Ɛksodɔs 34:9 - Krio Fɔs Oli Baybul

⁹ Mozis tɔk to PAPA GƆD se, if fɔ tru tru se PAPA GƆD lɛk am, lɛ i go wit dɛn. I se di pipul dɛn traŋayes bad, bɔt lɛ i fɔgiv dɛn sin ɛn tek dɛn as in yon pipul.

Ɛksodɔs 34:9 Referans Kwoze

Di Sam Dɛm 33:12

Dɛn pipul we PAPA GƆD dɔn pik fɔ bi in yon gɛt in blɛsin; nain na di PAPA GƆD we dɛn fɔ wɔship.

Di Sam Dɛm 94:14

bikɔs PAPA GƆD nɔ de kɔmɔt biɛn in pipul; i nɔ go ɛva dison in yon, yon pipul.

Ditarɔnɔmi 32:9

Na PAPA GƆD insɛf na Izrɛl dɛn Gɔd.

Di Sam Dɛm 135:4

Na PAPA GƆD dɔn pik Jekɔb fɔ bi in yon, ɛn in jɛnareshɔn dɛn fɔ bi in prayvet prɔpati.

Di Sam Dɛm 28:9

PAPA GƆD, sev yu pipul ɛn blɛs ɔl udat de biɛn dɛn; kɔntinyu fɔ kia fɔ ɛn kɔba dɛn sote go.

Jɛrimaya 10:16

Di wan we Jekob gɛt nɔ tan lɛkɛ dɛn wan ya, bikɔs nain mek ɔltin, ɛn Izrɛl na di pipul dɛn we i pik fɔ insɛf; na PAPA GƆD Ɔlmayti nain nem.

Ɛksodɔs 32:9

A dɔn si se dɛn pipul yaso na pipul dɛn we gɛt traŋa at,

Zɛkaraya 2:12

PAPA GƆD go tek Juda as in yon prɔpati insay di oli land ɛn i go pik Jerusɛlɛm bak.

Di Sam Dɛm 78:62

I mek dɛn kil in pipul pan wa. I vɛks bad pan di pipul we i tek fɔ bi in yon.

Ɛksodɔs 19:5

So naw, if dɛn obe mi ɛn go akɔdin to mi Kɔvinant, dɛn go bi mi bɔlyay pan ɔl dɛn neshɔn na di wɔl. Ɛn na mi gɛt di wanol wɔl. Na dɛn a dɔn pik,

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Ayzaya 48:4

Bikɔs a no se yu traŋayes, ɛn yu nɛk na lɛk ayɛn rop ɛn yu fɔrɛd na lɛk bras,

Di Sam Dɛm 25:11

PAPA GƆD mi sin dɛn bɔku, bɔt bikɔs yu gud, ɛn want ɔlman fɔ no aw yu gud, fɔgiv mi.

Di Nɔmba Dɛm 14:19

Bay di kayn beberebe lɔv we yu gɛt, fɔgiv yu pipul dɛn sin jɛs lɛk aw yu bin dɔn de fɔgiv dɛn frɔm we dɛn lɛf Ijipt.

Ɛksodɔs 34:7

A de sho lɔv to tawzin pan tawzin pipul dɛn ɛn de fɔgiv udat du bad, udat brok lɔ ɛn udat kɔmit sin; bɔt a nɔ de fɔgɛt fɔ pɔnish dɛn wan we de du bad. A de mek pikin, grampikin, gret grampikin ɛn gret, gret grampikin dɛn sɔfa fɔ dɛn mami ɛn dadi dɛn sin.”

Ditarɔnɔmi 4:20

Mozis se PAPA GƆD bin dɔn mek Izrɛl in yon pipul dɛn nain mek i bin pul dɛn kɔmɔt pan di trɔbul we dɛn bin de pan na Ijipt da tɛm de.

Ditarɔnɔmi 9:18

Mozis se nain in lidɔm bak flat wan na grɔn ɛn pre to PAPA GƆD fɔ ɔda fɔti de ɛn fɔti nɛt, fɔ ɔl di sin dɛn we di Izrɛlayt dɛn bin dɔn kɔmit we mek PAPA GƆD vɛks bad bad wan. Ɔl datɛnde, Mozis nɔ it natin.

Ditarɔnɔmi 9:26

We i bin de pre to PAPA GƆD, i pre se lɛ PAPA GƆD nɔ dɔnawe wit di Izrɛlayt dɛn we nain yon pipul we i bin pul kɔmɔt slevri na Ijipt wit in pawa.

Ditarɔnɔmi 9:29

I tɛl PAPA GƆD se di Izrɛlayt dɛn na PAPA GƆD in yon pipul dɛn ɛn i bin dɔn du plɛnti wɔndaful tin dɛn wit in pawa fɔ dɛn sek, we i bin pul dɛn kɔmɔt slevri na Ijipt.

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Ɛksodɔs 33:12

Mozis tɔk to PAPA GƆD. I se, “Na tru se yu dɔn pik mi fɔ lid dɛn pipul ya, bɔt yu nɔ tɛl mi udat go go wit mi. Yɛs, yu dɔn tɔk se yu no mi gud gud fashin ɛn yu lɛk mi.