Ɛksodɔs 40:3 - Krio Fɔs Oli Baybul

³ Put di Kɔvinant Bɔks usay di Tɛn Kɔmandmɛnt de na di Tɛnt, ɛn put di klos we yu de ɛŋ pan am.

Ɛksodɔs 40:3 Referans Kwoze

Di Nɔmba Dɛm 4:5

We di kamp fɔ muf, Erɔn ɛn in bɔypikin dɛn fɔ pul di klos we kin kɔba di ak ɛn ɛŋ am pan am.

Ɛksodɔs 35:12

di Kɔvinant bɔks wit in pol dɛn in kɔba ɛn in klos fɔ kɔba am;

Rɛvɛleshɔn 11:19

Wantɛm Gɔd in Os na ɛvin opin, na de a si di bɔks we dɛn put di tin we dɛn rayt di agrimɛnt we Gɔd mek wit mɔtalman pan. Dɛn laytin bigin kɔt, big big nɔys bigin mek, tɛnda bigin krak, di grɔn bigin trimbul, plɛnti plɛnti tin dɛn lɛkɛ ays ren bigin fɔdɔm.

Lɛvitikɔs 16:14

ɛn i go tek sɔm pan di man kaw in blɔd ɛn sprinkul am wit in fiŋa frɔnt di say we di Ak ɔf di Kɔvinant in kɔba de ɛn sprinkul am sɛvin tɛm pan di Ak ɔf di Kɔvinant insɛf.

Ɛksodɔs 25:22

A go de kam dɔŋ de kam mit yu. A go de oba di kɔba midul di tu Chɛryubim we de pantap di bɔks. Na de a go de fɔ de tɔk wit yu ɛn gi yu ɔl mi lɔ dɛn fɔ di Izrɛlayt dɛn.

Ɛksodɔs 26:31

“Mek klos fɔ ɛŋ wit fayn linin matirial. I fɔ gɛt blu, pɔpul ɛn rɛd trɛd pan am. Dɔn fɛn sɔmbɔdi we go dizayn Chɛryubim pan am.

Ɛksodɔs 25:10

Na akeshia bod una fɔ tek mek di bɔks. I fɔ bi fɔti fayv inchis lɔŋ, twɛnti sɛvin inchis wayd ɛn twɛnti-sɛvin inchis ay.

Di Ibru Pipul Dɛn 9:3

Wɛn yu pas di sɛkɛn big tik kɔtin, wan ɔda pat bin de we dɛn kɔl “Di ples we Gɔd de pas ɛni ɔda ples.”

1 Kronikuls 17:5

Bikɔs a nɔ tap na os wande frɔm di de we a ol Izrɛl an kɔmɔt Ijipt te tide de, bɔt a jɛs de pas frɔm tɛnt to tɛnt ɛn frɔm os to os.

Ɛksodɔs 31:7

dat na di Tɛnt we a go de, di Kɔvinant bɔks ɛn in kɔba, ɛn ɔl di fɔnichɔ fɔ tek drɛs di Tɛnt,

Ɛksodɔs 35:4

Mozis tɛl ɔl di Izrɛlayt dɛn se, dis na ɔda we PAPA GƆD gi.

Ɛksodɔs 39:32

Di man dɛn du ɔl di wok fɔ di Tɛnt usay PAPA GƆD fɔ de jɛs lɛkɛ aw i bin dɔn tɛl dɛn fɔ du.