Ɛksodɔs 4:2 - Krio Fɔs Oli Baybul

² Nain PAPA GƆD aks Mozis wetin i ol nain an. Mozis ansa se nain wɔkinstik.

Ɛksodɔs 4:2 Referans Kwoze

Ɛksodɔs 4:20

So Mozis tek in wɛf ɛn in bɔypikin dɛn, dɛn put dɛn na dɔŋki ɛn ol rod go na Ijipt. I mek shɔ se i tek tɛl am fɔ tek.

Ɛksodɔs 4:17

Mek shɔ se yu tek yu tik we yu kin yuz we yu de mɛn dɛn ship ɛn got, bikɔs nain yu go de tek ple wɔnda.

Lɛvitikɔs 27:32

We dɛn de kɔnt dɛn animal dɛn, di wan we mek nɔmba tɛn we dɛn kɔnt, na tayth; i oli to PAPA GƆD.

Ayzaya 11:4

Bɔt na bay wetin rayt na PAPA GƆD in yay, i go jɔj di po man, ɛn go disayd di sem we fɔ kwayɛt pipul na wɔl, ɛn i go pɔnish di wɔl wit traŋa wɔd dɛn we i de tɔk, ɛn na di briz we de kɔmɔt nain mɔt i go tek kil wikɛd pipul.

Mayka 7:14

Mayka beg PAPA GƆD fɔ lɛ i trit dɛn lɛk aw man we de mɛn ship kin trit di ship we i de mɛn. I se lɛ i tek dɛn go na Beshan ɛn Giliad we gɛt frɛsh gras we dɛn go it lɛk aw i bin de du fɔstɛm.

Di Sam Dɛm 110:2

PAPA GƆD go mek yu rul ɔda ples dɛn we nɔ de na Zayɔn; yu go tinap pantap yu ɛnimi dɛn ed.

Jɛnɛsis 30:37

Jekɔb kɔt frɛsh branch kɔmɔt pan sɔm tik dɛn. Ɛn dɛn tik dɛn ya na bin di pɔpyula tik, almɔn tik ɛn wan ɔda wan tik we na plen tik. Dɔn i pil sɔm di kanda kɔmɔt pan di tik dɛn we mek di insay pat we na wayt bin de sho.

Ɛksodɔs 7:9

“We di kiŋ aks una fɔ pafɔm, Mozis, yu fɔ tɛl Erɔn se mek i trowe in tik, bifo di kiŋ na grɔn, ɛn i go tɔn to snek.”

Ɛksodɔs 7:15

So go mit am na mɔnin we i de go na riva Nayl. Wet fɔ am nia di wata, ɛn nɔ fɔgɛt fɔ tek yu tik we bin tɔn to snek.

2 Kiŋ 4:2

Ilaɛlsha aks di uman wetin in want am fɔ du fɔ am; i aks am bak wetin i gɛt nain os. Di uman ansa am se in nɔ gɛt natin pas wan smɔl bɔtul ɔyl.