Ɛksodɔs 34:5 - Krio Fɔs Oli Baybul

⁵ PAPA GƆD kam dɔŋ insay di klawd ɛn tinap de wit am. Dɛn PAPA GƆD kɔl in oli nem Gɔd.

Ɛksodɔs 34:5 Referans Kwoze

Ɛksodɔs 33:19

PAPA GƆD ansa Mozis. I se, “A go mek ɔl mi gudnɛs de bifo yu, ɛn a go kɔl mi nem ‘PAPA GƆD’ fɔ lɛ yu yɛri. A go sho lɔv ɛn masi to udat a pik.

Di Nɔmba Dɛm 11:25

Dɛn PAPA GƆD apia insay klawd ɛn tɔk to am, dɔn i tek di sem spirit we Mozis gɛt put am pan di sɛvinti bigman we i pik fɔ bi lida. Wɛn dɛn fil di Spirit, dɛn bigin tɔk PAPA GƆD wɔd bɔt dɛn nɔ du so igen afta da tɛm de.

Ɛksodɔs 33:9

Wɛn Mozis dɔn go insay di Tɛnt, klawd kin kam dɔŋ te rich to di Tɛnt in domɔt, nainsay da klawd de PAPA GƆD kin de we i de tɔk to Mozis.

Di Nɔmba Dɛm 11:17

A go kam dɔŋ kam tɔk to yu, ɛn a go tek di sem kayn spirit we yu gɛt ɛn put am pan dɛn. Dɛn go ɛp yu fɔ de tot di lod we di pipul dɛn gɛt so yu nɔ go gɛt fɔ de tot am yu wan.

Ayzaya 1:10

Una yɛri wetin PAPA GƆD se una we de rul Sɔdɔm! Opin yes to wetin wi Gɔd de tich, una di pipul dɛn na Gɔmɔra.

Prɔvabs 18:10

PAPA GƆD na lɛkɛ big kɔtintri, pɔsin we de waka tret na PAPA GƆD in yay kin go ayd biɛn am.

Di Sam Dɛm 102:21

Da tɛm de ɔlman go tɔk bɔt yu na Zayɔn ɛn insay Jerusɛlɛm, dɛn go tɔk wetindu ɔlman fɔ prez yu,

Ditarɔnɔmi 32:3

A go prez PAPA GƆD in nem ɛn ɔlman go tɔk bɔt PAPA GƆD in pawa.

Ɛksodɔs 19:18

Di wanol Mawnt Saynay bin kɔba wit smok bikɔs PAPA GƆD bin kam dɔŋ lɛkɛ faya. Di smok bin de go ɔp lɛkɛ we big faya de kech ɛn dat mek di wanol mawnten shek.

Di Nɔmba Dɛm 14:17

Na yu bin se,

Ɛksodɔs 19:9

PAPA GƆD tɔk bak to Mozis. I se, “A de kam dɔŋ to yu insay wan tik, tik klawd fɔ lɛ di pipul dɛn go yɛri we a de tɔk to yu; dat go mek dɛn biliv yu frɔm naw sote go.” Dɔn Mozis tɛl PAPA GƆD wetin di pipul dɛn se.

Ɛksodɔs 23:21

Una rɛspɛkt am ɛn du wetin i se bikɔs na mi sɛn am. If una mek traŋayes i go dil wit una.

Di Nɔmba Dɛm 12:5

PAPA GƆD apia insay klawd na di Tɛnt in domɔt ɛn kɔl Erɔn ɛn Miriam. We dɛn ɔltu go tinap bifo,

1 Samiɛl 3:18

So Samiɛl insɛf tɛl am ɔl wetin PAPA GƆD bin tɛl am. I nɔ ayd natin. We Ilaɛl yɛri wetin PAPA GƆD se, i se, “Nain na PAPA GƆD, lɛ i du wetin rayt fɔ am.”