Ɛksodɔs 34:16 - Krio Fɔs Oli Baybul

¹⁶ dat tɛm de una bɔypikin dɛn go mared dɛn gyal pikin dɛn ɛn dat go mek dɛn tɔn dɛn bak pan mi ɛn bigin fɔ wɔship dɛn pegan gɔd dɛn.

Ɛksodɔs 34:16 Referans Kwoze

Ɛzra 9:2

Dɛn se di Ju pipul dɛn de mared dɛn fɔrina ya dɛn gyal pikin dɛn, ɛn sɛf dɛn de mek dɛn bɔypikin dɛnsɛf mared di fɔrina dɛn gyal pikin dɛn. Dɛn we se dɛn gɔdli ɛn oli na dɛn dɔn miksɔp ɛn dɔti dɛnsɛf wit dɛn kaynaba tin ya. Infakt fɔ mek tin wɔs na di lida dɛn ɛn di bigman dɛn de bifo pan dis kaynaba dɔti gem.

Nɛimaya 13:25

A tɔk pan dɛn ɛn swɛ dɛn. A bit sɔm pan di man dɛn ɛn rut dɛn ia. A mek dɛn fɔ swɛ na PAPA GƆD in nem se, dɛn nɔ go mek dɛn gyal pikin dɛn mared fɔrina ɛn dɛnsɛf ɔ dɛn bɔypikin dɛn, nɔ go mared fɔrina. A aks dɛn se,

Nɛimaya 13:23

Pan ɔl dis, da tɛm de, a si man dɛn we kɔmɔt Juda we dɔn mared uman dɛn we kɔmɔt Ashdɔd, Amɔn ɛn Moab.

Jɔshwa 23:12

bikɔs if dɛn tɔn dɛn bak pan PAPA GƆD ɛn go jɔyn dɛn neba dɛn we dɛn nɔ bin kil ɛn tek dɛn land, mared dɛn sista dɛn, ɛn dɛn mared Izrɛl dɛn yon sista dɛn,

Jɔshwa 23:13

lɛ dɛn no se PAPA GƆD go lɛf fɔ fɛt fɔ dɛn ɛn na bad bad tin dɛn go de apin to dɛn.

Di Jɔj Dɛm 3:6

Izrɛl ɛn di difrɛn difrɛn neshɔn dɛn bin de mared dɛn kɔmpin bɔy ɛn gyal pikin dɛn, ɛn Izrɛl bin de wɔship dɛn gɔd dɛn.

Di Jɔj Dɛm 14:3

Nain in mama ɛn papa aks am se if i nɔ si nɔn pan in fambul dɛn gyal pikin dɛn we i lɛk, ɔ ivin pan ɔl di wanol Izrɛl dɛn gyal pikin dɛn we i go mared. If na dɛn ɔnsakɔmsayz filistin dɛn gyal pikin i want. Bɔt Samsin tɛl dɛn se, na im in at tek, so mek dɛn go mared am fɔ am.

1 Kiŋ 11:1

Sɔlɔmɔn bin lɛk fɔrina uman dɛn bad ɛn apat frɔm di kiŋ na Ijipt in pikin we i bin mared, i bin mared ɔda uman dɛn we na bin Moabayt, Amonayt, Idɔmayt, Sidonian ɛn Itayt uman dɛn.

Ɛzra 9:12

So, wi nɔ fɔ mek dɛn mared wi gyal pikin dɛn, ɛn wisɛf yon bɔypikin dɛn nɔ fɔ mared dɛn yon gyal pikin dɛn; ɛn wi nɔ fɔ ɛp dɛn pan natin. Dɛn se yu bin dɔn prɔmis se if wi avɔyd dɛn pipul ya ɛn du wetin yu se, bɛtɛ go fala wi ɛn wi go ɛnjɔy di gud tin dɛn we de kɔmɔt na di land. Dɛn se, yu se, wi pikin dɛnsɛf go lɛf biɛn de ɛnjɔy.

Nɛimaya 10:30

Dɛn se, “Wi prɔmis se, wi nɔ go lɛ wi gyal pikin dɛn mared to fɔrina ɛn wi nɔ go mek wi bɔypikin dɛnsɛf mared fɔrin uman dɛn.

Jɛnɛsis 24:3

ɛn swɛ to PAPA GƆD we na PAPA GƆD na ɛvin ɛn ath, se, yu nɔ go fɛn wɛf fɔ mi bɔypikin Ayzak pan dɛn uman dɛn we de ya na Kenan.

Lɛvitikɔs 21:15

dis na fɔ mek i nɔ mek in pikin dɛn disgres midul pipul; bikɔs nain na PAPA GƆD we de mek am oli.

Di Jɔj Dɛm 3:5

So di Izrɛlayt dɛn bin tap na di sem land wit di Kenanayt dɛn, di Itayt dɛn, di Amɔrayt dɛn, di Pɛrizayt dɛn, di Ivayt dɛn ɛn di Jɛbyusayt dɛn.

Di Jɔj Dɛm 8:27

Nain Gidiɔn tek di gold mek lay lay gɔd put nain yon siti we na Ofrɔ, ɛn ɔl di Izrɛlayt dɛn bin kɔmɔt biɛn PAPA GƆD de go wɔship am. Dat na bin trap fɔ Gidiɔn ɛn in famili.

1 Kiŋ 21:25

Nɔbɔdi nɔ bin de we pas Eab fɔ du bad bifo PAPA GƆD in yay bikɔs nain wɛf Jɛzibɛl bin de push am.

2 Kronikuls 21:11

Pantap dat, i mek ay ples dɛn na di il kɔntri we de na Juda, ɛn mek di pipul dɛn we tap na Jerusɛlɛm, nɔ waka tret wit PAPA GƆD, we mek Juda nɔ waka na PAPA GƆD in rod igen.

Nɛimaya 10:31

“Wɛn dɛn treda frɔm ɔda kɔntri briŋ tin fɔ sɛl di de we mek sɛvin we na blo, wi nɔ go bay bikɔs na de de wi fɔ blo ɛn nɔ du natin. If ivin dɛn kam ɛni ɔda de we wi se na oli de, wi nɔ go bay. We wi dɔn wok na wi fam dɛn fɔ siks ia wi nɔ go wok de fɔ ɛni ia we mek sɛvin. Da ia de wi go lɛf ɔl udat o wi.

Di Sam Dɛm 106:39

Dɛn nɔnsɛns dɛnsɛf bay wetin dɛn du, dat mek dɛn biev lɛk rare gyal.

Ozie 1:2

Wɛn PAPA GƆD bin tɔk to Ozie di fɔs tɛm, PAPA GƆD tɛl am se mek i go fɛn wan rare gyal, mared am ɛn bɔn pikin wit am bikɔs na so Izrɛl de biev we dɛn lɛf PAPA GƆD ɛn nɔ bisin bɔt am.