Ɛksodɔs 33:3 - Krio Fɔs Oli Baybul

³ Una de go na land we fayn fɔ plant ɛn fɔ mɛn animal dɛn.. Bɔt a nɔ de go wit una, bikɔs if a go, a go kil una na rod bikɔs una traŋayes bad.

Ɛksodɔs 33:3 Referans Kwoze

Ɛksodɔs 3:8

So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap.

Apɔsul Dɛn Wok 7:51

“Una na traŋayes pipul! Gɔd nɔ de na una at, una nɔ de lisin to Gɔd in mɛsej! Una jɛs tan lɛkɛ una grampapa papa dɛn: unasɛf nɔba gri fɔ du ɛnitin we Gɔd in Spirit tɛl una fɔ du.

Jɛrimaya 11:5

so dat a go du wetin a bin dɔn swɛ to una fɔstɛmpapa dɛn se a go du fɔ dɛm, dat na fɔ gi dɛn wan land we gud fɔ plant ɛn fɔ mɛn animal we dɛn gɛt so.” Nain a ansa se, “PAPA GƆD, lɛ i bi so.”

Jɔshwa 5:6

Bɔt insay di fɔti ia we dɛn tek de waka na di ɛmti ples we pipul nɔ go ebul tap, ɔl di man dɛn we bin dɔn machɔ fɔ ebul fɛt, bin dɔn day. Dɛn nɔ bin rɛspɛkt PAPA GƆD ɛn I bin dɔn swɛ se in nɔ go mek dɛn si di land we gud fɔ plant ɛn fɔ mɛn animal, we i bin dɔn prɔmis dɛn fɔstɛm-papa dɛn.

Di Nɔmba Dɛm 16:45

lɛ dɛn kɔmɔt gi am rod mek i dɔnawe wit di pipul dɛn wantɛm. Dɛn ɔltu jɛs bɛn dɛn ed dɔŋ.

Di Nɔmba Dɛm 16:21

“Una kɔmɔt nia dɛn pipul ya mek a dɔnawe wit dɛn wantɛm.”

Jona 3:10

Wɛn PAPA GƆD si ɔl wetin dɛn du; aw dɛn lɛf fɔ du bad, i sɔri fɔ we i bin tɔk se i go dɔnawe wit dɛn ɛn i nɔ du dɛn natin.

Jona 3:4

Afta Jona dɔn waka fɔ wanol de, i tɔk nain at se na fɔti de mɔ Ninivɛ gɛt bifo PAPA GƆD go dɔnawe wit dɛn.

Di Sam Dɛm 78:8

Dat go mek dɛn nɔ fiba dɛn lɔntɛm pipul, we bin traŋayes ɛn gɛt ambɔgin. Dɛn at nɔ bin de to PAPA GƆD, so dɛn nɔ bin bisin bɔt am.

1 Samiɛl 2:30

Di man we de tɔk fɔ PAPA GƆD se, na dat mek PAPA GƆD we na di PAPA GƆD we Izrɛl de wɔship se in bin dɔn se na Ilaɛl in famili ɛn dɛn jɛnareshɔn go bi di man dɛn we de mek sakrifays fɔ pipul sin te go, bɔt in de se i nɔ gɛt fɔ bi so igen, bikɔs na udat sho rɛspɛkt fɔ am, i go rɛspɛkt, bɔt udat de lili am, insɛf nɔ go bisin bɔt am.

Di Nɔmba Dɛm 16:13

Dɛn se if i nɔ du so, we i pul dɛm na di say we dɛn bin de we fayn fɔ plant ɛn fɔ mɛn animal, ɛn briŋ dɛn fɔ kam day na di ɛmti land we pɔsin nɔ go ebul tap. Dɛn se naw Mozis wan mek lɛk bɔs pan dɛn.

Di Nɔmba Dɛm 14:12

Naw a go sɛn bad bad sik pan dɛn ɛn dɔnawe wit dɛn, bɔt yu, a go mek yu gɛt pikin dɛn we go bi wanol neshɔn ɛn yu go pawaful pas dɛn.

Di Nɔmba Dɛm 14:8

Dɛn se wans PAPA GƆD gladi wit wetin dɛn de du, i go mɔs kɛr dɛn go na da land de we gud ɛn de bia bɔku tin ɛn i go mɔs gi dɛn di land.

Di Nɔmba Dɛm 13:27

Na dis dɛn tɛl Mozis: Dɛn se, “Wi go na di land we yu sɛn wi ɛn na tru se na land we gud ɛn i de bia bɔku tin. Infakt luk sɔm di frut we wi kam wit.

Lɛvitikɔs 20:24

Bɔt PAPA GƆD in dɔn tɛl dɛn se, dɛn go gɛt di land as dɛn prɔpati, dɛn go kapchɔ am, land we fayn fɔ plant ɛn mɛn animal dɛn. I se nain na PAPA GƆD we na dɛn PAPA GƆD ɛn nain dɔn mek dɛn difrɛn frɔm ɔda pipul.

Ɛksodɔs 34:9

Mozis tɔk to PAPA GƆD se, if fɔ tru tru se PAPA GƆD lɛk am, lɛ i go wit dɛn. I se di pipul dɛn traŋayes bad, bɔt lɛ i fɔgiv dɛn sin ɛn tek dɛn as in yon pipul.

Ɛksodɔs 32:14

PAPA GƆD chenj in maynd ɛn nɔ pɔnish di pipul dɛn igen lɛkɛ aw i bin se.

Ɛksodɔs 23:21

Una rɛspɛkt am ɛn du wetin i se bikɔs na mi sɛn am. If una mek traŋayes i go dil wit una.

Ɛksodɔs 13:5

I se dɛn fɔ sɛlibret da de de as ɔlide insay da mɔnt de wɛn PAPA GƆD go kɛr dɛn go na di ples usay dɛn Kenanayt, dɛn Itayt, dɛn Amɔrayt, dɛn Ivayt ɛn dɛn Jɛbyusayt dɛn de. I se na da land de PAPA GƆD bin swɛ se in go gi dɛn papa dɛn, ɛn da land we fayn fɔ plant ɛn fɔ mɛn animal dɛn.

Ɛksodɔs 3:17

ɛn a prɔmis fɔ pul dɛn kɔmɔt na Ijipt usay dɛn de sɔfa ɛn kɛr dɛn go na di land usay dɛn Kenanayt, dɛn Itayt, dɛn Amɔrayt, dɛn Pɛrizayt, dɛn Ivayt ɛn dɛn Jɛbyusayt dɛn de. Da land de na land we fayn fɔ plant, ɛn fɔ mɛn animal dɛn.

Ɛksodɔs 33:5

PAPA GƆD bin dɔn tɛl Mozis fɔ tɛl di pipul dɛn se dɛn na traŋayes pipul dɛn, ɛn if i disayd fɔ waka wit dɛn fɔ wan minit sɛf, i go kil dɛn. I se dɛn fɔ pul ɔl di gold we dɛn wɛr, dɔn in go disayd wetin fɔ du wit dɛn.

2 Kiŋ 17:14

Bɔt usay, dɛn nɔ yɛri; na soso di bad abit we dɛn fɔstɛm-papa dɛn bin gɛt we dɛn nɔ de lisin to papa GƆD, nain dɛnsɛf gɛt.

Izikɛl 20:6

Da de de, a bin swɛ to dɛn se a go pul dɛn kɔmɔt Ijipt, kam na wan land we a dɔn fɛn fɔ dɛm, land we gud fɔ plant ɛn fɔ mɛn animal, we na di land we fayn pas ɔl.

Ditarɔnɔmi 4:24

I wɔn dɛn se PAPA GƆD we na dɛn PAPA GƆD de jɛlɔs, ɛn wɛn i vɛks, i kin tan lɛk faya we de bɔn ɛnitin we de bifo am.

Ayzaya 48:4

Bikɔs a no se yu traŋayes, ɛn yu nɛk na lɛk ayɛn rop ɛn yu fɔrɛd na lɛk bras,