Ɛksodɔs 4:22 - Krio Fɔs Oli Baybul

²² Mozis fɔ tɛl di kiŋ se di Izrɛlayt dɛn tan lɛkɛ PAPA GƆD in fɔs-bɔy-pikin,

Ɛksodɔs 4:22 Referans Kwoze

Ozie 11:1

PAPA GƆD se Frɔm we Izrɛl smɔl nain i lɛk am ɛn frɔm we dɛn de Ijipt, nain i dɔn pik am fɔ bi in yon pɔsin.

Lɛta Fɔ Rom 9:4

Di Ju pipul dɛn na di pipul we Gɔd dɔn pik; i dɔn mek dɛn bi in pikin dɛn ɛn mek dɛn waka na di wɔndaful layt we i de; i mek plɛnti agrimɛnt wit dɛn ɛn gi dɛn di Lɔ; Gɔd dɔn sho dɛn di rayt we we dɛn fɔ pre to am; dɛn dɔn gɛt ɔltin we Gɔd prɔmis dɛn.

Di Ibru Pipul Dɛn 12:23

Una de wit Gɔd in pikin dɛn we dɔn gɛda na ɛvin. Gɔd bin dɔn rayt dɛn nem na di buk we de na ɛvin. Una dɔn kam bifo Gɔd we de jɔj ɔlman. Una dɔn de wit dɛn pipul we tret na Gɔd yay, dɛn wan we Gɔd dɔn mek dɛn layf bi wetin i fɔ bi.

Jɛrimaya 31:9

Dɛn go de kray fɔ jɔy we dɛn de kam, ɛn a go de koks dɛn we a de kɛr dɛm go bak, A go mek dɛn waka nia watasay dɛm, na stret rod we dɛn nɔ go bɔk dɛn fut; bikɔs mi na Izrɛl dɛn papa, ɛn na Ifrem na mi fɔs pikin.

Ayzaya 64:8

Pan ɔl dat, PAPA GƆD, na yu na wi Papa; wi na di kle, ɛn na yu na di man we de wok wit kle; wi ɔl na yu wok we yu du wit yu an.

Ayzaya 63:16

Na yu na wi Papa ɔlwe Ebram nɔ no wi ɛn Izrɛl nɔ gri se wi ɔl na wan; PAPA GƆD, na yu na wi Papa, Na Wi Lɔntɛm Ridima na yu nem

Ditarɔnɔmi 14:1

Mozis tɛl di Izrɛlayt dɛn se dɛn na PAPA GƆD we na dɛn PAPA GƆD in yon pipul. So we dɛn de munin, dɛn nɔ fɔ wund wund dɛn bɔdi ɔ krep di ia frɔnt dɛn ed fɔseka dayman, lɛkɛ aw di pipul dɛn we de wɔship ɔda gɔd dɛn de du.

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

2 Kɔrint 6:18

A go bi una Papa ɛn una go bi mi bɔy pikin ɛn mi gyal pikin dɛn, na so di Masta we gɛt pawa pas ɔl, se.”

Matyu 2:15

I tap de sote Kiŋ Ɛrɔd day. Ɔl dis bi fɔ mek wetin Gɔd bin dɔn tɛl di prɔfɛt fɔ tɔk, kam bi tru. I bin se, “A kɔl mi Bɔy Pikin fɔ kɔmɔt na Ijipt.”

Ɛksodɔs 6:11

“Go bak go tɛl di kiŋ na Ijipt se lɛ i lɛf di Izrɛlayt dɛn mek dɛn kɔmɔt nain kɔntri.”

Ɛksodɔs 7:16

Tɛl di kiŋ se, di PAPA GƆD we di Ibru pipul dɛn de wɔship se mek a tɛl yu se, lɛ i lɛf in pipul dɛn lɛ dɛn go wɔship am na di ples we pɔsin nɔ go ebul tap. Bɔt te naw i nɔ gri fɔ yɛri dɛn.

Di Sam Dɛm 89:27

I se, in PAPA GƆD, go trit Devid lɛk in fɔs-bɔy-pikin we gɛt ɔlkayn rayt, i go mek am fɔ pas ɔl dɛn ɔda kiŋ na dis wɔl.

Ditarɔnɔmi 32:6

Na so dɛn fulish pipul dɛn de we nɔ gɛt sɛns fɔ trit PAPA GƆD? In nɔto dɛn papa we mek dɛn, we mek dɛn bi wanol neshɔn?

Jɛrimaya 2:14

“Izrɛl na slev? Na aws bɔy usay i bɔn? Wɛl wetindu i dɔn tɔn tin fɔ ɔntin ɛn kil?

Malakay 1:6

I se bɔypikin kin rɛspɛkt in papa dɔn bɔy de rɛspɛkt in masta. I se, so, if dɛn de se in na papa, usay in yon rɛspɛkt de; ɛn if in na masta, usay in rɛspɛkt we i fɔ gɛt go. PAPA GƆD Ɔlmayti se, di man dɛn we de mek sakrifays fɔ pipul sin nɔ gɛt wan rɛspɛkt fɔ am ɛn dɛn nɔ bisin sɛf bɔt in nem.