Ɛksodɔs 4:11 - Krio Fɔs Oli Baybul

¹¹ Na de PAPA GƆD ansa am. I se, “Udat mek mɔtalman ɛn gi am mɔt? Udat de mek in yes dɛf ɔ in tɔn mumu? Udat mek i de si ɔ blɛn? Nɔto mi we na PAPA GƆD?

Ɛksodɔs 4:11 Referans Kwoze

Emɔs 3:6

Pipul go yɛri ɔn fɔ wa dɛn nɔ fred? Wɛn dombolo fɔdɔm na di siti, nɔto mi, PAPA GƆD de mek i bi?

Di Sam Dɛm 146:8

PAPA GƆD de mek blɛnyay man si, PAPA GƆD de kɔrej udat in at pwɛl, PAPA GƆD lɛk udat de du tin tret wan.

Ayzaya 6:7

I tɔch mi mɔt ɛn tɔk se, “as dis dɔn tɔch yu mɔt so, ɔl wetin yu gilti bɔt dɔn dɔn, ɛn PAPA GƆD dɔn fɔgiv yu sin.”

Di Sam Dɛm 94:9

PAPA GƆD we mek yes mɔs de yɛri ɛn in we mek yay, mɔs de si.

Di Sam Dɛm 51:15

PAPA GƆD, gi mi chans fɔ prez yu, dɔn ɔlsay pan mi go jɔyn fɔ prez yu.

Jɛrimaya 1:9

Nain PAPA GƆD es in an ɛn tɔch mi mɔt; dɔn PAPA GƆD tɛl mi se, “a de tɛl yu, a dɔn put mi wɔd na yu mɔt.

Jɛrimaya 1:6

Naim a se, “E PAPA GƆD we na mi Gɔd! I apin se a nɔ no aw fɔ tɔk bikɔs mi na jɛs wan yɔŋ bɔbɔ.”

Izikɛl 33:22

Da tɛm de PAPA GƆD in an bin de pan mi, di ivintɛm bifo di rɔnawe bin kam; ɛn bay di tɛm di man bin kam to mi na mɔnin, PAPA GƆD bin dɔn opin mi mɔt; so mi mɔt bin opin; ɛn a nɔ bin mumu igen

Jɛnɛsis 18:14

Wetin de we a nɔ ebul du? Lɛkɛ aw a se nɔmɔ, a de kam fɛn yu bak dis sem tɛm nɛks ia, bɔt bifo a kam, Sera go dɔn bɔn bɔypikin.”

Matyu 11:5

dɛn pipul we bin blɛn, de si; dɛn wan we nɔ bin ebul waka, de waka; dɛn wan we bin gɛt bad sik na dɛn skin, dɔn wɛl; dɛn wan we bin dɛf, dɔn yɛri; dɛn dayman dɔn gɛt layf bak; ɛn dɛn po pipul dɔn yɛri di Gud Nyuz.

Ayzaya 42:7

fɔ opin dɛn yay we blɛn, fɔ pul di prizina kɔmɔt na jel, dɛn wan we sidɔm na daknɛs kɔmɔt na jel.

Lyuk 1:20

Dis tin we a tɛl yu so go bi, wɛn di rayt tɛm kam. Bɔt bikɔs yu nɔ biliv wetin a tɛl yu, yu go mumu sote ɔl wetin a tɛl yu dɔn bi.”

Lyuk 1:64

As Zakaraya rayt dɔn so, in vɔys kam bak ɛn in tɔŋ lus ɛn i bigin fɔ tɔk klia wan. I bigin fɔ prez Gɔd.

Jɔn 10:21

Bɔt sɔm ɔda wan dɛn se, “If dɛbul de insay pɔsin, di pɔsin nɔ go tɔk lɛkɛ dat! Dɛbul go mek blɛnyay pɔsin si?”

Jɛnɛsis 11:7

Lɛ wi go dɔŋ go miksɔp dɛn laŋwej so dat dɛn nɔ go ebul fɔ ɔndastand dɛnsɛf.”

Prɔvabs 20:12

PAPA GƆD mek yes fɔ yɛri ɛn yay fɔ si.