Ɛksodɔs 4:12 - Krio Fɔs Oli Baybul

¹² Go wantɛm go du wetin a tɛl yu. A go ɛp yu fɔ tɔk ɛn a go tɛl yu wetin fɔ se.”

Ɛksodɔs 4:12 Referans Kwoze

Jɛrimaya 1:9

Nain PAPA GƆD es in an ɛn tɔch mi mɔt; dɔn PAPA GƆD tɛl mi se, “a de tɛl yu, a dɔn put mi wɔd na yu mɔt.

Mak 13:11

Ɛnitɛm we dɛn ol una ɛn kɛr una go kot, una nɔ fɔ wɔri bɔt wetin una go tɔk, una nɔ fɔ tink bɔt dat bifo di tɛm rich, bɔt wɛn di tɛm rich, ɛnitin we Gɔd in Spirit put na una mɔt, nain una go tɔk. Da tɛm de nɔto unasɛf go tɔk, na Gɔd in Spirit go tɔk fɔ una.

Ayzaya 50:4

Papa Gɔd we na Gɔd dɔn mek a sabi tɔk lɛk dɛn wan we dɛn tich, so dat a go no aw a go tɔk fɔ kɔrej pɔsin we dɔn fɛdɔp. Ɛvri mɔnin, i de wek, I de wek mi yes fɔ lisin lɛk di wan dɛn we dɛn tich.

Lɛta Fɔ Ɛfisɔs 6:19

Ɛn una pre fɔ misɛf, mek Gɔd gi mi mɛsej so dat a nɔ go fred wɛn a de tɛl pipul bɔt di sikrit we de na di Gud Nyuz.

Jɔn 14:26

Di wan we de ɛp pipul fɔ du wetin Gɔd want, dat na Gɔd in Spirit, we mi Papa go sɛn to una bikɔs a aks am, go lan una ɔltin ɛn mek una mɛmba ɔl wetin a dɔn tɛl una.

Lyuk 11:1

Wande Jizɔs bin de pre na wan ples; wɛn i dɔn pre dɔn, wan pan in lanin bɔy dɛn kam mit am ɛn se, “Masta, lan wi aw fɔ pre lɛkɛ aw Jɔn lan in lanin bɔy dɛn.”

Ayzaya 49:2

I mek mi mɔt lɛk shap sɔd, na ɔnda in an in shado i bin ayd mi; i mek mi lɛk aro we dɛn pɔlish, ɛn ayd mi insay di bag we i de kip aro.

Di Sam Dɛm 143:10

Tich mi aw fɔ du wetin yu want mi fɔ du bikɔs yu na mi PAPA GƆD; lid mi wit yu pawa go usay a nɔ go gɛt prɔblɛm.

Di Sam Dɛm 32:9

Nɔ mek bigful lɛk ɔs ɔ myul we yu gɛt fɔ put tin na dɛn mɔt fɔ gɛt dɛn fɔ du wetin yu want dɛn fɔ du, ɔ nɔ so dɛn nɔ go ɔndastand.

Ɛksodɔs 3:12

Na de PAPA GƆD se, “A go de wit yu, ɛn fɔ sho se na mi sɛn yu we yu pul di Izrɛlayt dɛn kɔmɔt Ijipt, na dis mawnten una ɔl go kam wɔship mi.”

Ɛksodɔs 4:13

Bɔt Mozis beg PAPA GƆD se duya mek i sɛn ɔda pɔsin.

Ɛksodɔs 4:15

Yu go tɔk to am ɛn yu go de tɛl am wetin fɔ se. A go ɛp una ɔl tu fɔ tɔk ɛn a go de tɛl una wetin fɔ se.

Ɛksodɔs 4:16

Erɔn go de tɔk fɔ yu to di pipul lɛkɛ yu spoksman. Yu go tan lɛkɛ PAPA GƆD to am fɔ de tɛl am wetin fɔ se.

Di Nɔmba Dɛm 16:28

Mozis tɛl dɛn se na dis go mek dɛn no se na PAPA GƆD sɛn am fɔ du ɔl wetin i de du ɛn dat nɔto bay insɛf i de du am.

Ditarɔnɔmi 18:18

Mozis tɛl di Izrɛlayt dɛn se PAPA GƆD se in go mek wan pan dɛn bi prɔfɛt fɔ de tɛl dɛn wetin in se, ɛn na wetin in tɛl am fɔ tɔk i go tɔk,

Di Sam Dɛm 105:26

I sɛn in savant Mozis, ɛn Erɔn we i pik go na Ijipt.