Ɛksodɔs 34:6 - Krio Fɔs Oli Baybul

⁶ PAPA GƆD pas bifo Mozis ɛn bigin tɔk se, “Mi, GƆD, di PAPA GƆD we gud ɛn de sho masi, we nɔ gɛt shɔtat, we in lɔv nɔ de fel, ɛn PAPA GƆD we pɔsin kin put in op ɛn trɔs pan.

Ɛksodɔs 34:6 Referans Kwoze

Di Sam Dɛm 86:15

Bɔt yu PAPA GƆD, na PAPA GƆD we nays ɛn gɛt sɔri-at, yu nɔ gɛt wamat ɛn di beberebe lɔv we yu gɛt fɔ wi nɔ de chenj, dɔn bak, yu nɔ de kɔmɔt biɛn wi.

Joɛl 2:13

ɛn nɔto dɛn klos nɔmɔ dɛn fɔ chɛr fɔ sho se dɛn sɔri, na dɛn at dɛn, dɛn fɔ ɛmti bifo am. In naw se lɛ dɛn go bak to PAPA GƆD we na GƆD bikɔs nain gɛt gud at ɛn sɔri - at bad, i nɔ de vɛks kwik ɛn in lɔv fɔ dɛn nɔ de chenj, ɛn i rɛdi fɔ fɔgiv dɛn ɔltɛm.

Di Sam Dɛm 145:8

PAPA GƆD gud ɛn i gɛt sɔri-at, i nɔ de vɛks kwik ɛn in lɔv beberebe.

Nɛimaya 9:17

Dɛn nɔ gri fɔ yɛri wɔd, dɛn fɔgɛt bɔt di mirekul dɛn we yu ple fɔ dɛn. Dɛn bin so traŋayes dat dɛn fɛn rebɛl lida fɔ kɛr dɛn go bak go bi slev usay dɛn kɔmɔt. Bɔt yu na PAPA GƆD we gɛt sɔri at; Yu gud ɛn rɛdi fɔ fɔgiv. Yu nɔ gɛt shɔtat ɛn di lɛk we yu kin lɛk pɔsin kin tumɔs. Dat mek yu nɔ jɛs lɛf dɛn to dɛnsɛf.

Jona 4:2

I tɛl PAPA GƆD se i bin no se na dat PAPA GƆD go du so na dat bin mek in rɔnawe fɔ go Tashish. I se in no se PAPA GƆD gɛt sɔri-at bad, i nɔ de vɛks so, ɛn in lɔv nɔ de ɛva chenj ɛn so i nɔ lɛk fɔ du bad.

Di Sam Dɛm 86:5

Yu na gud PAPA GƆD ɛn yu de fɔgiv yu de sho yu lɔv we nɔ de chenj to ɔl udat lɛk fɔ pre to yu.

2 Kronikuls 30:9

Bikɔs if una tɔn bak to PAPA GƆD una brɔda dɛm ɛn una pikin dɛm go gɛt sɔri to di wan dɛn we kech dɛm. Ɛn tɔn bak kam na dis ples. Bikɔs PAPA GƆD una Gɔd i de mɛmba ɛn i gɛt sɔri at ɛn i nɔ go tɔn in fes kɔmɔt to una if una tɔn bak to am.

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Ditarɔnɔmi 5:10

bɔt ɔl di wan dɛn we lɛk am ɛn de du wetin i se, kin ɛnjɔy in lɔv to di tawzin tawzin jɛnareshɔn sɛf..

Di Sam Dɛm 138:2

A go mek shɔ se a baw usay yu os de ɛn a go prez yu fɔ di kayn lɔv we yu gɛt fɔ wi we nɔ de ɛva chenj ɛn yu de sho wi ɔltɛm se yu lɛk wi, fɔ we yu mek yusɛf ɛn wetin yu se pas ɔltin we de na wɔl.

Di Sam Dɛm 116:5

PAPA GƆD gud ɛn i de tin tret wan; i gɛt bad bad sɔri-at.

Di Sam Dɛm 108:4

Di lɔv we yu gɛt fɔ wi so bɔku dat i ivin pas usay ɛvin de if wi want fɔ mɛzhɔ am; yu fethfulnɛs in de te rich ɔp klawd.

Lɛta Fɔ Rom 2:4

Ɔ sɔntɛm una nɔ luk di gud we Gɔd gud, di bia we i de bia wit una, ɛn we i nɔ de pɔnish una naw, lɛkɛ ɛnitin. Di tin we mek Gɔd gud to una na bikɔs i de tray fɔ mek una lɛf fɔ du bad ɛn kam to am.

Di Sam Dɛm 111:4

I dɔn so du am dat pipul nɔ go ɛva fɔgɛt di wɔndaful tin dɛn we i de du. PAPA GƆD gɛt sɔri-at bad.

Di Sam Dɛm 112:4

Ivin we di ples dak, layt mɔs de to udat de du gud ɔltɛm bikɔs PAPA GƆD gud ɛn i gɛt sɔri-at so i de du wetin rayt.

Di Sam Dɛm 57:10

bikɔs di lɔv we yu gɛt fɔ mi we nɔ de chenj ay te pas usay ɛvin de

Ɛksodɔs 22:27

bikɔs nain nɔmɔ i gɛt fɔ tek kɔba we di ples kol. If yu nɔ gi am aw yu want fɔ lɛ i slip? If i kray to mi, a go ansa in prea bikɔs mi na PAPA GƆD we de sho masi.

Mayka 7:20

PAPA GƆD go biev lɛk aw i bin de biev to Jekɔb, sho in lɔv we nɔ de dɔn to Ebram, jɛs lɛk aw i bin dɔn prɔmis dɛn fɔstɛm-papa dɛn se i go du.

Lamɛnteshɔn 3:23

ɛvri mɔnin na nyu wan i de gɛt fɔ wi; in tret waka we i de waka in kayn nɔ de.

Jɔn 1:17

Gɔd mek Mozis gi wi di Lɔ, bɔt i mek Jizɔs Krays sho wi aw i lɛk wi ɛn tɛl wi ɔl di tru tin dɛn bɔt insɛf.

Di Sam Dɛm 91:4

I go kɔba am lɛkɛ aw fɔl de kɔba in pikin; PAPA GƆD de kip in prɔmis dɛn ɛn go kɔba am ɔltɛm ɛn fɛt fɔ am.

Di Sam Dɛm 31:19

Noto kɔmɔn gud tin, yu dɔn kip fɔ udat gɛt fred fɔ yu we de wɔship yu. Usay pipul bɔku, na de yu de gi gud tin to udat go to yu fɔ kɔba am.

Ayzaya 12:4

Ɛn una go tɔk da de de se: “Tɛl PAPA GƆD tɛnki, pre to am: mek ɔlman no bɔt di tin dɛn we i kin du, mek i bi lɔ fɔ rɛspɛkt in nem.

Di Sam Dɛm 111:8

Wetin i se go de sote go, bikɔs we PAPA GƆD de du dɛn, i nɔ miks pan ipokrit, na wetin tru ɛn wetin rayt, i de tɛl yu fɔ du.

1 Kiŋ 19:11

PAPA GƆD tɛl am se lɛ i go na do go tinap bifo am bikɔs i gɛt fɔ pas da say de Wantɛm nain big big tinada blo ɛn skata di mawnten ɛn dɛn rɔk dɛn bifo PAPA GƆD, bɔt in nɔ bin de na di tinada. Afta di tinada di grɔn shek te i plit, bɔt PAPA GƆD nɔ bin de de.

Di Sam Dɛm 146:6

in na di PAPA GƆD we mek ɛvin ɛn ath, di si, ɛn ɔl wetin de insay dɛn; in na PAPA GƆD we yu kin abop pan.

Jems 5:11

Wi se Gɔd blɛs dɛn bikɔs dɛn bia. Una no aw Job bin bia lɔŋ wɛn i bin de sɔfa, ɛn una si aw Gɔd kam blɛs am. Ɔl dat fɔ mek una no se fɔ tru, Gɔd de sɔri fɔ wi wɛn wi de sɔfa, ɛn i de sɔri fɔ wi pan ɔl we wi du tin we fɔ mek i vɛks.

Ɛksodɔs 20:5

Una nɔ fɔ butu to ɛni lay lay gɔd fɔ wɔship am bikɔs mi GƆD we na una PAPA GƆD, a nɔ want wan rayval. A kin mek pikin, grampikin, gret ɛn gret gret grampikin dɛn sɔfa fɔ dɛn papa dɛn sin fɔ we dɛn et mi;

Ɛksodɔs 33:19

PAPA GƆD ansa Mozis. I se, “A go mek ɔl mi gudnɛs de bifo yu, ɛn a go kɔl mi nem ‘PAPA GƆD’ fɔ lɛ yu yɛri. A go sho lɔv ɛn masi to udat a pik.

Ditarɔnɔmi 4:31

ɛn we i bi se PAPA GƆD we na dɛn PAPA GƆD na PAPA GƆD we gɛt sɔri at, i go mɔs mɛmba di Kɔvinant we i bin dɔn mek wit dɛn fɔstɛm-papa dɛn ɛn go mɔs sɔri fɔ dɛn.

Ditarɔnɔmi 32:3

A go prez PAPA GƆD in nem ɛn ɔlman go tɔk bɔt PAPA GƆD in pawa.

1 Kiŋ 8:30

“Duya ansa mi prea, ɛn di pipul dɛnsɛf yon prea wɛn dɛn kam na dis os fɔ pre. Usay yu de na yu os na ɛvin, ansa wi prea ɛn fɔgiv wi.

Ɛkliziastis 8:11

Na bikɔs we pɔsin du bad, dɛn nɔ de gi jɔjmɛnt kwik, na dat mek pipul de kɔntinyu fɔ du bad.

Ayzaya 65:16

So dat ɛnibɔdi we blɛs insɛf na di land go tek di Gɔd we de waka tret, blɛs insɛf ɛn ɛnibɔdi we de swɛ na di land go swɛ to di Gɔd we de waka tret; bikɔs a dɔn fɔgɛt di trɔbul dɛn we dɔn pas ɛn dɛn dɔn ayd pan mi.

Jɛrimaya 9:24

bɔt le udat de bost, bost se in ɔndastand mi ɛn no mi, ɛn dat mi na PAPA GƆD we mi lɔv nɔ de shek, a de trit ɔlman di sem, ɛn a de waka tret na dis wɔl; bikɔs na dɛn tin ya de mek a gladi; na so PAPA GƆD se.

Jɛrimaya 32:18

yu de sho lɛknɛs we nɔ de shek to tawzin tawzin pipul, bɔt yu de tɔn di papa dɛm gilt pan dɛn pikin dɛm, Yu big ɛn mayti Gɔd we in nem na PAPA GƆD Ɔlmayti,

Neum 1:3

PAPA GƆD na PAPA GƆD we pawaful i peshɛnt i kin mek shɔ se udat de du bad gɛt di pe we i de fɛt fɔ. Wi de si am insay di briz we de blo; di klawd dɛn na di dɔti we in fut de mek.

Jɛnɛsis 24:27

I se, “A de prez yu PAPA GƆD. Yu we na PAPA GƆD fɔ mi masta Ebraam. Fɔ tru tru yu lɛk mi masta ɛn de du gud to am. Yu dɔn briŋ mi tret to mi masta in fambul dɛn.”

Di Nɔmba Dɛm 12:8

A de tɔk to am fes to fes, a nɔ de miks mi tɔk we a de tɔk to am. A de tɔk tret tɔk; i kin si aw a tan. Una nɔ de fred fɔ tɔk bɔt mi savant, Mozis?

2 Samiɛl 24:14

Devid tɛl Gad se in riali de fil bad ɛn nɔ no wetin fɔ du. Devid se in go lɛk PAPA GƆD fɔ tɔk aw i go pɔnish am bikɔs PAPA GƆD at list go sɔri fɔ am. I se in nɔ want mɔtalman an de atɔl.

Prɔvabs 3:3

Nɔ miks pan kalokalo ɛn bɛnbɛn; bɔt mek lɔv ɛn tret biznɛs nɔ kɔmɔt nia yu; lɛ dɛn tan lɛk chen na yu nɛk, ɛn lɛ dɛn de na yu at ɔltɛm.