Ɛksodɔs 34:12 - Krio Fɔs Oli Baybul

¹² Kiaful lɛ yu nɔ tay bagin wit di pipul dɛn na di kɔntri we una de go ɔ nɔ so una go fɔdɔm na dɛn trap.

Ɛksodɔs 34:12 Referans Kwoze

Ditarɔnɔmi 7:2

we PAPA GƆD we na dɛn PAPA GƆD go mek dɛn kɔnka di pipul dɛn na di land, dɛn fɔ kil dɛn ɔl ɛn nɔ luk biɛn. I se dɛn nɔ mek nɔn Kɔvinant wit dɛn.

Ditarɔnɔmi 7:16

I mɛmba dɛn se dɛn fɔ kil ɔl di pipul dɛn we PAPA GƆD we na dɛn PAPA GƆD se dɛn fɔ kil ɛn dɛn nɔ fɔ sɔri fɔ dɛn atɔl; dɛn nɔ fɔ wɔship dɛn pipul de dɛn gɔd bikɔs na trɔbul dɛn go jɛs tot fɔ dɛnsɛf.

Di Sam Dɛm 106:36

Dɛn wɔship dɛn tin dɛn we dɛn mek fɔ pre to, we kam tɔn bon na dɛn trot.

Di Jɔj Dɛm 8:27

Nain Gidiɔn tek di gold mek lay lay gɔd put nain yon siti we na Ofrɔ, ɛn ɔl di Izrɛlayt dɛn bin kɔmɔt biɛn PAPA GƆD de go wɔship am. Dat na bin trap fɔ Gidiɔn ɛn in famili.

Ditarɔnɔmi 20:18

so dat dɛn nɔ go lan di Izrɛlayt dɛn, dɛn bad bad tin dɛn we dɛn bin de du, lɛk fɔ wɔship dɛn pegan gɔd dɛn we dat go mek di Izrɛlayt dɛn kɔmit sin to PAPA GƆD we na dɛn PAPA GƆD.

1 Kiŋ 11:2

Ɔl dɛn uman yaso na dɛn PAPA GƆD bin dɔn tɛl di Izrɛlayt dɛn se dɛn nɔ fɔ mared bikɔs, dɛn go tɔn dɛn at fɔ de wɔship dɛn yon gɔd dɛn. Bɔt Sɔlɔmɔn nɔ bin bisin, bifo dat na dɛn i bin de mek lɔv wit.

2 Kiŋ 17:10

Dɛn bil ples fɔ wɔship Ashɛra na ɔl dɛn il ɛn ɔnda dɛn tik.

2 Kronikuls 24:18

Dɛn tɔn dɛn bak pan PAPA GƆD in os, PAPA GƆD we na dɛn fɔstɛmpapa dɛn Gɔd, ɛn dɛn sav Ashɛrim ɛn lay lay gɔd dɛm. So PAPA GƆD in vɛksteshɔn fɔdɔm pan Juda ɛn Jerusɛlɛm fɔ dis kayn tin we dɔn gilti fɔ.

Di Nɔmba Dɛm 33:52

dɛn fɔ drɛb ɔl udat bin dɔn tap de bifo dɛn. Dɛn fɔ mek shɔ se dɛn dɔnawe wit ɔl di lay lay gɔd dɛn we dɛn bin dɔn mek ɛn pwɛl ɔl di say dɛn we dɛn bin de wɔship dɛn.

Ditarɔnɔmi 31:5

I se PAPA GƆD go mek dɛn kapchɔ dɛn, ɛn se di Izrɛlayt dɛn fɔ du di pipul ɔl wetin in dɔn tɛl dɛn traŋa wan se dɛn fɔ du dɛn.

Jɔshwa 9:7

Bɔt Jɔshwa dɛn se dɛn nɔ go jɔs mek wan wɔd wit dɛn bikɔs dɛn nɔ ivin no if na dɛn ɔl de nia.

Di Jɔj Dɛm 6:10

I se, in bin tɛl dɛn se in na PAPA GƆD we na dɛn PAPA GƆD, so dɛn nɔ fɔ butu to di Amɔrayt dɛn we gɛt di land, dɛn gɔd dɛn. Bɔt dɛn nɔ gri du wetin i se.