Ɛksodɔs 32:9 - Krio Fɔs Oli Baybul

⁹ A dɔn si se dɛn pipul yaso na pipul dɛn we gɛt traŋa at,

Ɛksodɔs 32:9 Referans Kwoze

Apɔsul Dɛn Wok 7:51

“Una na traŋayes pipul! Gɔd nɔ de na una at, una nɔ de lisin to Gɔd in mɛsej! Una jɛs tan lɛkɛ una grampapa papa dɛn: unasɛf nɔba gri fɔ du ɛnitin we Gɔd in Spirit tɛl una fɔ du.

Ayzaya 48:4

Bikɔs a no se yu traŋayes, ɛn yu nɛk na lɛk ayɛn rop ɛn yu fɔrɛd na lɛk bras,

Ditarɔnɔmi 9:13

Mozis se PAPA GƆD bin tɔk se i bin dɔn de wach di Izrɛlayt dɛn, ɛn dɔn fɛnɔt awt se dɛn na pipul we traŋayes.

Ɛksodɔs 34:9

Mozis tɔk to PAPA GƆD se, if fɔ tru tru se PAPA GƆD lɛk am, lɛ i go wit dɛn. I se di pipul dɛn traŋayes bad, bɔt lɛ i fɔgiv dɛn sin ɛn tek dɛn as in yon pipul.

Ɛksodɔs 33:5

PAPA GƆD bin dɔn tɛl Mozis fɔ tɛl di pipul dɛn se dɛn na traŋayes pipul dɛn, ɛn if i disayd fɔ waka wit dɛn fɔ wan minit sɛf, i go kil dɛn. I se dɛn fɔ pul ɔl di gold we dɛn wɛr, dɔn in go disayd wetin fɔ du wit dɛn.

Ɛksodɔs 33:3

Una de go na land we fayn fɔ plant ɛn fɔ mɛn animal dɛn.. Bɔt a nɔ de go wit una, bikɔs if a go, a go kil una na rod bikɔs una traŋayes bad.

Ditarɔnɔmi 31:27

Mozis se, in no se, dɛn na traŋayes pipul dɛn, ɛn dɛn kin biev lɛkɛ rebɛl. I tɛl dɛn se, we in nɔ day yet, dɛn de tɔn dɛn bak pan PAPA GƆD, we sho se if in day, na wɔs tin go bi.

2 Kronikuls 30:8

Una nɔ stif una nɛk lɛk una Papa dɛm, bɔt gi una sɛf to PAPA GƆD. Ɛn kam to in Oli ples we i dɔn mek oli sote go ɛn sav PAPA GƆD una Gɔd mek in at we dɔn wam fɔ una go kol.

Ditarɔnɔmi 9:6

Mozis tɛl dɛn se PAPA GƆD we na dɛn PAPA GƆD nɔ de gi dɛn di land bikɔs dɛn de waka tret; dɛn nɔ gud; dɛn na pipul dɛn we traŋayes.

Prɔvabs 29:1

Ɛnibɔdi we de mek traŋayes we dɛn kɔrɛkt am go gɛt trɔbul, ɛn we i nɔ mekɔp, na de i go fɛn in yon day.

Di Sam Dɛm 78:8

Dat go mek dɛn nɔ fiba dɛn lɔntɛm pipul, we bin traŋayes ɛn gɛt ambɔgin. Dɛn at nɔ bin de to PAPA GƆD, so dɛn nɔ bin bisin bɔt am.

Nɛimaya 9:17

Dɛn nɔ gri fɔ yɛri wɔd, dɛn fɔgɛt bɔt di mirekul dɛn we yu ple fɔ dɛn. Dɛn bin so traŋayes dat dɛn fɛn rebɛl lida fɔ kɛr dɛn go bak go bi slev usay dɛn kɔmɔt. Bɔt yu na PAPA GƆD we gɛt sɔri at; Yu gud ɛn rɛdi fɔ fɔgiv. Yu nɔ gɛt shɔtat ɛn di lɛk we yu kin lɛk pɔsin kin tumɔs. Dat mek yu nɔ jɛs lɛf dɛn to dɛnsɛf.

Ditarɔnɔmi 10:16

I se, dɛn fɔ mek ɔp dɛn maynd ɛn chenj ɛn lɛf fɔ traŋayes,

Ozie 6:10

I se in dɔn si ɔlkayn bad tin de bi insay Izrɛl; Ifrem in jɛs de pan bambot layf so ɔltin dɔn rɔtin insay Izrɛl.

Jɛrimaya 13:27

A dɔn si di kayn ambishɔn we una gɛt, una adɔltri dɛm ɛn di mek we una de mek lɛk ɔs, ɛn una lo lo rare layf, na dɛn il dɛm ɛn dɛn fam. Swɛ go mit yu, Yu Jerusɛlɛm! Aw lɔŋ yu go de bifo yu go klin na Gɔd yay?

Di Nɔmba Dɛm 14:11

PAPA GƆD tɔk to Mozis. I se, “Dɛn pipul ya jɛs de trit mi ɛniaw. Dɛn nɔ de gri fɔ biliv mi pan ɔl di wɔnda we a dɔn ple, we dɛn dɔn si.

2 Kiŋ 17:14

Bɔt usay, dɛn nɔ yɛri; na soso di bad abit we dɛn fɔstɛm-papa dɛn bin gɛt we dɛn nɔ de lisin to papa GƆD, nain dɛnsɛf gɛt.

Nɛimaya 9:16

Bɔt usay, wi fɔstɛm pipul dɛn bin ambɔgin ɛn traŋayes so dɛn nɔ obe di kɔmand we yu gi dɛn.