Ɛksodɔs 34:13 - Krio Fɔs Oli Baybul

¹³ Una fɔ brok dɛn ɔlta ɛn skata dɛn pila dɛn. Una fɔ pwɛl ɔl dɛn tin dɛn we dɛn de tek wɔship dɛn gɔd Ashɛra.

Ɛksodɔs 34:13 Referans Kwoze

2 Kiŋ 18:4

I pwɛl pwɛl ɔl dɛn ay ples we dɛn mek fɔ de wɔship lay lay gɔd, ɛn brok da gɔd we nem Ashɛra in lay lay gɔd. I brok da bras snek we Mozis bin mek bikɔs pipul dɛn bin de bɔn insɛns to am. Dɛn bin de kɔl di snek Nɛshutan

Ɛksodɔs 23:24

Una nɔ fɔ butu to dɛn gɔd dɛn fɔ wɔship dɛn, ɛn una nɔ fɔ falamakata dɛn fɔ de wɔship lɛkɛ aw dɛn de wɔship. Una pwɛl pwɛl dɛn gɔd dɛn ɛn brok di ston pila dɛn we dɛn mek fɔ wɔship dɛn gɔd.

Ditarɔnɔmi 16:21

Mozis wɔn di Izrɛlayt dɛn se dɛn nɔ fɔ put nɔn pol as Ashɛra nia di ɔlta we dɛn go mek fɔ PAPA GƆD we na dɛn PAPA GƆD.

Ditarɔnɔmi 7:5

So i tɛl di Izrɛlayt dɛn se we dɛn dɔn kapchɔ ɛni land, dɛn fɔ pwɛl ɔl usay dɛn de mek dɛn sakrifays dɛn nyakanyaka dɛn pila dɛn dɛn yon, ɛn fɔ brok dɛn Ashɛra, kpatakpata, ɛn bɔn ɔl dɛn imej dɛn.

2 Kronikuls 31:1

Naw wɛn ɔl dis dɔn dɔn ɔlman na Izrɛl we prɛzɛnt de go na di siti dɛm na Juda ɛn brok di pila dɛm ɛn kɔt di Asherim tik dɛm ɛn brok di ay ples ɛn ɔlta dɛm we de ɔlsay na Juda ɛn Bɛnjamin ɛn na Ifrem ɛn Manasɛ sote dɛn distrɔy dɛn ɔl. Naim ɔl Izrɛl in pipul dɛm tɔn bak go na dɛn yon siti dɛm, ɔlman usay i blant.

2 Kiŋ 23:14

I brok brok ɔl dɛn ston pila ɛn dɛn imej we dɛn bil fɔ Ashɛra. I kɔba ɔl dɛn tin we i dɔn pwɛl wit mɔtalman bonbon.

Di Jɔj Dɛm 6:25

Da nɛt de, PAPA GƆD tɛl Gidiɔn se lɛ i tek tu pan in papa in man kaw dɛn, di sɛkɛn wan fɔ ol sɛvin ia. I tɛl am se lɛ i brok in papa in ɔlta we i bil fɔ Baalath ɛn brok Ashɛra in imej we de nia di ɔlta.

Di Jɔj Dɛm 2:2

I se dɛn nɔ fɔ mek wanwɔd wit di pipul dɛn we dɛn mit na di land; bifo dat, dɛn fɔ brok di pipul dɛn ɔlta dɛn. I se bɔt dɛn nɔ du wetin i se. Nain i aks dɛn se uskayn tin dɛn dɔn du so.

Di Jɔj Dɛm 6:26

I se Gidiɔn fɔ bil ɔlta fɔ PAPA GƆD we nain PAPA GƆD pantap wan smɔl il, ɛn i fɔ le di ston dɛn tret ɛn fayn wan. Dɔn i fɔ bɔn di sɛkɛn man kaw as sakrifays na faya ɛn na di Ashɛra imej we i bin brok, i fɔ yuz fɔ mek di faya.

1 Kiŋ 14:15

I se PAPA GƆD go pɔnish Izrɛl; dɛn go fiba dɛn plant we de flot na wata. I se in go pul dɛn kɔmɔt na di land we i bin dɔn gi dɛn papa dɛn ɛn skata dɛn ɔl te go biɛn Riva Yufretis bikɔs dɛn bil ples fɔ de wɔship Ashɛra.

2 Kronikuls 14:3

I pul pul dɛn fɔrin ɔlta dɛn ɛn dɛn ay ples dɛm, ɛn brok di pila dɛn ɛn chap chap di Asherim,

2 Kronikuls 15:16

Kiŋ Esa pul Maaka sɛf we nain mama mek i nɔ bi kwin mama igen, bikɔs i bin mek imej fɔ Ashɛra we PAPA GƆD et bad bad wan. Esa brok in imej, nyakanyaka am ɛn bɔn am na Kidrɔn watasay.

2 Kronikuls 17:6

I bin bin gɛt at fɔ wok fɔ PAPA GƆD; pantap dat, i brok brok ɔl di ay pila ɛn di Ashɛrim dɛn kɔmɔt insay Juda.

2 Kronikuls 24:18

Dɛn tɔn dɛn bak pan PAPA GƆD in os, PAPA GƆD we na dɛn fɔstɛmpapa dɛn Gɔd, ɛn dɛn sav Ashɛrim ɛn lay lay gɔd dɛm. So PAPA GƆD in vɛksteshɔn fɔdɔm pan Juda ɛn Jerusɛlɛm fɔ dis kayn tin we dɔn gilti fɔ.

2 Kronikuls 33:19

Ɛn in prea ɛn aw PAPA GƆD tek in bey ɛn ɔl in sin ɛn in ɔnfetful we in ɔnfetful to Gɔd, di say dɛm we i bil ay ples ɛn fiks Asherim tik dɛm ɛn di lay lay gɔd dɛm bifo i ɔmbul insɛf luk am dɛn de na di prɔfɛt dɛn rɛkɔd.

Ayzaya 17:8

dɛn nɔ go rɛspɛkt dɛn ɔlta dɛn, we dɛn bil wit dɛn yon an, ɛn dɛn nɔ go abop pan wetin dɛn mek wit dɛn yon finga, lɛk di Ashirim ɔ di ɔlta dɛn fɔ bɔn insɛns.

Ayzaya 27:9

So, na bay dat dɛn go pe fɔ Jekɔb in sin, ɛn na dis go bi di faynal tin we go pul in sin; wɛn i mek ɔl di ston dɛn na di ɔlta dɛn tan lɛk chɔk we dɛn gren to pawda, nɔn Ashɛrim ɔ insɛns ɔlta nɔ go tinap igen

Jɛrimaya 17:2

wɛn dɛn pikin dɛn de mɛmba dɛn ɔlta dɛm ɛn dɛn Asherim, we liŋ pan ɔl dɛn grin tik, ɛn de pantap di ay il dɛm,

Mayka 5:14

Una Ashɛra dɛn statyu dɛn ɔl go kam dɔŋ ɛn di siti go pwɛl kpatakpata.

Di Nɔmba Dɛm 33:52

dɛn fɔ drɛb ɔl udat bin dɔn tap de bifo dɛn. Dɛn fɔ mek shɔ se dɛn dɔnawe wit ɔl di lay lay gɔd dɛn we dɛn bin dɔn mek ɛn pwɛl ɔl di say dɛn we dɛn bin de wɔship dɛn.

Ditarɔnɔmi 16:22

I wɔn dɛn igen se dɛn nɔ fɔ put nɔn ston pila nia am bikɔs na dɛn tin dɛn de PAPA GƆD we na dɛn PAPA GƆD, et.

2 Kiŋ 10:27

Dɛn brok Beal insɛf yon imej, brok di os ɛn tɔn am to latrin. Na so di ples de te tide.