Ɛksodɔs 34:7 - Krio Fɔs Oli Baybul

⁷ A de sho lɔv to tawzin pan tawzin pipul dɛn ɛn de fɔgiv udat du bad, udat brok lɔ ɛn udat kɔmit sin; bɔt a nɔ de fɔgɛt fɔ pɔnish dɛn wan we de du bad. A de mek pikin, grampikin, gret grampikin ɛn gret, gret grampikin dɛn sɔfa fɔ dɛn mami ɛn dadi dɛn sin.”

Ɛksodɔs 34:7 Referans Kwoze

Di Sam Dɛm 103:3

In na PAPA GƆD we de fɔgiv ɔl yu sin dɛn ɛn i de mɛn yu wɛn yu sik.

Lɛta Fɔ Ɛfisɔs 1:7

Bikɔs Krays day na di krɔs fɔ sev wi, wi dɔn fri ɛn Gɔd dɔn padin wi sin. Gɔd gud to wi, mɔt sɛf nɔ ebul tɔk am. Gɔd tek sɛns ɛn sabi

Jɛrimaya 32:18

yu de sho lɛknɛs we nɔ de shek to tawzin tawzin pipul, bɔt yu de tɔn di papa dɛm gilt pan dɛn pikin dɛm, Yu big ɛn mayti Gɔd we in nem na PAPA GƆD Ɔlmayti,

Jɔn In Fɔs Lɛta 1:9

Bɔt if wi tɛl Gɔd bɔt wi sin dɛn, in we de du di rayt tin ɔltɛm ɛn ɔl wetin i prɔmis, wi kin abop se i go padin wi sin dɛn ɛn i go pul ɔltin we bad kɔmɔt na wi layf ɛn mek wi layf klin.

Daniɛl 9:9

PAPA GƆD, sɔri at ɛn fɔgivnɛs de na yu an; bikɔs wi dɔn tɔn wi bak gi am,

Di Sam Dɛm 130:4

Bɔt yu rɛdi fɔ fɔgiv wi ɔltɛm; so i fayn fɔ mek wi fred yu.

Job 10:14

Yu bin de wach mi mek a nɔ sin, so dat if a sin, yu go se a gilti.

Ɛksodɔs 23:7

Dɛn wan we de jɔj kes fɔ jɔj tret. Dɛn nɔ fɔ lay pan poman. Dɛn nɔ fɔ sɛntɛns inosɛnt ɔ pɔsin we de waka tret na PAPA GƆD in yay fɔ day. If dɛn du dat, a nɔ go fɔgiv dɛn.

Neum 1:6

Udat ebul tinap bifo PAPA GƆD we i vɛks? Udat ebul am we i dɔn vɛks? We i vɛks i de blez lɛk faya, ivin dɛn big ston kin tɔn grabul-grabul usay i de.

Daniɛl 9:4

A pre to PAPA GƆD we na mi Gɔd de kɔnfɛs se, “PAPA GƆD we ay pas ɔl ɛn we fɔ fred, we de kip in prɔmis, ɛn di lɛk we i lɛk di wan dɛn we lɛk am ɛn de du wetin i se, nɔ de shek.

Di Ibru Pipul Dɛn 12:29

bikɔs wi Gɔd na faya we de bɔn ɔltin.

Lɛta Fɔ Ɛfisɔs 4:32

Bɔt una fɔ de du gud ɛn gɛt sɔri at fɔ una kɔmpin. Una fɔ de padin una kɔmpin lɛkɛ aw Gɔd dɔn padin una bikɔs una na Krays yon pipul.

Di Sam Dɛm 86:15

Bɔt yu PAPA GƆD, na PAPA GƆD we nays ɛn gɛt sɔri-at, yu nɔ gɛt wamat ɛn di beberebe lɔv we yu gɛt fɔ wi nɔ de chenj, dɔn bak, yu nɔ de kɔmɔt biɛn wi.

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Nɛimaya 9:32

“PAPA GƆD, yu na big big GƆD ɛn yu du fɔ fred. Yu na GƆD we de kip yu Kɔvinant wit wi ɛn yu nɔ de chenj yu lɔv fɔ wi. Nɔ mek lɛkɛ se di sɔfa we wi de sɔfa so nɔ min natin to yu. Dis sɔfa ya we wi Kiŋ ɛn bigman dɛn, dɛn man we de mek sakrifays fɔ wi sin dɛn, di prɔfɛt dɛn we na wi midul man dɛn to yu, wi papa dɛn ɛn ɔl di pipul dɛn de sɔfa bin dɔn de frɔm dɛn Asiria Kiŋ dɛn tɛm te tide.

Nɛimaya 1:5

A se, “E PAPA GƆD we de na ɛvin! Yu big ɛn du fɔ fred. Yu de kip yu wɔd na yu Kɔvinant to ɔl udat lɛk yu ɛn de du wetin yu want.

Apɔsul Dɛn Wok 13:38

Mi pipul dɛn, a want mek una no se na fɔseka Jizɔs mek dɛn de tɛl una se Gɔd go padin una fɔ di bad tin dɛn we una de du. A want mek una no se ɛnibɔdi we biliv pan am, Gɔd go mek da pɔsin de tap fɔ du di bad tin dɛn we i de du, ɛn dat na wan tin we di Lɔ we Gɔd bin gi Mozis nɔ ebul du.

Apɔsul Dɛn Wok 5:31

Gɔd dɔn mek Jizɔs sidɔm nain raytan fɔ bi wi Masta ɛn wi Seviɔ, so dat i go gi di Izrɛl pipul dɛn chans fɔ chenj ɛn Gɔd go padin dɛn fɔ dɛn sin.

Jɔshwa 24:19

Nain Jɔshwa tɛl di Izrɛlayt dɛn se PAPA GƆD nɔto PAPA GƆD we izi fɔ sav; I oli ɛn i de jɛlɔs ɛn i nɔ go fɔgiv dɛn if dɛn du wetin i se dɛn nɔ fɔ du.

Ditarɔnɔmi 32:35

Na mi gɛt rivɛnj ɛn na mi de pe pipul fɔ dɛn gud wok, fɔ di tɛm we dɛn go sket fɔdɔm; bikɔs di tɛm fɔ dɛn waala dɔn de rich, ɛn dɛn alaki wande kam lɛk briz.

Ɛksodɔs 23:21

Una rɛspɛkt am ɛn du wetin i se bikɔs na mi sɛn am. If una mek traŋayes i go dil wit una.

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Rɛvɛleshɔn 20:15

Ɛnibɔdi we in nem nɔ bin rayt insay di buk we dɛn rayt dɛn pipul we gɛt layf sote go dɛn nem, dɛn trowe am insay di wata we faya de kech.

Lyuk 7:48

Jizɔs tɔn to di uman. I se, “Gɔd dɔn padin yu sin dɛn!”

Lyuk 7:42

Dɛn ɔl tu nɔ bin ebul fɔ pe am, so i lɛf di mɔni gi dɛn ɔl tu. Pan dɛn tu pipul ya, uswan go lɛk di man we bin lɛn dɛn mɔni pas in kɔmpin?”

Matyu 12:31

Na dat mek a de tɛl una se, di de we Gɔd go jɔj ɔlman, i go padin ɛni bad tin we pɔsin du ɛn ɛni bad tɔk we i tɔk bɔt mi ɛn ɔda pipul; bɔt Gɔd nɔ go padin ɛnibɔdi we tɔk bad bɔt Gɔd in Spirit.

Mayka 6:11

A go se pɔsin we na so so rog wet dɛn de nain bag, ɔ di wan we de lay pan di skel nɔ du natin?

Ayzaya 45:21

Tɔk ɛn put una kes; lɛ dɛn ɛŋed togɛda! Udat bin tɔk dis lɔntɛm? Udat bin anawns am frɔm di biginin? Nɔto bin Mi, PAPA GƆD? Ɛn nɔn ɔda Gɔd nɔ de apat frɔm mi, Gɔd we de waka tret ɛn we de sev; nɔn ɔda wan nɔ de apat frɔm mi.

Di Sam Dɛm 136:15

bɔt i mek di wata na di Rɛd Si kɛr Fero, di kiŋ na Ijipt ɛn in sojaman dɛn go; in lɔv de de sote go.

Di Sam Dɛm 136:10

Nain bin mek dɛn Ijipshian dɛn fɔs pikin day, in lɔv de de sote go;

Matyu 6:12

Padin wi fɔ di bad tin dɛn we wi dɔn du, lɛkɛ aw wisɛf de padin dɛn pipul we de du wi bad.

Jɛnɛsis 19:16

Lɔt bigin drɛg fut. Bɔt PAPA GƆD sɔri fɔ am, so di tu man dɛn kapu Lɔt, in wɛf ɛn in tu gyal pikin dɛn bonikali ɛn drɛg dɛn kɔmɔt na di siti.

Ɛksodɔs 33:19

PAPA GƆD ansa Mozis. I se, “A go mek ɔl mi gudnɛs de bifo yu, ɛn a go kɔl mi nem ‘PAPA GƆD’ fɔ lɛ yu yɛri. A go sho lɔv ɛn masi to udat a pik.

Ɛksodɔs 34:9

Mozis tɔk to PAPA GƆD se, if fɔ tru tru se PAPA GƆD lɛk am, lɛ i go wit dɛn. I se di pipul dɛn traŋayes bad, bɔt lɛ i fɔgiv dɛn sin ɛn tek dɛn as in yon pipul.

Ditarɔnɔmi 7:9

I tɛl dɛn se lɛ dɛn nɔ fɔgɛt se PAPA GƆD we na dɛn PAPA GƆD na di tru tru PAPA GƆD; di PAPA GƆD we wɛn i se sɔntin, i min am. I se if dɛn lɛk PAPA GƆD ɛn du ɔl wetin i se, i go lɛk dɛn sote go bikɔs PAPA GƆD nɔ de chenj.

Ditarɔnɔmi 7:10

Bɔt Mozis wɔn dɛn se PAPA GƆD nɔ de sɔri fɔ pipul dɛn we nɔ de gri yɛri in wɔd; I kin pɔnish dɛn bad bad wan.

1 Kiŋ 8:30

“Duya ansa mi prea, ɛn di pipul dɛnsɛf yon prea wɛn dɛn kam na dis os fɔ pre. Usay yu de na yu os na ɛvin, ansa wi prea ɛn fɔgiv wi.

2 Kronikuls 30:9

Bikɔs if una tɔn bak to PAPA GƆD una brɔda dɛm ɛn una pikin dɛm go gɛt sɔri to di wan dɛn we kech dɛm. Ɛn tɔn bak kam na dis ples. Bikɔs PAPA GƆD una Gɔd i de mɛmba ɛn i gɛt sɔri at ɛn i nɔ go tɔn in fes kɔmɔt to una if una tɔn bak to am.

Jɛrimaya 9:24

bɔt le udat de bost, bost se in ɔndastand mi ɛn no mi, ɛn dat mi na PAPA GƆD we mi lɔv nɔ de shek, a de trit ɔlman di sem, ɛn a de waka tret na dis wɔl; bikɔs na dɛn tin ya de mek a gladi; na so PAPA GƆD se.

1 Kiŋ 8:32

duya PAPA GƆD, ansa di prea na ɛvin ɛn gi jɔjmɛnt. Pɔnish di wan we rɔŋ ɛn fri di wan we nɔ gilti lɛ ɔlman no se i inosɛnt.

Di Sam Dɛm 25:11

PAPA GƆD mi sin dɛn bɔku, bɔt bikɔs yu gud, ɛn want ɔlman fɔ no aw yu gud, fɔgiv mi.

Di Sam Dɛm 99:8

E PAPA GƆD, yu ansa dɛn ɔl prea yu na PAPA GƆD we de fɔgiv pan ɔl we yu de pɔnish dɛn wan we dɛn du bad.

Di Sam Dɛm 109:14

Lɛ PAPA GƆD mɛmba ɔl di bad tin dɛn we in papa dɛn du; ɛn nɔ ɛva fɔgiv in mama in sin.

Jɛrimaya 30:11

PAPA GƆD se, bikɔs a de wit yu fɔ sev yu; A go nyakanyaka ɔl di neshɔn dɛm we a skata una, bɔt as fɔ una, a nɔ go nyakanyaka una. A go disiplin una bay aw una de biev, ɛn natin nɔ go mek a nɔ pɔnish una.