Ɛksodɔs 32:4 - Krio Fɔs Oli Baybul

⁴ Erɔn tek di gold yerin dɛn ɛn mɛlt am ɛn mek gold lay lay gɔd lɛkɛ kaw. Ɔl di Izrɛlayt bigin tɛl dɛn kɔmpin se na da kaw de na di gɔd we pul dɛn kɔmɔt na Ijipt.

Ɛksodɔs 32:4 Referans Kwoze

Nɛimaya 9:18

Ivin we dɛn mek kaw pikin ɛn tɛl dɛnsɛf se nain na di gɔd we pul dɛn kɔmɔt na Ijipt ɔ wɛn dɛn kin du ɔlkayn bad ɛn tɔk bad bɔt yu.

Ditarɔnɔmi 9:16

I se we in luk, in si se dɛn bin dɔn kɔmit sin, ɛn dɛn bin dɔn tɔn pan PAPA GƆD we na dɛn PAPA GƆD kwik kwik wan ɛn go mek kaw pikin wit ayɛn de wɔship.

Apɔsul Dɛn Wok 7:41

Dɛn mek kaw pikin fɔ de pre to ɛn sakrifays tin to am; dɛn kin ɔltɛm gladi fɔ di tin we dɛn mek.

Ɛksodɔs 32:8

Dɛn dɔn kɔmɔt na di rod we a sho dɛn fɔ waka. Dɛn dɔn mek gold kaw ɛn de wɔship am, ɛn infakt sɛf ɔfa sakrifays to am ɛn tɔk se na di gɔd dat we pul dɛn kɔmɔt na Ijipt.

1 Kiŋ 12:28

Wɛn i dɔn aks advays dɔn, i mek tu gold kaw, dɔn i tɛl di pipul dɛn se Jɛrusɛlɛm tu fa fɔ dɛn fɔ de go wɔship. I se in dɔn mek di gɔd dɛn we pul dɛn kɔmɔt na Ijipt.

Ozie 13:2

Naw dɛn sin dɔn pasmak. Dɛn de mek mɔ tin dɛn fɔ wɔship. Dɛn de yuz dɛn silva dɛn fɔ mek dɛn fayn. Dɔn dɛn se na to dɛn dɛn fɔ mek sakrifays. Mɔtalman dɛn tɔn fɔ de kis di kaw-pikin dɛn we dɛn mek.

Apɔsul Dɛn Wok 17:29

We wi na Gɔd in pikin dɛn, lɛ wi mɛmba se mɔtalman nɔ go ebul tek gold, silva, ɔ ston mek Gɔd.

Ozie 10:5

Di pipul na Sameria go fred we dɛn si di kaw-pikin dɛn we dɛn mek na Bɛthavɛn. Di pipul go fil am lɛk se dɛn gɛt bɛrin ɛn dɛn man dɛn we de mek sakrifays to Beal sɛf go fil am we PAPA GƆD dɔn pul di tin we dɛn de blɔf fɔ kɔmɔt to dɛn.

Ayzaya 46:6

Dɛn wan we de wes gold kɔmɔt na dɛn pɔs, ɛn we silva na skel, aya goldsmit, ɛn in tɔn am to gɔd, dɔn dɛn butu ɛn wɔship am!

2 Kronikuls 13:8

Naw una de plan fɔ fɛt PAPA GƆD in kindɔm we de na Devid in bɔypikin dɛn an, bikɔs una bɔku lɛk yɔni ɛn di pikin kaw we Jɛroboam mek wit gold fɔ lɛ una de wɔship.

2 Kronikuls 11:15

Ɛn i pik in yon man dɛn we de mek sakrifays fɔ pipul sin fɔ de na di ay ples laylay gɔd dɛn, ɛn di pikin kaw imej dɛn we i bin dɔn mek.

Ɛksodɔs 20:23

Dɛn nɔ fɔ tek silva mek gɔd ɛn se mi ɛn in na di sem. Dɛn nɔ fɔ tek gold sɛf mek gɔd.

2 Kiŋ 10:29

Bɔt in di Jeu nɔ tap fɔ du di bad tin we Jɛroboam we na Nebat in bɔypikin bin de du, we i mek Izrɛl kɔmit sin ɛn mek gold kaw lay lay gɔd na Bɛthɛl ɛn Dan.

Ɛksodɔs 32:1

We di pipul dɛn si se Mozis dɔn te ɔp di mawnten ɛn nɔ kam dɔŋ, dɛn go mit Erɔn ɛn tɛl am se, as fɔ Mozis we pul dɛn kɔmɔt na Ijipt, dɛn nɔ no wetin dɔn apin to am; so, lɛ in di Erɔn mek gɔd fɔ dɛn we go de lid dɛn.

1 Kiŋ 12:32

Jɛroboam mek dɛn bigin fɔ mek fɛstival di fiftin de insay di et mɔnt lɛkɛ di kayn we aw dɛn kin du na Juda, dɔn i mek dɛn de ɔfa sakrifays na di ɔlta. I mek sakrifays to di lay lay gɔd dɛn we dɛn mek na Bɛthɛl, dɔn i pik man dɛn fɔ de mek sakrifays fɔ pipul sin ɔp di il dɛn.

Ɛksodɔs 28:11

Lɛkɛ aw dɛn man we de mek ston tablɛt de wok nɔmɔ, na so fɔ rayt Izrɛl in bɔypikin dɛn nem pan di ston dɛn. Di ston dɛn fɔ gɛt gold frem.

Ɛksodɔs 28:9

Tek tu ɔniks ston dɛn ɛn rayt Izrɛl in bɔypikin dɛn nem pan dɛn lɛkɛ aw dɛn bɔn,

Ɛksodɔs 20:2

“Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev.

1 Kɔrint 10:7

Ɛn wi nɔ fɔ pre to dɛn tin we mɔtalman mek lɛkɛ aw sɔm pan dɛn pipul ya bin de du. Dɛn rayt na Gɔd in Buk se, “Di pipul dɛn bin sidɔm fɔ it ɛn drink, dɔn dɛn grap fɔ dans, drɔnk ɛn liv fri layf.”

Ɛksodɔs 32:3

Di pipul dɛn gɛda di yerin dɛn ɛn gi dɛn to Erɔn.

Ɛksodɔs 32:5

Erɔn bil ɔlta bifo di lay lay gɔd ɛn tɔk se di nɛks de dɛn go mek big sɛlibreshɔn fɔ ɔna PAPA GƆD.

Ɛksodɔs 32:7

PAPA GƆD tɔk to Mozis. I se, “Mekes go dɔŋ di mawnten lɛ yu go si aw yu pipul dɛn we yu pul kɔmɔt Ijipt kam dɔn biev; dɛn dɔn du bad, bad tin ɛn tɔn dɛn bak pan mi.

Ɛksodɔs 32:24

So, in tɛl dɛn se if ɛnibɔdi gɛt gold lɛ dɛn gi am. I se dɛn gi am di gold, ɛn wɛn i ib am na faya, nain di kaw lay lay gɔd kɔmɔt.

Ɛksodɔs 32:35

PAPA GƆD pɔnish di pipul dɛn bikɔs dɛn mek Erɔn mek gold kaw lay lay gɔd fɔ dɛn.

2 Kiŋ 10:20

Jeu gi ɔda se lɛ dɛn mek anawnsmɛnt se na big big okezhɔn dɛn de mek fɔ ɔna Beal. Dɛnsɛf du dat.

Ayzaya 30:22

Datɛnde, una go dɔti una laylay gɔd dɛm we kɔba wit silva ɛn di wan dɛn we kɔba wit gold, na mi yay. Una go skata dɛm lɛk tin dɛm we nɔ klin na mi yay; una go tɛl dɛn se, “kɔmɔt bifo mi!”

Izikɛl 23:8

I nɔ bin tap in rare layf we i bin dɔn de pan, frɔm we i bin de na Ijipt; bikɔs frɔm di tɛm we i bin yɔŋ, man dɛn dɔn de lidɔm wit am ɛn ol in vajin buzɔm, ɛn dɛn tɔn di want we dɛn want uman bad bad wan, to am.

Ɛksodɔs 20:4

“Una nɔ fɔ mek nɔn aydɔl, ɔ ɛnitin we fiba sɔntin ɔp na ɛvin, ɔ dɔŋ na di wɔl, ɔ tin we de ɔnda wata ɔ ɔnda di grɔn.

Di Jɔj Dɛm 8:24

Bɔt i se in de aks fɔ sɔntin; dat na fɔ lɛ dɛn gi am ɔl di gold yerin dɛn we dɛn pul na di Midianayt dɛn yes. (Di Midianayt dɛnsɛf bin de wɛr gold yerin lɛk ɔl di ɔda pipul dɛn na di dɛzat)

Di Jɔj Dɛm 8:27

Nain Gidiɔn tek di gold mek lay lay gɔd put nain yon siti we na Ofrɔ, ɛn ɔl di Izrɛlayt dɛn bin kɔmɔt biɛn PAPA GƆD de go wɔship am. Dat na bin trap fɔ Gidiɔn ɛn in famili.