Ɛksodɔs 32:8 - Krio Fɔs Oli Baybul

⁸ Dɛn dɔn kɔmɔt na di rod we a sho dɛn fɔ waka. Dɛn dɔn mek gold kaw ɛn de wɔship am, ɛn infakt sɛf ɔfa sakrifays to am ɛn tɔk se na di gɔd dat we pul dɛn kɔmɔt na Ijipt.

Ɛksodɔs 32:8 Referans Kwoze

1 Kiŋ 12:28

Wɛn i dɔn aks advays dɔn, i mek tu gold kaw, dɔn i tɛl di pipul dɛn se Jɛrusɛlɛm tu fa fɔ dɛn fɔ de go wɔship. I se in dɔn mek di gɔd dɛn we pul dɛn kɔmɔt na Ijipt.

Ɛksodɔs 20:23

Dɛn nɔ fɔ tek silva mek gɔd ɛn se mi ɛn in na di sem. Dɛn nɔ fɔ tek gold sɛf mek gɔd.

Ditarɔnɔmi 9:16

I se we in luk, in si se dɛn bin dɔn kɔmit sin, ɛn dɛn bin dɔn tɔn pan PAPA GƆD we na dɛn PAPA GƆD kwik kwik wan ɛn go mek kaw pikin wit ayɛn de wɔship.

Di Jɔj Dɛm 2:17

Pan ɔl dat, di pipul dɛn nɔ gri lisin to di jɔj dɛn; dɛn jɛs de wɔship ɔda gɔd dɛn de butu to dɛn; dɛn nɔ gri waka na di rod we dɛn fɔstɛmpapa dɛn we bin de obe PAPA GƆD, bin de waka.

Ɛksodɔs 22:20

“Ɛnibɔdi we ɔfa sakrifays to ɛni gɔd apat frɔm mi PAPA GƆD we na PAPA GƆD, fɔ day.

Ɛksodɔs 32:4

Erɔn tek di gold yerin dɛn ɛn mɛlt am ɛn mek gold lay lay gɔd lɛkɛ kaw. Ɔl di Izrɛlayt bigin tɛl dɛn kɔmpin se na da kaw de na di gɔd we pul dɛn kɔmɔt na Ijipt.

Ɛksodɔs 34:15

Una nɔ tay bagin wit di pipul dɛn na di kɔntri, bikɔs wɛn dɛn de wɔship dɛn pegan gɔd dɛn ɛn de mek sakrifays to dɛn, dɛn go invayt una fɔ jɔyn dɛn, dɔn dɛn go gi una di it ɛn unasɛf go it;

Lɛvitikɔs 17:7

I se dat fɔ mek dɛn lɛf fɔ mek sakrifays to ɔda gɔd dɛn, lɛk dɛn got-dɛbul we de mek lɛ dɛn biev to am lɛk rare gyal. I se dis fɔ bi lɔ na ɔl di jɛnareshɔn sote go.

Ditarɔnɔmi 9:12

We PAPA GƆD bin gi am di tablɛt dɛn, i tɛl am se lɛ i grap go wantɛm, lɛ i go si di sin we di Izrɛlayt dɛn we i bin dɔn stren pul kɔmɔt slevri na Ijipt dɔn kɔmit; dɛn lɛf fɔ du ɔl wetin PAPA GƆD bin tɛl dɛn fɔ de du, dɛn grap go mek lay lay gɔd wit ayɛn de wɔship.

Ditarɔnɔmi 32:17

Dɛn mek sakrifays to fɔrin gɔd dɛn we nɔto tru tru gɔd dɛn, gɔd dɛn we dɛn nɔ ɛva no, gɔd dɛn we kam yɛstade, we dɛn fɔstɛnpapa dɛn nɔ bin de fred.

Di Sam Dɛm 78:36

Bɔt ɔl dis na pantap tɔk, na lay nɔmɔ dɛn bin de pan;

Jɔshwa 22:15

Dɛn go to di tri fambul; dat na di Rubɛn, di Gad ɛn di Manasɛ fambul dɛn. Finɛas ɛn di wan dɛn we go wit am, tɛl dɛn se,

Di Jɔj Dɛm 8:24

Bɔt i se in de aks fɔ sɔntin; dat na fɔ lɛ dɛn gi am ɔl di gold yerin dɛn we dɛn pul na di Midianayt dɛn yes. (Di Midianayt dɛnsɛf bin de wɛr gold yerin lɛk ɔl di ɔda pipul dɛn na di dɛzat)

Nɛimaya 9:18

Ivin we dɛn mek kaw pikin ɛn tɛl dɛnsɛf se nain na di gɔd we pul dɛn kɔmɔt na Ijipt ɔ wɛn dɛn kin du ɔlkayn bad ɛn tɔk bad bɔt yu.

Di Sam Dɛm 106:19

We dɛn bin de na Mawnt Ɔrɛb, dɛn mek wan pikin kaw wit ayɛn ɛn bigin wɔship am.

Ayzaya 46:6

Dɛn wan we de wes gold kɔmɔt na dɛn pɔs, ɛn we silva na skel, aya goldsmit, ɛn in tɔn am to gɔd, dɔn dɛn butu ɛn wɔship am!

Jɛrimaya 31:32

i nɔ go tan lɛk di Kɔvinant we a bin mek wit dɛn fɔstɛmpapa dɛm, we a bin ol dɛn an pul dɛn kɔmɔt Ijipt, mi Kɔvinant we dɛn brok, ɔlwe mi na bin dɛm man. Na so PAPA GƆD se.