Ɛksodɔs 4:1 - Krio Fɔs Oli Baybul

¹ Mozis aks PAPA GƆD se, if di pipul dɛn nɔ biliv am ɛn nɔ gri lisin to wetin in de tɛl dɛn, ɛn dɛn se, na lay i de lay PAPA GƆD nɔ apia to am, wetin in fɔ se.

Ɛksodɔs 4:1 Referans Kwoze

Ɛksodɔs 3:18

Di Izrɛlayt lida dɛn go biliv wetin yu se, ɛn una ɔl go go to di kiŋ na Ijipt ɛn tɛl am se, PAPA GƆD we na di PAPA GƆD we di Ibru pipul dɛn de wɔship apia to una ɛn tɛl una se una fɔ travul fɔ tri de go patrol na di ples we pɔsin nɔ go ebul tap fɔ go ɔfa sakrifays to am.

Apɔsul Dɛn Wok 7:25

Mozis bin min se in pipul dɛn go no se Gɔd sɛn am fɔ kam ɛp dɛn ɛn pul dɛn kɔmɔt pan slev layf, bɔt dɛn nɔ bin no dat.

Izikɛl 3:14

Di spirit es mi ɔp ɛn tek mi kɔmɔt de, ɛn a go wit bita spirit ɛn wamat, ɛn PAPA GƆD in an bin de pan mi traŋa wan;

Jɛrimaya 1:6

Naim a se, “E PAPA GƆD we na mi Gɔd! I apin se a nɔ no aw fɔ tɔk bikɔs mi na jɛs wan yɔŋ bɔbɔ.”

Ɛksodɔs 6:30

Bɔt Mozis ansa PAPA GƆD se, “Yu no se a nɔ ebul tɔk. Wetin fɔ mek di kiŋ lisin to mi?”

Ɛksodɔs 4:31

Di edman dɛn biliv se na PAPA GƆD sɛn Mozis ɛn Erɔn. We dɛn yɛri se PAPA GƆD dɔn si aw dɛn de sɔfa ɛn i rɛdi fɔ ɛp dɛn, dɛn baw dɛn ed ɛn wɔship am.

Ɛksodɔs 2:14

Di man aks am udat gi am pawa fɔ bi rula ɛn jɔj fɔ dɛn kes? I se if i wan kil am lɛkɛ aw i kil da Ijipshian. Dat mek Mozis fred. I bigin tink se ɔlman dɔn no bɔt wetin i bin du.

Ɛksodɔs 3:15

PAPA GƆD tɔk bak se, “Tɛl di Izrɛlayt dɛn se, na PAPA GƆD we una fɔstɛm-papa dɛn dat na di PAPA GƆD we Ebraam, Ayzak ɛn Jekɔb bin de wɔship sɛn yu to dɛn. Na mi nem dis sote go. Na dis nem ya ɔl di jɛnareshɔn dɛn go de yuz fɔ kɔl mi.”

Ɛksodɔs 3:16

“Go gɛda ɔl di lida dɛn na Izrɛl ɛn tɛl dɛn se, ‘mi PAPA GƆD we na di PAPA GƆD we dɛn fɔstɛm-papa dɛn dat na Ebraam, Ayzak ɛn Jekɔb, bin de wɔship apia to yu ɛn tɛl yu se, a dɔn de wach dɛn, ɛn a dɔn si ɔl wetin de apin to dɛn na Ijipt

Ɛksodɔs 4:10

Bɔt Mozis beg PAPA GƆD se duya mek i nɔ sɛn am bikɔs in nɔ sabi tɔk. I se sins in mama bɔn am te da tɛm we i bin de tɔk to PAPA GƆD so i nɔ sabi tɔk bikɔs in nɔ kin no wetin fɔ tɔk bɔku tɛm.

Ɛksodɔs 4:30

Erɔn tɛl dɛn ɔl wetin PAPA GƆD bin dɔn tɛl Mozis, ɛn Mozis ple di wɔnda dɛn bifo di pipul dɛn yay.

Ɛksodɔs 6:12

Bɔt Mozis ansa PAPA GƆD se, “We di Izrɛlayt dɛn nɔ lisin to mi, wetin a go se to di kiŋ we mek i lisin to mi? Infakt mi na pɔsin we nɔ ebul tɔk.”

1 Kiŋ 13:3

Da sem de de di prɔfɛt gi wan sayn. I se PAPA GƆD go mek di ɔlta plit tu dɔn ɔl di ashis pan am go skata.

Di Jɔj Dɛm 6:17

Nain Gidiɔn tɛl PAPA GƆD se if PAPA GƆD dɔn pik am fɔ tru, lɛ i du sɔntin we go sho se fɔ tru tru, nain PAPA GƆD de tɔk to am.