPA GƆD de ɛn a nɔ go mek di Izrɛlayt dɛn go.

Ɛksodɔs 5:2 Referans Kwoze

Ɛksodɔs 3:19

A no se di kiŋ na Ijipt nɔ go gri fɔ mek una go pas a fos am.

Job 21:15

Udat na PAPA GƆD we wi fɔ sav am? Wetin wi go prɔfit if wi pre to am.

2 Kiŋ 18:35

Uswan pan ɔl dɛn gɔd dɛn na dɛn kɔntri dɛn de dɔn ebul fɔ pul in kɔntri na mi an? Wetin mek una tink se PAPA GƆD go ebul pul Jerusɛlɛm kɔmɔt na mi an?”

Sɛkɛn Lɛta Fɔ Tɛsalonayka 1:8

faya we de kech go de fɔ pɔnish dɛn pipul we nɔ gri mek Gɔd kam na dɛn layf ɛn dɛn pipul we nɔ gri tek wetin di Gud Nyuz bɔt wi Masta Jizɔs tɛl dɛn.

Lɛta Fɔ Rom 1:28

Bikɔs mɔtalman nɔ gri fɔ put dɛn at pan di tru tin we dɛn no bɔt Gɔd, Gɔd dɔn lɛf dɛn fɔ du di bad tin we de na dɛn at, so naw dɛn jɛs de du dɛn tin we dɛn nɔ fɔ du.

Jɔn 16:3

Pipul go du una ɔl dɛn tin ya bikɔs dɛn nɔ no Gɔd we na mi Papa ɛn dɛn nɔ no mi.

Di Sam Dɛm 14:1

Fulman de tɔk nain at se PAPA GƆD nɔ de. Ɔl wetin da kayn pɔsin de de du, kɔrɔpt. Nɔbɔdi nɔ de we de du gud.

Di Sam Dɛm 12:4

Ɔl dɛn wan we de blɔf se na dɛn sabi tɔk de mek dɛn gɛt wetin dɛn want; dɛn se nɔbɔdi nɔ fɔ tɛl dɛn wetin fɔ du.

Di Sam Dɛm 10:4

I fil se i gɛt ɔltin, i nɔ nid PAPA GƆD; i de biev lɛkɛ se PAPA GƆD nɔ de, as i nɔ gɛt natin fɔ du wit PAPA GƆD.

2 Kronikuls 32:19

Ɛn dɛn tɔk bɔt di GƆD fɔ Jerusɛlɛm lɛk dɛn de tɔk bɔt di gɔd dɛm fɔ di pipul dɛm na wɔl we na mɔtal an in wok.

2 Kronikuls 32:15

Naw fɔseka dat una nɔ mek Ɛzikaya disiv una ɔ mek una mis rod lɛk dis ɛn una nɔ biliva am bikɔs no gɔd fɔ ɛn neshɔn dɔn ɛva ebul fɔ sev in pipul dɛm kɔmɔt nain an ɔ nain papa in an. Aw naw una Gɔd go diliva una kɔmɔt na mi an.

1 Samiɛl 2:12

Ilaɛl in bɔypikin dɛn na bin bad baba dɛn. Dɛn nɔ bin de biev lɛk udat dɛn no PAPA GƆD.

Ɛksodɔs 7:17

Tɛl am se, mi se, di tin we a go du go mek i no se mi na PAPA GƆD. Dis wɔkinstik we i de si so na yu an, nain yu go tek nak di wata na di Riva nayl, ɛn i go tɔn to blɔd.

Di Jɔj Dɛm 2:10

We da jɛnareshɔn de day, di ɔda Jɛnareshɔn we kam nɔ bin no PAPA GƆD, ɛn dɛn nɔ bin no bɔt di wɔnda dɛn we i bin dɔn wok fɔ Izrɛl.

2 Kronikuls 32:14

Udat pan ɔl di gɔd dɛm na dɛn neshɔn we mi Papa pwɛl kpata kpata ebul diliva in pipul dɛm kɔmɔt na mi an, we una Gɔd fɔ ebul diliva una kɔmɔt na mi an?

Nɛimaya 9:10

We yu no se di Kiŋ, in ɔfisa dɛn ɛn ɔl in pipul dɛn na Ijipt de trit dɛn bad yu ple wɔnda ɛn ple mirekul pan dɛn. Yu mek nem fɔ yusɛf we de te tide.

Jɛrimaya 42:13

Bɔt if una se, ‘Wi nɔ go kɔntinyu fɔ tap na dis land,’ we min se na PAPA GƆD we na una Gɔd una de disobe,

Jɛrimaya 48:26

“Mek i drɔnk, bikɔs i es insɛf ɔp agens PAPA GƆD; dat go mek Moab rol insay in yon vɔmit, ɛn pipul dɛn go laf am.

Daniɛl 3:15

Luk ya, if una dɔn rɛdi fɔ fɔdɔm ɛn wɔship di imej we a bil, wɛn una yɛri di ɔn, flut, gita, trayaŋul, ap, wan flut we nem bagpayp ɛn ɔl kayn muzik, i go gud; bɔt, if una nɔ wɔship am, dɛn go trowe una wantɛm wantɛm insay wan big big ovin we faya de kech bad bad wan; us gɔd we go ebul sev una?”

1 Samiɛl 25:10

Nain Nebal ansa dɛn se “Udat na Devid? Udat dis Jɛsi in bɔypikin fil se i bi?” I se bɔku slev de rɔnawe na dɛn masta dɛn an,

Job 15:25

Bikɔs i nɔ de wit PAPA GƆD, ɛn nɔ yɛri di Ɔlmayti in wɔd,

Job 15:26

i sidɔm de mek prawd ɛn stɔbɔn agens PAPA GƆD, ɛn ol big shild nain an,

Di Sam Dɛm 12:5

PAPA GƆD se i dɔn yɛri ɔl di kɔmplen we dɛn wan we want mek i ɛp dɛn de mek ɛn bikɔs di bad wan dɛn de du dɛn bad in go grap ɛn fɛt dɛn kes.

Prɔvabs 30:9

if a jɛntri tumɔs a go fɔgɛt bɔt yu ɛn bigin aks udat na PAPA GƆD if a po da bad po we go mek a tif a go gi yu bad nem.