Ɛksodɔs 33:12 - Krio Fɔs Oli Baybul

¹² Mozis tɔk to PAPA GƆD. I se, “Na tru se yu dɔn pik mi fɔ lid dɛn pipul ya, bɔt yu nɔ tɛl mi udat go go wit mi. Yɛs, yu dɔn tɔk se yu no mi gud gud fashin ɛn yu lɛk mi.

Ɛksodɔs 33:12 Referans Kwoze

Ɛksodɔs 33:17

PAPA GƆD ansa Mozis. I se, “A go du wetin yu se bikɔs a no yu gud gud fashin ɛn a lɛk yu.”

Jɛrimaya 1:5

“Bifo a mek yu na yu mami in bɛlɛ, a bin dɔn no yu, ɛn bifo yu bɔn, a bin dɔn kɔnsikret yu fɔ mi wok; a pik yu fɔ bi prɔfɛt to ɔl di neshɔn dɛm.”

Ɛksodɔs 32:34

PAPA GƆD tɛl am se lɛ i lid di pipul dɛn go na di ples we i dɔn tɛl am fɔ go. I se in enjɛl go de bifo am fɔ de gayd am. I se di tɛm we in go rɛdi fɔ dɛn i go pɔnish dɛn fɔ dɛn sin.

Sɛkɛn Lɛta To Timoti 2:19

Bɔt natin nɔ go shek di traŋa fawndeshɔn we Gɔd dɔn mek; di wɔd dɛn we rayt pan di fawndeshɔn na dɛn dis: “Di Masta sabi di wan dɛn we nain yon” ɛn “Ɛnibɔdi we se in blant di Masta fɔ lɛf fɔ du dɛn tin we nɔ rayt.”

Ayzaya 43:1

Bɔt naw, na dis PAPA GƆD se, in we mek yu, yu Jekɔb, in we mol yu, yu Izrɛl: “Nɔ fred, a dɔn bay yu bak; A dɔn kɔl yu bay yu nem, yu na mi yon.

Jɛnɛsis 18:19

A dɔn pik am fɔ tɛl in jɛnareshɔn dɛn fɔ obe mi ɛn du wetin rayt ɛn tret wit mi. Dat go mek misɛf du ɔl wetin a bin prɔmis am.”

Ɛksodɔs 33:1

PAPA GƆD tɔk to Mozis. I se, “Kɔmɔt na dis ples. Yu ɛn di pipul dɛn we yu pul kɔmɔt na Ijipt, una lɛf yaso ɛn go na di land we a bin prɔmis Ebraam, Ayzak ɛn Jekɔb se a go gi dɛn ɛn dɛn jɛnareshɔn.

Ɛksodɔs 3:10

A de sɛn yu go naw to di kiŋ fɔ go pul mi pipul dɛn we na di Izrɛlayt dɛn kɔmɔt na Ijipt.”

Di Sam Dɛm 1:6

PAPA GƆD nɔ de tek jok fɔ udat de waka tret bɔt di bad man go sɔfa fɔ ɔl wetin i dɔn du.

Ɛksodɔs 33:2

A go sɛn enjɛl fɔ gayd yu, dɔn a go drɛb dɛn Kenanayt, dɛn Amɔrayt, dɛn Itayt, dɛn Pɛrizayt, dɛn Ivayt ɛn dɛn Jɛbyusayt dɛn kɔmɔt na di land.

Ayzaya 45:3

A go gi yu di jɛntri we de na dak ɛn di tin dɛn we ayd na dɛn sikrit ples, so dat yu go no se na Mi, PAPA GƆD, Izrɛl dɛn Gɔd, we kɔl yu bay yu nem.

Egay 2:5

lɛkɛ aw i bin dɔn prɔmis dɛn wɛn i bin pul dɛn kɔmɔt na Ijipt. In Spirit go de wit dɛn, so dɛn nɔ fɔ fred.

Ɛksodɔs 3:4

We PAPA GƆD si se Mozis dɔn kam nia di tik we dɔn kech faya i kɔl am, “Mozis, Mozis.” Di vɔys bin kɔmɔt usay di tik dɔn kech faya. Mozis ansa se, “Luk mi!”

Ɛksodɔs 34:9

Mozis tɔk to PAPA GƆD se, if fɔ tru tru se PAPA GƆD lɛk am, lɛ i go wit dɛn. I se di pipul dɛn traŋayes bad, bɔt lɛ i fɔgiv dɛn sin ɛn tek dɛn as in yon pipul.

2 Samiɛl 15:25

Bɔt di kiŋ tɛl Zedɔk mek i lɛ dɛn kɛr di ak go bak na Jerusɛlɛm. I se, if PAPA GƆD gladi wit am, i go briŋ am kam bak so dat i go si di ak ɛn usay dɛn kip am.