Ɛksodɔs 34:10 - Krio Fɔs Oli Baybul

¹⁰ PAPA GƆD tɔk to Mozis. I se, “A de mek Kɔvinant naw wit di Izrɛlayt dɛn. A go pafɔm bɔku bɔku wɔnda we nɔbɔdi nɔ si yet na di wɔl na ɛni kɔntri na di wɔl. Ɔlman go si di wɔndaful tin dɛn we mi Gɔd de du ɛn dɛn ɔl go fred.

Ɛksodɔs 34:10 Referans Kwoze

Ditarɔnɔmi 10:21

I se na PAPA GƆD fɔ prez; nain na dɛn PAPA GƆD we dɔn du plɛnti tin dɛn we mek dɛn wɔnda.

Di Sam Dɛm 77:14

Yu na di PAPA GƆD we de ple mirekul; ɛn ɔlman de si yu mirekul dɛn.

Ayzaya 64:3

We yu bin du fiaful fiaful tin dɛm we wi nɔ de ɛkspɛkt Yu kin kam dɔŋ, ɛn di mawnten dɛn kin shek bifo yu.

Di Sam Dɛm 66:5

Una kam luk wetin PAPA GƆD dɔn du aw di wok we i du fɔ mɔtalman so wɔndaful!

Jɛrimaya 32:21

Yu briŋ yu pipul dɛm we na Izrɛl kɔmɔt Ijipt, wit sayn ɛn wɔnda, wit traŋa an ɛn an we strɛch opin wayd, ɛn wit tin we de mek pipul fred bad bad wan;

2 Samiɛl 7:23

Us ɔda pipul tan lɛk di Izrɛlayt dɛn to yu? Na udat dɛn yu bay bak fɔ bi yu yon pipul? Na dɛn de mek ɔlman de fred ɛn rɛspɛkt yu naw we yu ple bɔku wɔnda ɛn pul dɛn neshɔn dɛn ɛn dɛn gɔd dɛn na dɛn an wɛn yu bin dɔn pul dɛn na Ijipt.

Di Sam Dɛm 78:12

I ple mirekul dɛn frɔnt dɛn fes. Dɛn si dɛn korokoro wan na Ijipt na di Zoan rijɔn.

Di Sam Dɛm 66:3

Tɛl PAPA GƆD se “Di tin dɛn we yu de du, so wɔndaful dat yu ɛnimi dɛn ɔl de fred yu.

Ditarɔnɔmi 32:30

Aw kɔm waŋren pɔsin ebul bit wan tawzin pipul, ɛn tu pipul mek tu tawzin pipul rɔnawe? Pas if di wan we de fɛt fɔ dɛn pul an pan dɛn, ɛn PAPA GƆD dɔn pul at pan dɛm.

Jɔshwa 6:20

So di man dɛn we de mek sakrifays fɔ pipul sin we ol di trɔmpɛt dɛn, blo dɛn. As dɛn blo di trɔmpɛt dɛn so, nain di pipul dɛn ɔl ala lawd lawd wan ɛn di wɔl we de rawnd Jɛriko, fɔdɔm flat wan na grɔn. Di Izrɛlayt dɛn ɔl rɔn go insay di siti ɛn kapchɔ di siti.

Ɛksodɔs 34:27

PAPA GƆD tɔk to Mozis. I se, “Rayt ɔl wetin a dɔn tɛl yu so, bikɔs na ɔl wetin a dɔn tɔk so a de yuz fɔ sayn Kɔvinant wit yu ɛn di Izrɛlayt pipul dɛn.

Di Sam Dɛm 145:6

Pipul go tɔk bɔt di wɔndaful pawa we yu gɛt, dɔn mi go lɛf de tɛl ɔlman bɔt di wɔndaful tin dɛn we yu dɔn du.

Di Sam Dɛm 106:22

di mirekul dɛn na Ijipt ɛn di tin we i du na di Rɛd Si we du fɔ mek pɔsin fred am.

Di Sam Dɛm 76:12

I ebul brok dɛn man we de rul dɛn fɛda dɔŋ, so ɔl dɛn kiŋ de fred am.

Di Sam Dɛm 65:5

We yu rɛdi fɔ ansa wi prea, yu kin du wɔndaful tin dɛn Mi PAPA GƆD we rɛdi fɔ sev wi na yu ɔlman na wɔl de abop pan. Ɔlman, ivin dɛn wan we de go si.

Di Sam Dɛm 147:20

I nɔ du am fɔ ɛni ɔda neshɔn; dɛn nɔ no in lɔ dɛn. Una lɛ wi prez PAPA GƆD!

Ditarɔnɔmi 4:13

I mɛmba dɛn se PAPA GƆD bin mek Kɔvinant wit dɛn ɛn gi dɛn di Tɛn Kɔmandmɛnt we i bin rayt na tu ston tablɛt ɛn bin se dɛn fɔ du ɔl wetin i rayt de.

Di Sam Dɛm 68:35

PAPA GƆD, yu wɔndaful! Yu du fɔ fred usay yu de. Yu we na Izrɛl dɛn PAPA GƆD de gi pawa ɛn trɛnk to yu pipul. Una lɛ wi prez PAPA GƆD!

Ɛksodɔs 34:28

Mozis bin de ɔp di mawnten wit PAPA GƆD fɔ fɔti de ɛn fɔti nɛt, i nɔ it bred, i nɔ drink wata. I rayt di wɔd dɛn fɔ di Kɔvinant, na di ston tablɛt dat na di Tɛn Kɔmandmɛnt.

Ditarɔnɔmi 9:19

Mozis se di kayn vɛks we PAPA GƆD bin dɔn vɛks pan di Izrɛlayt dɛn bin mek in fred se i go dɔnawe wit dɛn ɔl wantɛm, bɔt i se PAPA GƆD bin lisin to am ɛn fɔgiv dɛn.

Di Sam Dɛm 72:18

Una lɛ wi prez PAPA GƆD, Izrɛl dɛn PAPA GƆD! Nain nɔmɔ de du wɔndaful tin dɛn.

Di Sam Dɛm 136:4

Nain nɔmɔ na di PAPA GƆD we de ple wɔndaz, in lɔv de de sote go.

Mayka 7:15

I se mek PAPA GƆD ple mirekul fɔ dɛn lɛk aw i bin du we dɛn kɔmɔt Ijipt.