Ɛksodɔs 4:23 - Krio Fɔs Oli Baybul

²³ so i fɔ lɛf dɛn fɔ go wɔship am. I se if di kiŋ nɔ gri, PAPA GƆD go kil di kiŋ in yon fɔs pikin fɔ dat.

Ɛksodɔs 4:23 Referans Kwoze

Ɛksodɔs 12:29

Midul nɛt PAPA GƆD kil ɔl di fɔs-bɔy-pikin dɛn na Ijipt. Frɔm di kiŋ we de rul in yon fɔs-bɔy-pikin to di jelman we de na lɔkɔp in sɛf yon fɔs-bɔy-pikin. Ɛn i kil di animal dɛnsɛf yon fɔs man pikin.

Ɛksodɔs 11:5

ɛn ɔl di fɔs-bɔy-pikin dɛn na Ijipt go day. Frɔm di kiŋ in yon fɔs-bɔy-pikin we nain gɛt fɔ bi kiŋ afta am, rayt dɔŋ to di slev uman we de gren kɔn in yon fɔs-bɔy-pikin dɔn ɔl go day man wan dɛn we dɛn bɔn fɔs pan di kaw dɛnsɛf go day.

Di Sam Dɛm 135:8

I mek di fɔs pikin dɛn we bɔn na Ijipt day di fɔs wan pan mɔtalman ɛn di fɔs wan pan animal.

Di Sam Dɛm 105:36

Dɔn PAPA GƆD mek ɔl di fɔs pikin dɛn day na di kɔntri, na di fɔs pikin de sho se dɛn na man.

Di Sam Dɛm 78:51

I kil ɔl di bɔypikin dɛn we bɔn fɔs na di Ijipshian famili dɛn.

Ɛksodɔs 7:16

Tɛl di kiŋ se, di PAPA GƆD we di Ibru pipul dɛn de wɔship se mek a tɛl yu se, lɛ i lɛf in pipul dɛn lɛ dɛn go wɔship am na di ples we pɔsin nɔ go ebul tap. Bɔt te naw i nɔ gri fɔ yɛri dɛn.

Ɛksodɔs 5:1

Afta dat, Mozis ɛn Erɔn go mit di Kiŋ. Dɛn tɛl am se, dis na wetin di Izrɛlayt dɛn PAPA GƆD se, mek yu lɛf in pipul dɛn fɔ go na di ples we pɔsin nɔ go ebul tap fɔ go mek wan fɛstival to mi.

Ɛksodɔs 6:11

“Go bak go tɛl di kiŋ na Ijipt se lɛ i lɛf di Izrɛlayt dɛn mek dɛn kɔmɔt nain kɔntri.”

Ɛksodɔs 8:1

Afta dat PAPA GƆD tɛl Mozis se, “Go bak to di kiŋ ɛn tɛl am se, mi se lɛ i lɛf mi pipul dɛn mek go wɔship mi.

Ɛksodɔs 8:20

PAPA GƆD tɛl Mozis. I se, “Grap ali mɔnin go mit di kiŋ as i de go dɔn di riva. Tɛl am se na wetin PAPA GƆD se yu de tɛl am so. Se lɛ mi pipul dɛn lɛ dɛn go wɔship mi.

Ɛksodɔs 9:1

PAPA GƆD tɛl Mozis se, “Go to di kiŋ ɛn tɛl am se, mi, we na Ibru dɛn PAPA GƆD se, fɔ i lɛf mi pipul dɛn, mek dɛn go wɔship mi.

Ɛksodɔs 9:13

PAPA GƆD tɛl Mozis I se, “Grap ali mɔnin go mit di kiŋ ɛn tɛl am se, di PAPA GƆD we di Ibru dɛn de wɔship se lɛ i lɛf mi pipul dɛn mek de go wɔship mi.

Ɛksodɔs 10:3

So Mozis ɛn Erɔn go mit di kiŋ ɛn se, “Di Ibru dɛn PAPA GƆD se, ‘aw lɔŋ yu nɔ go gri fɔ put yusɛf dɔŋ ɛn obe am. I se mek yu lɛf in pipul dɛn mek dɛn go wɔship am.

Ɛksodɔs 18:8

Mozis ɛksplen to Jɛthro ɔl wetin PAPA GƆD du di kiŋ na Ijipt ɛn di Ijipshian dɛn fɔseka di Izrɛlayt dɛn. I tɛl am bɔt ɔl di prɔblɛm we dɛn gɛt na rod ɛn aw PAPA GƆD sev dɛn.

Di Sam Dɛm 136:10

Nain bin mek dɛn Ijipshian dɛn fɔs pikin day, in lɔv de de sote go;

Ozie 11:1

PAPA GƆD se Frɔm we Izrɛl smɔl nain i lɛk am ɛn frɔm we dɛn de Ijipt, nain i dɔn pik am fɔ bi in yon pɔsin.

Ɛksodɔs 3:18

Di Izrɛlayt lida dɛn go biliv wetin yu se, ɛn una ɔl go go to di kiŋ na Ijipt ɛn tɛl am se, PAPA GƆD we na di PAPA GƆD we di Ibru pipul dɛn de wɔship apia to una ɛn tɛl una se una fɔ travul fɔ tri de go patrol na di ples we pɔsin nɔ go ebul tap fɔ go ɔfa sakrifays to am.

Ɛksodɔs 8:16

So PAPA GƆD tɛl Mozis fɔ tɛl Erɔn fɔ tek in wɔkinstik nak di grɔn dɔn di dɔst na Ijipt go tɔn to Nat

Ɛksodɔs 8:17

So Erɔn nak di grɔn wit in tik ɛn ɔl di dɔst na Ijipt tɔn to ‘nat.’ Di ‘nat’ bin de pan di pipul dɛn ɛn di animal dɛn.

Ɛksodɔs 9:2

If i nɔ gri fɔ mek dɛn go dis tɛm,

Ɛksodɔs 10:4

If yu nɔ gri fɔ mek dɛn go, in go mek bɔku lokɔs bɔs na di kɔntri tumara.

Ɛksodɔs 13:15

Wɛn di kiŋ bin traŋa in at ɛn nɔ gri fɔ lɛf una fɔ go, PAPA GƆD kil ɔl di fɔs-bɔy-pikin ɛn man animal dɛn na Ijipt. So na dat mek unasɛf de gi PAPA GƆD ɔl di fɔs-bɔy-pikin dɛn, bɔt una kin bay dɛn bak na PAPA GƆD in an.