Ɛksodɔs 4:15 - Krio Fɔs Oli Baybul

¹⁵ Yu go tɔk to am ɛn yu go de tɛl am wetin fɔ se. A go ɛp una ɔl tu fɔ tɔk ɛn a go de tɛl una wetin fɔ se.

Ɛksodɔs 4:15 Referans Kwoze

Ayzaya 51:16

A dɔn put mi wɔd na yu mɔt ɛn dɔn ayd yu ɔnda mi an in shado, de opin di skay wayd, ɛn de le dis wɔl in fawndeshɔn, ɛn de tɛl Zayɔn se, “Una na mi pipul.’”

Lyuk 21:15

A go mek una ebul ansa dɛn wit sɛns so dat dɛn wan we nɔ lɛk una sɛf go gri wit di ansa dɛn we una de ansa.

Ditarɔnɔmi 18:18

Mozis tɛl di Izrɛlayt dɛn se PAPA GƆD se in go mek wan pan dɛn bi prɔfɛt fɔ de tɛl dɛn wetin in se, ɛn na wetin in tɛl am fɔ tɔk i go tɔk,

Di Nɔmba Dɛm 23:16

PAPA GƆD mit Belam ɛn gi am ɔda mɛsej fɔ go bak go tɛl Belak.

Di Nɔmba Dɛm 23:12

Nain Belam se na wetin PAPA GƆD se fɔ tɔk nɔmɔ i fɔ tɔk.

Di Nɔmba Dɛm 23:5

PAPA GƆD gi Belam mɛsej we i se i fɔ go bak go gi Belak.

Jɛrimaya 1:9

Nain PAPA GƆD es in an ɛn tɔch mi mɔt; dɔn PAPA GƆD tɛl mi se, “a de tɛl yu, a dɔn put mi wɔd na yu mɔt.

Ayzaya 59:21

“PAPA GƆD se, “As fɔ mi, dis na mi Kɔvinant wit dɛm: mi spirit we de pan yu ɛn mi wɔd we a dɔn put na yu mɔt, nɔ go kɔmɔt na yu mɔt, i nɔ go kɔmɔt na yu pikin dɛm mɔt, ɔ dɛn yon pikin pikin dɛn mɔt. Na so PAPA GƆD se, frɔm naw, ɛn sote go.”

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

2 Samiɛl 14:3

Joab tɛl am wetin i fɔ go tɛl di kiŋ.

Di Nɔmba Dɛm 22:38

Belam se, “Wɛl, a dɔn kam naw, bɔt nɔto ɛnikayn tin a go tɔk. Na wetin nɔmɔ PAPA GƆD se a fɔ tɔk a go tɔk.

Ɛksodɔs 4:12

Go wantɛm go du wetin a tɛl yu. A go ɛp yu fɔ tɔk ɛn a go tɛl yu wetin fɔ se.”

1 Kɔrint 11:23

Na di Masta insɛf tɛl mi dɛn tin we a tɛl una we a se: di sem nɛt we dɛn kɛr Masta Jizɔs go to dɛn wan we bin want kil am, i tek bred, i tɛl Gɔd tɛnki fɔ am, i kɔt am, kɔt am, dɔn i se, “Na mi bɔdi dis, na fɔ una a brok brok am so. Una fɔ de du di sem tin fɔ mɛmba mi.”

Ditarɔnɔmi 5:31

bɔt i se Mozis in fɔ stil de de bikɔs PAPA GƆD wan tɛl am ɔl di kɔmandmɛnt dɛn, wetin fɔ du ɛn aw fɔ du dɛn, so Mozis go tich di pipul dɛn lɛ dɛn go ebul obe di lɔ dɛn na di land we i dɔn gi dɛn.

1 Kɔrint 15:1

Mi kɔmpin Kristiɛn dɛn, a de kam mɛmba una bɔt di Gud Nyuz we a bin tɛl una. Una bin tek wetin a se ɛn na dat mek una biliv Gɔd traŋa wan naw.

Ɛksodɔs 3:12

Na de PAPA GƆD se, “A go de wit yu, ɛn fɔ sho se na mi sɛn yu we yu pul di Izrɛlayt dɛn kɔmɔt Ijipt, na dis mawnten una ɔl go kam wɔship mi.”

Ɛksodɔs 4:28

Mozis tɛl Erɔn ɔl wetin PAPA GƆD tɛl am fɔ du ɛn ɔl di wɔnda we i dɔn tɛl am fɔ ple.

Ɛksodɔs 4:30

Erɔn tɛl dɛn ɔl wetin PAPA GƆD bin dɔn tɛl Mozis, ɛn Mozis ple di wɔnda dɛn bifo di pipul dɛn yay.

Di Nɔmba Dɛm 16:28

Mozis tɛl dɛn se na dis go mek dɛn no se na PAPA GƆD sɛn am fɔ du ɔl wetin i de du ɛn dat nɔto bay insɛf i de du am.

1 Samiɛl 16:3

dɔn i fɔ invayt Jɛsi to di sakrifays ɛn in go tɛl Samiɛl wetin fɔ du. PAPA GƆD se Samiɛl fɔ anɔynt di wan we i go tɛl am fɔ am.

Di Sam Dɛm 51:15

PAPA GƆD, gi mi chans fɔ prez yu, dɔn ɔlsay pan mi go jɔyn fɔ prez yu.

Jɛrimaya 36:32

So Jɛrimaya tek ɔda skrol gi Baruch we na di sɛktri, dat na Nɛraya in bɔypikin, we bin rayt ɔl wetin Jɛrimaya bin tɛl am fɔ rayt na da skrol we Jɛoiakim we na kiŋ na Juda, bin bɔn na faya; i rayt ɔl wetin bin rayt na di fɔs skrol ɛn ɔda mɛsej dɛm we fiba dawande.

Di Sam Dɛm 25:12

Di pɔsin we rɛdi fɔ du wetin PAPA GƆD want, PAPA GƆD go mɔs sho am aw fɔ waka.