Ɛksodɔs 33:4 - Krio Fɔs Oli Baybul

⁴ Wɛn di pipul dɛn yɛri aw PAPA GƆD tɔk traŋa wan, dɛn kray bita wan ɛn nɔ wɛr gold igen

Ɛksodɔs 33:4 Referans Kwoze

Di Nɔmba Dɛm 14:39

Wɛn Mozis tɛl ɔl di Izrɛlayt wetin PAPA GƆD se, dɛn bigin kray bita bita wan.

Izikɛl 26:16

Da tɛn de, ɔl di si in kiŋ dɛm, go kɔmɔt kam dɔŋ frɔm dɛn tron dɛm, ɛn pul dɛn kiŋ klos dɛm, ɛn pul wan bay wan, dɛn klos dɛn we fayn fayn dizayn bin dɔn wok pan; na da tɛm de dɛn go kɔba dɛnsɛf wit trimbul fɔ klos; dɛn go sidɔm na grɔn ɛn jis de trimbul, trimbul ebri minit ɛn ful wit fred fɔ yu.

Izikɛl 24:23

Una tɔban dɛn go de na una ed ɛn una sus dɛn go de na una fut; una nɔ go munin ɔ kray, bɔt una go munin fɔ una sin ɛn pini na una chɛst to una kɔmpin.

Izikɛl 24:17

Pini, bɔt nɔto lawd wan; nɔ munin atɔl fɔ dayman. Tay yu tɔban rawnd yu ed ɛn wɛr yu sus na yu fut; nɔ kɔba yu mɔt ɛn nɔ it bɛrin it.

Di Nɔmba Dɛm 14:1

Da nɛt de ɔl di Izrɛlayt dɛn bigin kray ɛn ala lawd lawd wan.

Zɛkaraya 7:5

Zɛkaraya fɔ aks di pipul na di land ɛn di man dɛn we de mek sakrifays fɔ pipul sin se, in se, if we dɛn bin de fast di nɔmba fayv de na di nɔmba sɛvin mɔnt fɔ sɛvinti ia, if na fɔ in dɛn bin de fast.

Zɛkaraya 7:3

ɛn fɔ aks ɔl di man dɛn we de mek sakrifays fɔ pipul sin na PAPA GƆD in os wit ɔl di prɔfɛt dɛn, if dɛn fɔ go insay di os go mek sɔri wan lɛkɛ aw dɛn bin dɔn de du.

Jona 3:6

Wɛn di kiŋ na Ninivɛ insɛf yɛri, i grap nain tron, pul in klos ɛn wɛr di sem munin klos ɛn kɔba insɛf wit ashis.

Ozie 7:14

I se dɛn at nɔba de to am wɛn dɛn de pre, bifo dat dɛn kin lidɔm na dɛn bed ol nɛt de kray; we dɛn want dɛn plant dɛn fɔ gro sɛf, dɛn kin fala dɛn ɔda gɔd dɛn we fɔ wɔship ɛn kɔt kɔt dɛnsɛf fɔ gɛt dɛn.

Ayzaya 32:11

Una trimbul, una dɛn uman dɛn we de izi layf, una shek wit fred, una we nɔ tek natin mek natin; una pul klos de nekɛd, ɛn rap saklɔth rawnd una wes.

Job 2:12

We dɛn si am wɛn dɛn bin de fa, dɛn nɔ bin no se na im; bɔt wɛn dɛn luk am gud we dɛn rich nia am, dɛnsɛf bigin ala de kray; dɛnsɛf chɛr dɛn klos ɛn ib dɔti na dɛn ed.

Job 1:20

Wɛn Job dɔn lisin to ɔl wetin dɛn gɛt fɔ se, i grap, chɛr in klos, krep in ed, nildɔŋ wit in ed na grɔn ɛn wɔship PAPA GƆD.

Ɛzra 9:3

We a yɛri dis kayn tin, a chɛr chɛr mi klos na mi bɔdi ɛn drɔ mi ia na mi ed ɛn mi biabia wit shem ɛn pwɛl at.

2 Kiŋ 19:1

Wɛn Kiŋ Ɛzikaya yɛri wetin di man dɛn se, i chɛr in klos ɛn wɛr saklɔth, dɔn i go insay PAPA GƆD in os.

1 Kiŋ 21:27

Wɛn Eab yɛri wetin Ilayja tɔk, i chɛr in klos, wɛr saklɔth ɛn fast. Na di saklɔth in bin de slip wit. Wɛn i kin de waka na so i kin luk ɔmbul.

2 Samiɛl 19:24

Mɛfiboshɛth we na Sɔl in grampikin insɛf go dɔŋ go mit di kiŋ. Frɔm we di kiŋ lɛf Jerusɛlɛm i nɔ sibɔt in fut, i nɔ shev ɔ was in klos te da de de we di kiŋ tɔn bak sef wan.

Lɛvitikɔs 10:6

Mozis tɛl Erɔn ɛn di ɔda bɔypikin dɛn we na Ɛlieza ɛn Ithama se dɛn nɔ fɔ lɛf di ia na dɛn ed so ɛn nɔ kom am, dɛn nɔ fɔ chɛr chɛr dɛn klos fɔ sho se dɛn gɛt bɛrin, ɔ nɔ so dɛnsɛf go day ɛn PAPA GƆD go vɛks pan ɔlman; i se na di ɔda Izrɛlayt dɛn fɔ munin fɔ di man dɛn we day, we PAPA GƆD mek faya kil.

Ɛksodɔs 33:6

Frɔm da say de na Mawnt Ɔrɛb te dɛn de go naw, di pipul dɛn nɔ wɛr gold igen, ɔlman bin pul in yon.

1 Samiɛl 6:19

Bɔt PAPA GƆD mek sɛvinti man na Bɛth Shɛmɛsh day, bikɔs dɛn wach insay PAPA GƆD in ak. Di pipul dɛn sɔri bad we PAPA GƆD trit dɛn so.