Ɛksodɔs 39:1 - Krio Fɔs Oli Baybul

¹ Dɛn yuz di blu, pɔpul ɛn rɛd wul matirial fɔ mek fayn gawn dɛn fɔ di man dɛn we de mek sakrifays fɔ pipul sin we dɛn de sav na di oli ples. Dɛn mek Erɔn in yon gawn jɛs lɛkɛ aw PAPA GƆD bin dɔn tɛl Mozis fɔ mek am.

Ɛksodɔs 39:1 Referans Kwoze

Ɛksodɔs 31:10

di fayn dizayn klos fɔ di man dɛn we de mek sakrifays fɔ pipul sin, lɛkɛ Erɔn ɛn in bɔypikin dɛn we de sav mi,

Ɛksodɔs 35:23

Ɔl dɛn wan dɛn we gɛt dɛn fayn linin matirial lɛkɛ blu, pɔpul, rɛd wul, got ia klos, rɛd ship kanda ɛn dɛn fayn lɛda briŋ dɛn kam.

Ɛksodɔs 35:19

di fayn gawn dɛn fɔ di man dɛn we de mek sakrifays fɔ pipul sin fɔ de sav na di oli ples, di oli gawn fɔ Erɔn we na di edman fɔ di man dɛn we de mek sakrifays fɔ pipul sin ɛn in bɔypikin dɛn.

Di Ibru Pipul Dɛn 9:25

Di Ju edman we kin mek sakrifays fɔ pipul sin, kin go insay di sɛkɛn ples na di Bafa wan tɛm ɛvri ia; i kin kɛr bif blɔd go insay de, nɔto in yon blɔd. Bɔt na wan tɛm nɔmɔ Krays go na di ples we Gɔd de ɛn sakrifays insɛf to Gɔd. I nɔ du dat pas wan tɛm.

Di Ibru Pipul Dɛn 9:12

Wɛn Krays bin go insay di ples we Gɔd de, na wan tɛm nɔmɔ i go insay de. Nɔto got ɛn man kaw blɔd i bin sakrifays de, nain yon blɔd. Na da blɔd de i tek gi wi layf we go de sote go.

Izikɛl 43:12

Dis na di tɛmpul in lɔ: di ol eria, ɔl rawnd pantap di mawnten go bi oli pas ɔl. Una lisin, dis na di tɛmpul in lɔ:

Izikɛl 42:14

Wɛn di man dɛn we de mek sakrifays fɔ pipul sin dɔn go insay di oli ples dɛn nɔ go kɔmɔt go na di awtsay kɔt, pas nɔmɔ, dɛn dɔn lɛf biyɛn dɛn klos we dɛn bin wɛr fɔ minista, bikɔs di klos dɛnsɛf oli; dɛn go wɛr ɔda klos dɛn bifo dɛn go go nia to di wan dɛn we na fɔ di pipul.”

Di Sam Dɛm 93:5

PAPA GƆD, yu wɔd nɔ de chenj we yu oli, dat de mek yu os fayn fɔ de sote go.

Ɛksodɔs 39:41

di fayn gawn dɛn fɔ di man dɛn we de mek sakrifays fɔ pipul sin we dɛn fɔ wɛr na di oli ples, di oli klos fɔ Erɔn ɛn in bɔypikin dɛn.

Ɛksodɔs 26:1

“Dɔn igen, yu fɔ mek di tɛnt we a de de wit tɛn piɔ fayn linin matirial. Yu fɔ yuz rɛd, blu ɛn pɔpul matirial. Yu fɔ dizayn Chɛryubim pan am.

Ɛksodɔs 25:4

yu fɔ tek blu, pɔpul ɛn rɛd wul matirial wit matirial we na got ia dɛn tek mek am.

Ɛksodɔs 38:31

di bes dɛn fɔ di say we pɔsin nɔ fɔ go ɛn di domɔt fɔ da ples de, ɛn fɔ ɔl di pɛg dɛn we de rawnd di Tɛnt.

Ɛksodɔs 28:5

Di telaman dɛn fɔ yuz fayn gold tred; blu, pɔpul ɛn rɛd wul matirial, ɛn fayn linin matirial fɔ mek dɛn gawn ya.