Ɛksodɔs 32:7 - Krio Fɔs Oli Baybul

⁷ PAPA GƆD tɔk to Mozis. I se, “Mekes go dɔŋ di mawnten lɛ yu go si aw yu pipul dɛn we yu pul kɔmɔt Ijipt kam dɔn biev; dɛn dɔn du bad, bad tin ɛn tɔn dɛn bak pan mi.

Ɛksodɔs 32:7 Referans Kwoze

Ɛksodɔs 32:11

Bɔt Mozis beg PAPA GƆD se lɛ i kol in at, lɛ i nɔ vɛks, bikɔs nain dɔn yuz in traŋa an fɔ sev dɛn ɛn pul dɛn kɔmɔt na Ijipt.

Ozie 9:9

I se dɛn so dɔn du bad i tan lɛk aw di pipul na Gibia bin biev. I se PAPA GƆD go mɛmba di sin we dɛn de sin ɛn i go pɔnish dɛn fɔ dat.

Ditarɔnɔmi 9:12

We PAPA GƆD bin gi am di tablɛt dɛn, i tɛl am se lɛ i grap go wantɛm, lɛ i go si di sin we di Izrɛlayt dɛn we i bin dɔn stren pul kɔmɔt slevri na Ijipt dɔn kɔmit; dɛn lɛf fɔ du ɔl wetin PAPA GƆD bin tɛl dɛn fɔ de du, dɛn grap go mek lay lay gɔd wit ayɛn de wɔship.

Di Jɔj Dɛm 2:19

Ɛnitɛm we ɛni jɔj day, dɛn kin go bak to di bad tin dɛn we dɛn bin de du; dɛn kin du wɔs pas wetin di wan dɛn we bin de bifo dɛn, bin de du; de sav ɛn butu to ɔda gɔd dɛn. Dɛn nɔ chenj atɔl.

Ɛksodɔs 19:24

PAPA GƆD tɛl Mozis se lɛ i go dɔŋ go briŋ Erɔn kam ɔp to am. I se i nɔ fɔ mek di man dɛn we de mek sakrifays fɔ pipul sin ɛn di pipul dɛn fos fɔ go ɔp usay i de, ɔ nɔ so in go pɔnish dɛn.

Daniɛl 9:24

“Dɛn dɔn put sɛvinti tayms sɛvin ia, we na lɔ fɔseka una oli siti ɛn yu pipul dɛn, fɔ tap wikɛdnɛs, fɔ tap sin, ɛn fɔ pe fɔ di bad bad tin dɛn, lɛ pipul de waka tret ɔltɛm, fɔ kɔba di vishɔn ɛn di prɔfɛt ɛn fɔ pre fɔ wan ples we go oli pas ɔl mek i go klin.

Ditarɔnɔmi 32:5

Bɔt dɛn nɔ waka tret wi am, so dɛn nɔ fit fɔ bi in pipul, dɛn na sinful ɛn bɛn bɛn pipul.

Ditarɔnɔmi 4:16

dɛn nɔ fɔ go mek ɛnitin we fiba mɔtalman ɔ ɛni ɔda tin we fiba di man yon ɔ di uman yon,

Ɛksodɔs 33:1

PAPA GƆD tɔk to Mozis. I se, “Kɔmɔt na dis ples. Yu ɛn di pipul dɛn we yu pul kɔmɔt na Ijipt, una lɛf yaso ɛn go na di land we a bin prɔmis Ebraam, Ayzak ɛn Jekɔb se a go gi dɛn ɛn dɛn jɛnareshɔn.

Ɛksodɔs 32:4

Erɔn tek di gold yerin dɛn ɛn mɛlt am ɛn mek gold lay lay gɔd lɛkɛ kaw. Ɔl di Izrɛlayt bigin tɛl dɛn kɔmpin se na da kaw de na di gɔd we pul dɛn kɔmɔt na Ijipt.

Ɛksodɔs 32:1

We di pipul dɛn si se Mozis dɔn te ɔp di mawnten ɛn nɔ kam dɔŋ, dɛn go mit Erɔn ɛn tɛl am se, as fɔ Mozis we pul dɛn kɔmɔt na Ijipt, dɛn nɔ no wetin dɔn apin to am; so, lɛ in di Erɔn mek gɔd fɔ dɛn we go de lid dɛn.

Ditarɔnɔmi 9:8

Na so dɛn bin mek PAPA GƆD vɛks pan dɛn we dɛn bin de na Mawnt Saynay, te PAPA GƆD niali wan dɔnawe wit dɛn ɔl.

Di Sam Dɛm 78:36

Bɔt ɔl dis na pantap tɔk, na lay nɔmɔ dɛn bin de pan;

Ditarɔnɔmi 31:29

Mozis se in wan tɛl dɛn wetin in wan tɛl dɛn, bikɔs i no se dɛn nɔ go kia igen bɔt ɔl wetin i bin dɔn tich dɛn. I se tɛm go kam we bad bad tin dɛn go de apin to dɛn, bikɔs, dɛn go du bad bad tin te PAPA GƆD vɛks ɛn pɔnish dɛn.

2 Kronikuls 27:2

I du wetin rayt na PAPA GƆD in yay, bay ɔl wetin in papa Uzaya bin du- di waŋren tin, i nɔ fala in papa we fos go insay PAPA GƆD in os. Bɔt di pipul dɛn stil de du dɛn bɛn bɛn tin dɛn.

Ayzaya 1:4

E, neshɔn we gɛt sin, pipul we de du so so bad, pikin we bad pipul bɔn, bɔypikin dɛn we kɔrɔpt! Dɛn dɔn kɔmɔt biɛn PAPA GƆD, dɛn nɔ rɛspɛkt di Oli Wan na Izrɛl dɛn dɔn kɔmɔt biɛn am kpatakpata.