Ɛksodɔs 33:6 - Krio Fɔs Oli Baybul

⁶ Frɔm da say de na Mawnt Ɔrɛb te dɛn de go naw, di pipul dɛn nɔ wɛr gold igen, ɔlman bin pul in yon.

Ɛksodɔs 33:6 Referans Kwoze

Ɛksodɔs 33:4

Wɛn di pipul dɛn yɛri aw PAPA GƆD tɔk traŋa wan, dɛn kray bita wan ɛn nɔ wɛr gold igen

Jɛrimaya 2:19

PAPA GƆD Ɔlmayti se, una wikɛdnɛs go pɔnish una, ɛn di fɔsek we una fɔsek mi go jɔj una. Una no ɛn si se na bad bad ɛn bita tin fɔ una fɔ fɔsek PAPA GƆD we na una Gɔd; una nɔ rɛspɛkt mi wan.

Ɛksodɔs 32:3

Di pipul dɛn gɛda di yerin dɛn ɛn gi dɛn to Erɔn.

Ɛksodɔs 3:1

Mozis bin de mɛn in fadɛnlɔ we bin nem Jɛthro in ship ɛn got dɛn. Jɛthro na man we bin de mek sakrifays fɔ pipul sin na Midian. Wande, Mozis bin kɛr di ship ɛn got dɛn go insay di ples we pɔsin nɔ go ebul tap te rich Mawnt Ɔrɛb, we na we PAPA GƆD in mawnten.

Ɛksodɔs 33:5

PAPA GƆD bin dɔn tɛl Mozis fɔ tɛl di pipul dɛn se dɛn na traŋayes pipul dɛn, ɛn if i disayd fɔ waka wit dɛn fɔ wan minit sɛf, i go kil dɛn. I se dɛn fɔ pul ɔl di gold we dɛn wɛr, dɔn in go disayd wetin fɔ du wit dɛn.

Ɛksodɔs 33:7

Ɛnitɛm we di pipul dɛn kin bil dɛn kamp, Mozis kin tek di Tɛnt ɛn put am na say we de fa lilibit. Dɛn kin de kɔl am se “Di Tɛnt usay PAPA GƆD de.” Ɛnibɔdi we want no wetin PAPA GƆD mekɔp fɔ am kin go insay di Tɛnt.

Jona 3:5

We i prich, di pipul dɛn na Ninivɛ biliv PAPA GƆD in wɔd; dɔn ɔlman, frɔm big to smɔl, wɛr munin klos fɔ sho aw dɛn sɔri ɛn dɛn ɔl gri se dɛn fɔ fast.