Ɛksodɔs 33:2 - Krio Fɔs Oli Baybul

² A go sɛn enjɛl fɔ gayd yu, dɔn a go drɛb dɛn Kenanayt, dɛn Amɔrayt, dɛn Itayt, dɛn Pɛrizayt, dɛn Ivayt ɛn dɛn Jɛbyusayt dɛn kɔmɔt na di land.

Ɛksodɔs 33:2 Referans Kwoze

Jɔshwa 24:11

PAPA GƆD se we di Izrɛlayt dɛn krɔs Riva Jɔdan go Jɛriko di Jɛriko pipul dɛn fɛt dɛn, bɔt in mek Izrɛl bit dɛn. Dɔn di Amɔrayts dɛn o, di Pɛrizayt dɛn o, di Kenanayt dɛn o, di Itayt dɛn o, di Gigashyt dɛn o, di Ivayt dɛn o, di Jɛbyusayt dɛn o, ɔl fɛt Izrɛl, bɔt in mek Izrɛl bit dɛn ɔl.

Ɛksodɔs 32:34

PAPA GƆD tɛl am se lɛ i lid di pipul dɛn go na di ples we i dɔn tɛl am fɔ go. I se in enjɛl go de bifo am fɔ de gayd am. I se di tɛm we in go rɛdi fɔ dɛn i go pɔnish dɛn fɔ dɛn sin.

Ɛksodɔs 23:20

“A de sɛn wan enjɛl go bifo una fɔ de gyad una na rod te una rich na di ples we a dɔn rɛdi fɔ una.

Ditarɔnɔmi 7:22

PAPA GƆD we na dɛn PAPA GƆD go de klia dɛn ɛnimi dɛn smɔl smɔl, bikɔs, if i kil dɛn ɔl wantɛm wantɛm, dɛn wayl animal dɛn go kam plɛnti pas di Izrɛlayt dɛn, ɛn dat go mek dɛn de atak ɛn kil dɛn.

Ɛksodɔs 34:11

Obe ɔl di lɔ dɛn we a de gi yu tide. As una de advans de go bifo, a go drɛb dɛn Amɔrayt, dɛn Kenanayt, dɛn Itayt, dɛn Pɛrizayt, dɛn Ivayt ɛn dɛn Jɛbyusayt dɛn.

Ɛksodɔs 3:17

ɛn a prɔmis fɔ pul dɛn kɔmɔt na Ijipt usay dɛn de sɔfa ɛn kɛr dɛn go na di land usay dɛn Kenanayt, dɛn Itayt, dɛn Amɔrayt, dɛn Pɛrizayt, dɛn Ivayt ɛn dɛn Jɛbyusayt dɛn de. Da land de na land we fayn fɔ plant, ɛn fɔ mɛn animal dɛn.

Ɛksodɔs 3:8

So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap.

Ɛksodɔs 33:12

Mozis tɔk to PAPA GƆD. I se, “Na tru se yu dɔn pik mi fɔ lid dɛn pipul ya, bɔt yu nɔ tɛl mi udat go go wit mi. Yɛs, yu dɔn tɔk se yu no mi gud gud fashin ɛn yu lɛk mi.

Ɛksodɔs 34:24

A go drɛb ɔl dɛn neshɔn dɛn kɔmɔt bifo una dɔn a go ɛkstɛnd una bawndri; nɔbɔdi nɔ go ebul tek una land wɛn una dɔn lɛf dɛn tri tɛm ya insay di ia fɔ kam apia bifo mi PAPA GƆD una PAPA GƆD.

Jɔshwa 3:10

I tɛl dɛn se we PAPA GƆD go dɔn drɛb ɔl di pipul dɛn we de na di land; dat na di Kenanayt dɛn, di Itayt dɛn, di Ivayt dɛn, di Pɛrizayt dɛn, di Gigashayt dɛn, di Amorayt ɛn Jɛbyusayt dɛn, na datɛnde dɛn go biliv se, fɔ tru tru PAPA GƆD de wit dɛn.

Zɛkaraya 12:8

Da de de, PAPA GƆD go fɛt fɔ di wan dɛn we tap na Jerusɛlɛm so dat di wan we nɔ gɛt trɛnk sɛf go tan lɛk Devid, dɔn Devid in os go tan lɛk PAPA GƆD to dɛn, lɛkɛ se in na PAPA GƆD in enjɛl.

Jɛnɛsis 15:21

dɛn Amɔrayt, dɛn Kenanayt, dɛn Gagashayt, ɛn dɛn Jɛbyusayt dɛn de.

Jɛnɛsis 24:7

PAPA GƆD, we na PAPA GƆD na ɛvin, bin pul mi kɔmɔt na mi papa in os ɛn usay ɔl mi fambul dɛn de, ɛn prɔmis mi se, in go gi mi ɛn mi jɛnareshɔn dɛn dis land ya so. Da sem PAPA GƆD de go sɛn in enjɛl bifo yu, so dat yu go gɛt wɛf fɔ mi pikin yanda.

Di Jɔj Dɛm 6:9

ɛn i pul dɛn kɔmɔt ɔnda Ijipt, ɛn ɔnda ɔl di ɔda pipul dɛn we bin de trit dɛn bad. I se in ivin drɛb di pipul dɛn kɔmɔt na dɛn land ɛn gi Izrɛl di land.

1 Kronikuls 1:14

di Jɛbyusayt dɛm, di Amorayt dɛm, di Gagashayt dɛn,